عَننَبِ عٍسٍكِيٍلِ 21

حَشَنكَتّ نٍفٍوِ بْشِ بّ

1 عَلَتَلَ نَشَ عَ مَسٍن ﭑ بّ، عَ نَشّ، 2 «عَدَ مَدِ، عِ يَ رَقِندِ عِ يِرٍقَنيِ مَ، عِ كَوَندِ تِ نٍفٍوِ قْتْنيِ بّ. 3 عَ قَلَ؛ ‹نٍفٍوِ قْتْنيِ، عِ عِ تُلِ مَتِ عِ مَرِفِ عَلَتَلَ شَ مَسٍنيِ رَ. عَ شُي نَن يَ؛ ﭑ تّ رَدّشّمَ نّ عِ شْنيِ، نَشَن عِ شَ وُرِ شِندٍيٍ نُن وُرِ شَرٍيٍ بِرِن فَنمَ. نَ تّ مُ تُمَ. عَ قْشِ تٌمَ نّ كٍلِ يِرٍقَنيِ مَ هَن كْولَ مَ. 4 مِشِ بِرِن عَ كٌلٌنمَ نّ عَ ﭑ تَن عَلَتَلَ نَن نَ تّ رَدّشّشِ. عَ مُ تُمَ.›»

5 نَ تّمُي ﭑ نَشَ عَ قَلَ عَ بّ، «ﭑ مَرِفِ عَلَتَلَ، حَمَ نَشّ، عَ ﭑ تَالِ وْيّنيِ نَن تُن قَلَمَ.» 6 عَلَتَلَ نَشَ عَ مَسٍن ﭑ بّ، 7 «عَدَ مَدِ، عِ يَ رَقِندِ دَرِ سَلَمُ مَ، عِ شَ كَوَندِ تِ هْرْ مْلِنفِرَ شَ قٍ رَ. عِ شَ مَسٍنيِ تِ ﭑ شِلِ رَ عِسِرَيِلَ شِلِ مَ. 8 عَ قَلَ عِسِرَيِلَ حَمَ بّ؛ ‹عَلَتَلَ يِ نَن مَسٍنشِ؛ ﭑ تِشِ وٌ كَنكٍ. ﭑ نَ ﭑ مَ سَنتِدّفّمَ بَمَ نّ عَ تّي عِ، ﭑ قَ وٌ شَ تِنشِنتْييٍ نُن وٌ شَ تِنشِنتَرٍيٍ قَشَ. 9 ﭑ تٌ نَتّ تٌنفٌ تِنشِنتْييٍ نُن تِنشِنتَرٍيٍ شِلِ مَ، ﭑ مَ سَنتِدّفّمَ بَمَ نّ عَ تّي عِ يِ حَمَ بِرِن شَ قٍ رَ، نَشٍيٍ نَ يِرٍقَنيِ نُن كْولَ مَ. 10 نَ كُي، بِرِن عَ كٌلٌنمَ نّ، عَ ﭑ تَن نَن ﭑ مَ سَنتِدّفّمَ رَ مِنِشِ عَ تّي عِ وٌ شِلِمَ. ﭑ مُ عَ رَ سٌمَ سْنْن.›»

11 «عَدَ مَدِ، عِ شَ عِ وَ شُي رَ مِنِ عِ بْحّ تْورْشِ سُننُنشِ شْرْشْي شَ قٍ رَ. 12 عٍ نَ عِ مَشْرِن عِ وَقٍ قٍ نَشَن مَ، عِ شَ عٍ يَابِ، ‹شِبَارُ شْرْشْي بَرَ ﭑ لِ. لِمَنِيَ بَمَ نّ مِشِ بِرِن يِ رَ نَ شَ قٍ رَ. مِشِ بِرِن بْحّ كْنتْقِلِمَ نّ، مِشِ بِرِن سَنيِ سّرّن فَاشُي كُي.› ﭑ شَ عَ قَلَ عِ بّ، عَ نَ قَقٍ. عِ مَرِفِ عَلَتَلَ شُي نَن نَ كِ.»

13 عَلَتَلَ نَشَ عَ مَسٍن ﭑ بّ، 14 «عَدَ مَدِ، ﭑ مَ شّيرَ عِبَ، عَ قَلَقٍ رَ، ‹وٌ مَرِفِ عَلَتَلَ يِ نَن مَسٍنشِ، عَ نَشّ؛

سَنتِدّفّمَ قَنيِ، سَنتِدّفّمَ شَحّنشِ!

