عَننَبِ عٍسٍكِيٍلِ 6

حَشَنكَتّ فٍيَيٍ قَرِ

1 عَلَتَلَ نَشَ يِ مَسٍنيِ تِ ﭑ بّ، 2 «عَدَ مَدِ، عِ يَ رَقِندِ عِسِرَيِلَ فٍيَيٍ مَ، عِ شَ ﭑ شُي رَدَنفِ عٍ مَ. 3 عِ شَ عَ قَلَ، ‹عِسِرَيِلَكَيٍ، وٌ وٌ تُلِ مَتِ وٌ مَرِفِ عَلَتَلَ شَ مَسٍنيِ رَ. ﭑ نَشّ وٌ تَن نَشٍيٍ نَ فٍيَيٍ قَرِ نُن فُلُنبَيٍ كُي، ﭑ قَمَ نّ وٌ سْنتْدٍ سَنتِدّفّمَ رَ، ﭑ وٌ شَ كُيٍ بَتُدٍيٍ كَنَ. 4 وٌ شَ سّرّشّبَدٍيٍ كَنَمَ نّ، وٌ شَ سُرَيِ سّرّشّبَدٍيٍ يٍنسٍن، وٌ قَشَ وٌ شَ كُيٍيٍ يَ شْرِ. 5 ﭑ وٌ تَن عِسِرَيِلَكَيٍ بِنبِيٍ لُمَ نّ نَ سّرّشّبَدٍيٍ رَبِلِنيِ، وٌ شْرِيٍ رَيٍنسٍنمَ نّ نَا. 6 وٌ سَبَتِ دّدّ، وٌ شَ تَايٍ نُن وٌ شَ بَتُدٍيٍ كَنَمَ نّ. وٌ شَ سّرّشّبَدٍيٍ نُن وٌ شَ كُيٍيٍ بُتُشُنمَ نّ، وٌ شَ سُرَيِ سّرّشّبَدٍيٍ رَبِرَ. وٌ شَ وَلِ بِرِن شُن نَكَنَمَ نّ. 7 مِشِ فبٍفبٍ نَ قَشَ وٌ يَ مَ، وٌ قَمَ عَ كٌلٌندٍ عَ عَلَتَلَ نَ ﭑ تَن نَن نَ.›»

8 «كْنْ ﭑ وٌ دْنشْييٍ رَتَنفَمَ نّ سَنتِدّفّمَ مَ، ﭑ قَ وٌ لُ حَمَنّيٍ مَ. 9 نَ تّمُي وٌ شَ مِشِ نَشٍيٍ شَنِنشِ كٌنيِيَ كُي، عٍ قَمَ نّ رَتُدٍ ﭑ مَ. عٍ قَ عٍ شَ يَنقَنتٍيَ كٌلٌن ﭑ مَبِرِ، عٍ شَ بِرّ كُيٍيٍ قْشْ رَ، نَ بِرِن بَرَ ﭑ بْحّ تْورْ. عٍ نَ قَهَامُي سْتْ عٍ شَ حَاشُحَ مَ، عٍ بْحّ قَن تْورْ مَ نّ. 10 نَ تّمُي عٍ عَ كٌلٌنمَ نّ عَ عَلَتَلَ نَ ﭑ تَن نَن نَ. ﭑ مُ وْيّنشِ قُقَقُ رَ ﭑ تٌ يِ فبَلٌي قٍ قَلَ عٍ بّ.»

11 «وٌ مَرِفِ عَلَتَلَ شَ مَسٍنيِ نَن يَ؛ وٌ وٌ بّلّشّ بْنبْ، وٌ وٌ سَنيِ رَ مَشَ، عَ قَلَقٍ رَ، ‹عِسِرَيِلَ بْنسْي شَ حَاشُحَ بِرِن بَرَ عَ نِيَ عٍ شَ قَشَ فٍرٍ، كَامّ، نُن وُفَنيِ رَ. 12 نَشٍيٍ مَكُيَ، وُفَنيِ نَن نٍيٍ قَشَمَ. نَشٍيٍ مَكْرّ، نٍيٍ قَشَمَ فٍرٍ نَن كُي. نَشٍيٍ نَ رَتَنفَ نَ فبَلٌي مَ، كَامّ نَن نٍيٍ قَن قَشَمَ. ﭑ نَ ﭑ مَ شْنّ قُلُنمَ نّ عٍ شِلِ مَ. 13 عٍ نَ عٍ شَ مِشِ بِنبِيٍ تٌ عٍ شَ كُيٍيٍ سّيتِ مَ نَ سّرّشّبَدٍيٍ يِرٍ فٍيَيٍ قَرِ وُرِيٍ بُن مَ عٍ نُ سُرَيِ قَنيِ فَنمَ دّننَشّ سّرّشّ رَ عٍ شَ كُيٍيٍ بّ، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ. 14 ﭑ قَمَ نّ ﭑ بّلّشّ عِتَلَدٍ عٍ شِلِ مَ، عٍ شَ بْشِ قَ كَنَ كٍلِقٍ فبٍنفبٍرٍنيِ مَ هَن دِبِلَ. نَ كُي عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.›»