14 ಮನಕ್ಹೊ ಯೊರ್ದಾನ ತಳು ದಾಟಾನಾಹುತಿ ತ್ಯುನಾ ಡೆರೊ ಕಿತ್ತಿಲಿನ ಗೈ ಪಡ್ಯಾ.ಒಡಂಬಡಿಕೆನಾ ಮಂಜುಷನೆ ಉಚಾಯೆಲ ಯಾಜಕೊ ತ್ಯುನಾ ಕ್ಹಾಮಾ ವ್ಹತ್ತಾ. 15 ಮಂಜುಷ ಉಚೈಲಿದಲ ಯಾಜಕೊ ಯೊರ್ದನೆ ಐನ ಪಾನಿಮಾ ತ್ಯುನಾ ಪಗೊನೆ ಅದ್ದುತಲೆ ಸುಗ್ಗಿನಾ ದಿನೊಮಾ ದಡಮಿರಿ ವ್ಹೈನ ಜಾವಾನು ಯೊರ್ದನ ತಳಾನು ಪಾನಿ ಹುಬ್ರೈ ಗಯು. 16 ಉಪ್ಪರತು ಆವಾನು ಪಾನಿ ಘನ್ನು ದುರ ರ‍್ಹಯಲ ಚಾರೆತಾನಿನಾ ಕ್ಹಾಮು ರ‍್ಹವಾನು ಆದಾಮನಾ ಗಾಮಲಕ್ಕಾ ರಾಶಿ ಥೈನ ಹುಬ್ರಯುತು.ಹೆಟು ರ‍್ಹಯಲ ಪಾನಿ ಅರಾಬಾ ಕ್ಹಾಡಿಮಾ ರ‍್ಹವಾನು ಲವಣ ಸಮಂದರನೆ ವ್ಹೈನ ಗಯು. ಮನಕ್ಹೊ ಯರಿಕೊನಾ ಕ್ಹಾಮಾ ತಳು ದಾಟ್ಯಾ. 17 ಯಹೊವಾನಾ ಒಡಂಬಡಿಕೆನಾ ಮಂಜುಷನೆ ಉಚಾಯೆಲ ಯಾಜಕೊ ಯೊರ್ದನನಾ ವಚ್ಮಾ ಕ್ಹುಕ್ಹಿ ಜಿಮಿನ್ಪರ ಹುಬ್ರೈಯಾತಾ. ತೆಕ್ಲಾಮಾಜ ಇಸ್ರಾಯಲೊ ಕ್ಹಾರಾ ಕ್ಹುಕ್ಹಿ ಜಿಮಿನ್ಪರ ಚಾಲಿನ ಗಯಾ.ತೆ ಪ್ರಕಾರ ಮನಕ್ಹೊ ಕ್ಹಾರಾ ಯೊರ್ದನನೆ ಹಿಂಗೆ ಗಯಾ.