15 سَنتِدّفّمَ نَشَن فبَلٌي رَبَمَ،

سَنتِدّفّمَ نَشَن دَنفِمَ عَلْ سٍيَمَكْنيِ.

وٌن نْمَ حّلّشِندٍ ﭑ مَ دِ شَ مَنفّ سَ وُرِ رَ؟

عَدٍ، سَنتِدّفّمَ قَمَ نّ بِرِن شُن نَكَنَدٍ.

16 سَنتِدّفّمَ قَشِ نّ عَ قٍ شَ سْونّيَ،

عَ شَحّن، عَ سُشُشِ قَشّتِ يِ رَ.

17 عَدَ مَدِ، عِ وَ شُي عِتٍ،

بَرِ مَ نَ سَنتِدّفّمَ تِمَ نّ ﭑ مَ حَمَ كَنكٍ،

عَ عِسِرَيِلَ مَنفّيٍ قَشَ، عَ نُن ﭑ مَ حَمَ.

نَ كُي، عِ كَنكٍ مَدِن سُننُنيِ كُي.›»

18 «مَتٌي نَن عَ رَ.

مُنسٍ قَمَ رَبَدٍ شَ يُدَيَ مَنفّيَ مُ قَ نْ تِدٍ يِ سَنتِدّفّمَ يَرَ؟

وٌ مَرِفِ عَلَتَلَ شُي نَن نَ كِ.»

19 «عَدَ مَدِ، عِ شَ مَسٍنيِ تِ ﭑ شِلِ رَ.

عِ شَ عِ بّلّشّيٍ بْنبْ كٍرٍن.

سَنتِدّفّمَ مَن شَ بْنبْ قِرِن، عَ شَ بْنبْ سَشَن.

سَنتِدّفّمَ نَن عَ رَ نَشَن فبَلٌي رَبَمَ،

نَشَن قَشّ تِمَ يِرٍ بِرِن.

20 نَ كُي لِمَنِيَ بَمَ نّ مِشِيٍ يِ رَ،

مِشِ فبٍفبٍ سْنتْ.

ﭑ مَ سَنتِدّفّمَ تِمَ نّ نَادّيٍ بِرِن نَ قَشّ تِقٍ رَ.

عَ دَنفِمَ نّ عَلْ سٍيَمَكْنيِ.

21 سَنتِدّفّمَ شَبّ تِمَ نّ يِرٍقَنيِ مَ،

عَ شَبّ تِ كْولَ مَ،

عَ دّ يَ رَقِندِشِ يِرٍ بِرِن مَ.

22 نَ تّمُي، ﭑ تَن عَلَتَلَ قَمَ نّ ﭑ بّلّشّيٍ بْنبْدٍ،

ﭑ مَ شْنّ قَ دَن.

عَلَتَلَ شُي نَن نَ كِ.»

23 عَلَتَلَ نَشَ عَ مَسٍن ﭑ بّ، عَ نَشّ، 24 «عَدَ مَدِ، عِ نَشَن نَبَمَ، عِ شَ كِرَ قِرِن نَبْو بَبِلْن مَنفّ شَ سَنتِدّفّمَ حّرّ مَ نَشٍيٍ رَ. عٍ قِرِن شَ كٍلِ يِرٍ كٍرٍن، تْنشُمَ شَ تِ يِرٍ ندٍ عٍ قَتَنمَ دّننَشّ. 25 كِرَ كٍرٍن شَ سِفَ عَمٌرِكَيٍ شْنيِ نَشَن شِلِ رَابَ. كِرَ قِرِن ندٍ شَ سِفَ يُدَيَ شَ تَا مَكَنتَشِ نَشَن شِلِ دَرِ سَلَمُ. 26 بَبِلْن مَنفّ تِمَ نّ نَ كِرَ قِرِن شُنيِ رَ، عَ شَ سٍمَتٌي وَلِ رَبَ عَلْ شَلِيٍ مَوٌلِقٍ، كُيٍيٍ مَشْرِنقٍ، نُن سُبٍ بْحّ مَتٌقٍ. 27 نَ سٍمَتٌي وَلِ عَ مَسٍنمَ نّ عَ بّ عَ شَ سِفَ دَرِ سَلَمُ مَبِرِ، عَ شَ فٍرٍ سٌسٍيٍ تٌنفٌ تّتّ لٌنفٌرِ رَ، عَ شَ نَ نَادّيٍ رَبِرَ، عَ قَ فبَلٌي تِ تَا كُي. 28 دَرِ سَلَمُكَيٍ تٌ سَاتّ شِرِ عٍ نُن بَبِلْن مَنفّ رَ، عٍ نَ سٍمَتٌي وَلِ تٌمَ وُلٍ نَن نَ. كْنْ بَبِلْن مَنفّ مُ عَ تُلِ مَتِمَ عٍ رَ، بَرِ مَ عَ نَشّ عٍ قَن بَرَ هَاكّ سْتْ عَ مَبِرِ. نَ نَن عَ رَ، عَ عٍ شَنِنمَ كٌنيِيَ كُي.»

