عَننَبِ عٍسٍكِيٍلِ 5

عِسِرَيِلَ شَ حَشَنكَتّ

1 «عِ تَن عَدَ مَدِ، عِ شَ عِ شُنيِ نُن عِ دّشَبٍ بِ. عِ نَ فّ نَ رَبَدٍ، عِ شَ نَ شُنسّشّ نُن نَ دّشَبٍ عِتَشُن دْشْ سَشَن نَ. 2 دَرِ سَلَمُ شَ سُشُي شِ كْنتِ نَ فّ كَمَلِدٍ، عِ شُنسّشّ نُن دّشَبٍ دْشْ كٍرٍن فَن تَا ثِرِنتِ مَ. عِ شَ دْشْ كٍرٍن مَشَبَ سَنتِدّفّمَ رَ ثِرِنتِ رَبِلِنيِ مَ. عِ شَ دْشْ كٍرٍن وٌلِ كٌورٍ مَ، قٌيٍ شَ عَ رَيٍنسٍن. نَ بِرِن عَ مَسٍنمَ نّ ﭑ قَمَ عِ كٍرِدٍ سَنتِدّفّمَ رَ كِ نَشّ. 3 كْنْ عِ شَ شُنسّشّ دٌندٌرٌنتِ تٌنفٌ، عِ نٍيٍ نْشُن عِ شَ دُفِ كُي. 4 عِ مَن شَ شُنسّشّ ندٍ وٌلِ تّ شْورَ، نَشَن عَ مَسٍنمَ يِ حَشَنكَتّ قَمَ نّ دِندٍ عِسِرَيِلَ بْنسْي بِرِن نَ.»

5 «ﭑ تَن مَرِفِ عَلَتَلَ نَن يِ مَسٍنشِ؛ دَرِ سَلَمُ نَن يَ ﭑ نَشَن دْشْ سِيٍ تَفِ. حَمَنّيٍ نَن نَ عَ رَبِلِنيِ بِرِن مَ. 6 كْنْ عَ بَرَ مُرُتَ ﭑ مَ سّرِيّ نُن ﭑ مَ يَامَرِيٍ مَ عَ شَ حَاشُحَ كُي. عَ بَرَ عَ كٌبٍ رَ سٌ ﭑ نَ، عَ فبِلٍن ﭑ قْشْ رَ.»

7 «ﭑ تَن مَرِفِ عَلَتَلَ نَن يِ مَسٍنشِ؛ وٌ بَرَ حَاشُ دَنفِقٍ وٌ دْشْبٌورٍيٍ بِرِن نَ. وٌ تٌ مُ تِنشِ بِرَدٍ ﭑ مَ كِرَ قْشْ رَ، وٌ مُ ﭑ مَ سّرِيّ سُشُ. هَلِ وٌ دْشْبٌورٍيٍ شَ سّرِيّ، وٌ مُ عَ بِنيَمَ.»

8 «ﭑ تَن مَرِفِ عَلَتَلَ نَن يِ مَسٍنشِ؛ ﭑ تَن بَرَ تِ وٌ كَنكٍ دَرِ سَلَمُكَيٍ. ﭑ قَمَ نّ وٌ حَشَنكَتَدٍ سِيٍ يَ شْرِ. 9 وٌ تٌ بِرَ كُيٍ شْنشِيٍ بَتُقٍ رَ، ﭑ قٍ رَبَمَ نّ وٌ رَ ﭑ مُ نَشَن سِنفٍ رَبَشِ، ﭑ مُ نَشَن نَبَمَ يَرٍ. 10 وٌ بَبَيٍ قَمَ نّ عٍ شَ دِيٍ دٌندٍ، وٌ شَ دِيٍ قَمَ نّ عٍ بَبَيٍ دٌندٍ. ﭑ وٌ حَشَنكَتَمَ نَ كِ نّ، نَشٍيٍ لُشِ ﭑ قَ عٍ رَيٍنسٍن حَمَنّيٍ مَ.»

11 «ﭑ تَن مَرِفِ عَلَتَلَ ﭑ بَرَ ﭑ كَلِ؛ وٌ تٌ ﭑ مَ هْرْ مْبَنشِ رَقٍ كُيٍ حَاشِيٍ رَ، وٌ قَ بَتُي رَبَ ﭑ نَشَن شْنشِ، ﭑ نَ ﭑ مَ هِننّ بَمَ نّ وٌ يِ رَ، ﭑ مُ كِنِكِنِمَ وٌ مَ، ﭑ مُ وٌ رَكِسِمَ قٍقٍ مَ. 12 وٌ شَ حَمَ دْشْ كٍرٍن قَشَمَ نّ وُفَنيِ نُن كَامّ رَ. عَ دْشْ قِرِن ندٍ قَشَمَ سَنتِدّفّمَ نَن نَ تَا قَرِ مَ. عَ دْشْ سَشَن ندٍ رَيٍنسٍن يّ حَمَنّيٍ مَ، ﭑ عٍ كٍرِ سَنتِدّفّمَ رَ.»

13 «نَ تّمُي، ﭑ مَ شْنّ دَنمَ نّ. ﭑ فبٍ قَمَ نّ حْشْدٍ نَ كُي. ﭑ نَ شْنْ عٍ مَ نَ كِ، عٍ قَمَ نّ عَ كٌلٌندٍ ﭑ تَن عَلَتَلَ بْحّ نَ كِ نَشّ. 14 ﭑ عِ قِندِ مَ يِرٍ كَنَشِ نَن نَ، سِ فبّتّيٍ نَ نَا تٌ، عٍ قَ وٌ مَبٍرٍ. 15 ﭑ نَ فّ وٌ حَشَنكَتَدٍ ﭑ مَ شْنّ كُي، عٍ قٍ حَاشِ قَلَمَ نّ وٌ شُن مَ، عٍ وٌ كٌنبِ. وٌ قِندِ مَ مَسٍنيِ مَفَاشُشِ نَن نَ سِيٍ بّ نَشٍيٍ نَ وٌ رَبِلِنيِ. وٌ مَرِفِ عَلَتَلَ شُي نَن نَ كِ.»

16 «ﭑ نَ ﭑ مَ شَلِ قَشَتِسٍ وٌلِمَ نّ وٌ مَ، نَشَن لَنشِ كَامّ مَ. نٍيٍ وٌلِمَ نّ عَلَكٌ ﭑ شَ وٌ سْنتْ. ﭑ لُمَ نّ وٌ شَ كَامّ شُن مَسَ رَ، وٌ شَ بَلٌي شَ حْن قٍوٌ. 17 ﭑ كَامّ رَدِنمَ نّ وٌ مَ، ﭑ سُبٍ شَاحّيٍ شّيمَ نّ وٌ يِرٍ. نَ بِرِن وٌ شَ دِيٍ سْنتْمَ نّ. وُفَنيِ، قَشّ، نُن فٍرٍ مُ حْنمَ وٌ تَفِ. وٌ مَرِفِ عَلَتَلَ شُي نَن نَ كِ.»