EFESOFOƐ 2

11 Yeti ɛmɔkaye kyɛ, mmerɛ bie bɔ wapɛ nu ne, aworɛ nu de, né ɛmɔte maen-maen nufoɛ. Ná ne bɛ bɔ bapɛ bɛ toa ne ka kyɛ ɛmɔte "ɛtó."*2:11 Kyire kyɛ: "Ebie bɔ bɛpɛlle ye toa." 12 Sɔ mmerɛ ne, né ɛmɔnze Kristo, né ɛmɔ ahwe ɛmɔ nwo koraa bafi Israel maen nanwo, ná bɔhyɛ nanwo apam ne koso, ne ɛmɔ bokka ye; né ɛmɔlle anidasoɛ biala wɔ wiase, na ne ɛmɔnze Nyameɛ koso. 13 Nakoso afei de, ɛmɔ bɔ ahaa né ɛmɔ wɔ dede ne, ɛmɔ ne Kristo Yesu ayɛ kõ, na ɛmɔnate ye mogya naso apingye Nyameɛ.