29 «وٌ مَرِفِ عَلَتَلَ يِ نَن مَسٍنشِ؛ وٌ شَ وَلِ حَاشِ بَرَ عَ نِيَ ﭑ شَ رَتُ وٌ شَ يُنُبِ دَنفِشِيٍ مَ، ﭑ شَ وٌ شَنِن كٌنيِيَ كُي. 30 عِ تَن عِسِرَيِلَ مَنفّ تِنشِنتَرٍ، عِ شَ حَشَنكَتّ لْشْي بَرَ عَ لِ. 31 عِ مَرِفِ عَلَتَلَ يِ نَن مَسٍنشِ، عَ نَشّ، ‹مَنفّ تْنشُمَ بَ عِ شُنيِ مَ! مَنفّيَ بَرَ بَ عِ يِ رَ. مِشِ مَفٌرٌشِ شَ قٍ عِتٍمَ نّ، مِشِ مَتٍشِ شَ قٍ مَفٌرٌ. 32 عِ شَ مَنفّيَ شُن نَكَنَمَ نّ، عَ حْن. نَ مَنفّيَ مُ فبِلٍنمَ عَ رَ قٌ مِشِ قَ، عَ لَن عَ شَ سٌ نَشَن يِ رَ. نَ قِمَ نَ كَنيِ نَن مَ.›»

33 «عَدَ مَدِ، عِ شَ مَسٍنيِ تِ ﭑ شِلِ رَ عَ قَلَقٍ رَ، ‹عَلَتَلَ يِ نَن مَسٍنشِ عَمٌنِكَيٍ شَ كٌنبِيٍ شَ قٍ رَ، عَ نَشّ؛

سَنتِدّفّمَ بَرَ بَ عَ تّي عِ فبَلٌي شَ قٍ رَ.

عَ بَرَ رَشَحّن عَلَكٌ عَ شَ قَشّ تِ عَلْ سٍيَمَكْنيِ.

34 وٌ بَرَ لَ وُلٍ لَامَتُنيِيٍ رَ،

وٌ بَرَ وٌ تُلِ مَتِ سٍمَتٌي وُلٍ قَلّيٍ رَ.

نَ كُي نَ سَنتِدّفّمَ تِمَ نّ تِنشِنتَرٍيٍ كْن نَ،

نَشٍيٍ لَنمَ عٍ شَ حَشَنكَتَ عٍ شَ يُنُبِ كَمَلِشِيٍ شَ قٍ رَ.

35 وٌ شَ وٌ شَ سَنتِدّفّمَ رَفبِلٍن عَ تّي عِ.

ﭑ وٌ مَكِيتِمَ نّ وٌ شَ بْشِ مَ وٌ دَاشِ دّننَشّ.

36 ﭑ نَ ﭑ مَ شْنّ شْرْشْي رَ مِنِمَ نّ وٌ مَ،

ﭑ وٌ سٌ شّمّ حَاشِيٍ يِ رَ نَشٍيٍ قَتَ فبَلٌي رَ.

37 وٌ لُمَ نّ عَلْ يٍفٍ تّ شْورَ،

وٌ وُلِ عِقِلِ وٌ شَ بْشِ مَ،

وٌ شِلِ حْن قٍوٌ.

عَلَتَلَ شَ مَسٍنيِ نَن نَ كِ.›»