1 عَلَتَلَ نَشَ عَ مَسٍن ﭑ بّ، «عَدَ مَدِ، كٍلِ، ﭑ شَ مَسٍنيِ تِ عِ بّ.» 2 عَ قّقّ نَ وْيّنيِ قَلَ ﭑ بّ، شَشِلِ سّنِيّنشِ نَشَ فٌرٌ ﭑ مَ، عَ ﭑ تِ ﭑ سَنيِيٍ شُن مَ. ﭑ نَشَ عَ شُي مّ عَ قَلَقٍ رَ ﭑ بّ، 3 «عِ تَن عَدَ مَدِ، ﭑ تَن نَن عِ شّيقٍ عِسِرَيِلَكَيٍ مَ، نَشٍيٍ بَرَ مُرُتَ ﭑ مَ، كٍلِقٍ عٍ بٍنبَيٍ شَ تّمُي مَ هَن يِ وَشَتِ. 4 ﭑ عِ شّيمَ نَشٍيٍ شْن، عٍ تُلِ شْرْشْ. عِ شَ عَ قَلَ عٍ بّ، ‹عَلَتَلَ يِ مَسٍنيِ نَن تِشِ.› 5 بْنسْي مُرُتَشِ نَن عٍ رَ، كْنْ عٍ قَمَ نّ عَ كٌلٌندٍ نَمِحْنمّ ندٍ بَرَ لُ عٍ يَ مَ، هَلِ عٍ تٌندِ عِ شُي سُشُدٍ. 6 عِ تَن عَدَ مَدِ، عِ نَشَ فَاشُ عٍ يَ رَ، عِ نَشَ كْنتْقِلِ عٍ شَ وْيّنيِ شَ قٍ رَ، هَلِ نَ بِرِن قَ قِندِ تْورّ رَ عِ بّ، عٍ قَ لُ عَلْ تَلِيٍ. عِ نَشَ فَاشُ نَ بْنسْي مُرُتَشِ يَ رَ. 7 قٌ عِ شَ ﭑ مَ مَسٍنيِ تِ عٍ بّ، هَلِ عٍ تٌندِ عٍ تُلِ مَتِدٍ عِ رَ عٍ شَ مَتَندِ كُي. 8 كْنْ عِ تَن عَدَ مَدِ، عِ شَ عِ تُلِ مَتِ ﭑ شُي رَ، عِ نَشَ مُرُتَ عَلْ يِ بْنسْي عَ رَبَمَ كِ نَشّ. عِ شَ عِ دّ رَبِ، عِ شَ دٌنسٍ دٌن ﭑ نَشَن سٌمَ عِ يِ رَ.»

9 نَ تّمُي ﭑ نَشَ بّلّشّ عِتَلَشِ ندٍ تٌ ﭑ يَ عِ، كّيدِ مَقِلِنشِ نُ نَ عَ كُي. 10 عَ نَشَ عَ عِتَلَ ﭑ يَ عِ، سّبّلِ نُ تِشِ عَ كُي نُن عَ قَرِ نَشَن تْورّ شْرْشْي شَ قٍ مَسٍنمَ.