João 19

23 ಜೆಜುಕ್ ಕುರ್ಸಾರ್ ಮಾರುನ್ ಹೊಲ್ಲ್ಯಾ ಮಾನಾ ಸೈನಿಕಾನಿ ತೆಚೆ ಕಪ್ಡೆ ಘೆಟ್ಲ್ಯಾನಿ ಅನಿ ಚಾರ್ ವಾಟೆ ಕರುನ್ ಎಗಳ್ಳ್ಯಾನಿ, ಎಕೆಕ್ ವಾಟೊ ಎಕೆಕ್ಲ್ಯಾನಿ ಚಾರ್ ಸೈನಿಕಾನಿ ತೆ ವಾಟುನ್ ಘೆಟ್ಲ್ಯಾನಿ, ತೆನಿ ತೆಚೊ ಝಗೊಬಿ ಘೆಟ್ಲ್ಯಾನಿ. ತೊ ಎಕ್ ಸೈತ್ ಶಿವನ್ ನಸ್ತಾನಾ ವೈನಾ ಖಾಯ್ಲ್ ಪತರ್ ಎಕಾಕ್ನಾ ಗುತುನ್‍ಗೆತ್ ಯೆಲ್ಲೊ ಹೊತ್ತೊ.

24 ಸೈನಿಕಾನಿ ಎಕಾಮೆಕಾಕ್ನಿ "ಅಮಿ ಹ್ಯೊ ಪಿಂಜ್ತಲೊ ನಕ್ಕೊ, ಚಿಟಿಯಾ ಘಾಲುನ್ ಕೊನಾಕ್ ಯೆತಾ ಕಾಯ್ ಮನುನ್ ಬಗುವಾ" ಮಟ್ಲ್ಯಾನಿ.

ಅಶೆ ಪವಿತ್ರ್ ಪುಸ್ತಕಾತ್, "ತೆನಿ ಮಾಜೆ ಕಪ್ಡೆ ಅಪ್ನಾಂಚ್ಯಾ ಮದ್ದಿ ವಾಟುನ್ ಘೆಟ್ಲ್ಯಾನಿ, ✝19:24 ಕಿರ್ತ 22:18 ಅನಿ ಮಾಜ್ಯಾ ಝಾಗ್ಯಾಸಾಟ್ನಿ ಚಿಟಿಯಾ ಘಾಟ್ಲ್ಯಾನಿ". ಮನುನ್ ಸಾಂಗಲ್ಲೆ ಪುರಾ ಹೊಲೆ.

ಸೈನಿಕಾನಿ ಅಸೆಚ್ ಕರ್ಲ್ಯಾನಿ.

25 ಜೆಜುಚಿ ಬಾಯ್ ಮರಿ, ಜೆಜುಚ್ಯಾ ಬಾಯ್ಚಿ ಭೆನ್, ಕ್ಲಿಯೊಪಾಸಾಚಿ ಬಾಯ್ಕೊ ಮರಿ, ಅನಿ ಮರಿ ಮಾಗ್ದೆಲಿನಾ ಹೆನಿ ಥೈಚ್ ಜೆಜುಜ್ಯಾ ಕುರ್ಸಾ ಜಗ್ಗೊಳ್ ಇಬೆ ಹೊತ್ತ್ಯಾನಿ. 26 ಜೆಜುನ್ ಅಪ್ನಾಚ್ಯಾ ಬಾಯ್ಕ್, ಅನಿ ಥೈ ಇಬೆ ಹೊತ್ತ್ಯಾ ಅಪ್ನಾಚ್ಯಾ ಪ್ರೆಮಾಚ್ಯಾ ಶಿಸಾಕ್ ಬಗಟ್ಲ್ಯಾನ್, ಅನಿ ತೆನಿ ಅಪ್ನಾಚ್ಯಾ ಬಾಯ್ಕ್,"ಬಾಯಿ, ಹ್ಯೊ ತುಜೊ ಲೆಕ್" ಮಟ್ಲ್ಯಾನ್.

27 ಮಾನಾ ತೆನಿ ಅಪ್ನಾಚ್ಯಾ ಶಿಸಾಕ್, "ಹಿ ತುಜಿ ಬಾಯ್" ಮನುನ್ ಸಾಂಗಟ್ಲ್ಯಾನ್, ತನ್ನಾಚ್ಯಾನ್ ತ್ಯಾ ಶಿಸಾನ್ ತಿಕಾ ಅಪ್ನಾಚಿ ಸ್ವತಾಚಿ ಬಾಯ್ ಕರುನ್ ಘೆಟ್ಲ್ಯಾನ್ ಅನಿ ಘರಾಕ್ ಘೆವ್ನ್ ಗೆಲ್ಯಾನ್.