1 عَلَتَلَ نَشَ عَ مَسٍن ﭑ بّ، «عَدَ مَدِ، عِ شَ يِ كّيدِ دٌن، عِ سَ مَسٍنيِ تِقٍ عِسِرَيِلَ بْنسْي بّ.» 2 عَوَ، ﭑ نَشَ ﭑ دّ رَبِ، عَ نَشَ نَ كّيدِ رَ سٌ ﭑ دّ كُي. 3 عَ مَن نَشَ عَ مَسٍن ﭑ بّ، «عَدَ مَدِ، عِ شَ يِ كّيدِ بِرِن دٌن ﭑ نَشَن سٌشِ عِ يِ رَ.» ﭑ تٌ عَ دٌن، عَ نُ حْشُن ﭑ دّ عِ عَلْ كُمِ.

4 نَ تّمُي عَلَتَلَ نَشَ عَ مَسٍن ﭑ بّ، «عَدَ مَدِ، سِفَ عِسِرَيِلَ بْنسْي يِرٍ، عِ سَ ﭑ مَ مَسٍنيِ تِ عٍ بّ. 5 ﭑ مُ نَ عِ شّيقٍ حَمَ شَ مَ، عِ مُ نَشَن شَ شُي شْرْشْي مّمَ. ﭑ بَرَ عِ شّي عِسِرَيِلَ بْنسْي نَن مَ. 6 ﭑ مُ نَ عِ شّيقٍ بْنسْي وُيَشِ شَ مَ، عِ مُ نَشٍيٍ شَ شُي قَلَمَ، عِ مُ نَشٍيٍ شَ شُي مّمَ. شَ عَ سَ لِ ﭑ عِ شّي نّ نٍيٍ قَن مَ نُ، عٍ عِ شُي سُشُمَ نّ كٍرٍن نَ. 7 كْنْ عِسِرَيِلَ تَن مُ وَ مَ عَ تُلِ مَتِقٍ عِ رَ، بَرِ مَ عٍ مُ تِنمَ ﭑ مَ مَسٍنيِ رَ. عٍ شَشِلِ شْرْشْ، مَتَندِ بَرَ عٍ بْحّ سُشُ. 8 كْنْ ﭑ عِ يَ شْرْشْمَ نّ دَنفِقٍ عٍ تَن نَ، ﭑ عِ شَ لِمَنِيَ شُن مَسَمَ نّ. 9 ﭑ عَ نِيَمَ نّ عِ شَ عِ تُننَبّشِ عَلْ قَنيٍ، عِ شَ سّنبّ سْتْ نَشَن شْرْشْ عَلْ فّمّ. عِ نَشَ فَاشُ عٍ يَ رَ، عِ نَشَ عِقُ عٍ يَ عِ دٍ، هَلِ عٍ تٌ قِندِشِ بْنسْي مُرُتَشِ رَ.»

10 عَلَتَلَ نَشَ عَ مَسٍن ﭑ بّ، «عَدَ مَدِ، عِ تُلِ مَتِ ﭑ مَ مَسٍنيِ رَ ﭑ نَشَن مَسٍنقٍ عِ بّ. عِ شَ عٍ رَفَتَ عِ بْحّ مَ. 11 يَكْسِ عِ شَ سِفَ عِ شَ حَمَ يِرٍ، نَشَن نَ كٌنيِيَ كُي، عِ سَ وْيّن عٍ رَ. عِ شَ عَ قَلَ عٍ بّ، ‹عَلَ شَ مَسٍنيِ نَن يَ.› شَ عٍ سَ عٍ تُلِ مَتِ بَ، شَ عٍ مُ عٍ تُلِ مَتِ بَ، عِ تَن شَ ﭑ مَ مَسٍنيِ تِ.»

12 نَ تّمُي عَلَتَلَ شَشِلِ نَشَ ﭑ تٌنفٌ، ﭑ نَشَ شُي ندٍ مّ ﭑ شَنبِ رَ عَ قَلَقٍ رَ، «مَتْشْي نَ عَلَتَلَ نْرّ كَنيِ بّ عَ سَبَتِشِ دّننَشّ!» 13 ﭑ نَشَ نَ دَالِسٍيٍ فَبُتٍنيِيٍ شُي مّ عٍ فَرِنقٍ عٍ بٌرٍ رَ، عَ نُن عٍ سَنيِ دِفِلِنشِيٍ شُي. نَ سّنبّ فبٌ. 14 عَلَ شَشِلِ نَشَ ﭑ نَتٍ كٌورٍ مَ، عَ ﭑ شَنِن. شْنّ نُ بَرَ ﭑ بْحّ رَتٍ، كْنْ عَلَ شْنيّ نَشَ نْ ﭑ نَ. 15 نَ كُي ﭑ نَشَ ﭑ مَ حَمَ لِ نَشَن نُ نَ كٌنيِيَ كُي تٍلِ عَبِبِ تَا كُي كٍبَرَ شُرٍ قّ مَ. ﭑ نَشَ شِ سٌلٌقٍرٍ رَبَ عٍ تَفِ، ﭑ نَكٌرِشِ كْقُ.

16 شِ سٌلٌقٍرٍ تٌ دَنفِ، عَلَتَلَ نَشَ يِ مَسٍنيِ تِ ﭑ بّ، عَ نَشّ، 17 «عَدَ مَدِ، ﭑ بَرَ عِ قِندِ عِسِرَيِلَ بْنسْي كَنتَمَ رَ. عِ نَ ﭑ مَ مَسٍنيِ مّ، عِ شَ نَ قَلَ عٍ بّ. 18 ﭑ نَ عَ مَسٍن مِشِ حَاشِ بّ، ‹عِ قَشَمَ نّ،› شَ عِ مُ عَ رَ سِ عَ شَ فبِلٍن قٍ حَاشِ قْشْ رَ عَلَكٌ عَ شَ كِسِ، ﭑ عَ قَشَمَ نّ عَ شَ يُنُبِ شَ قٍ رَ. نَ كُي ﭑ عَ نِي سَرٍ مَشْرِنمَ عِ تَن نَن مَ. 19 كْنْ شَ عِ بَرَ عَ رَ سِ، عَ قَ لُ عَ مُ عَ يّتّ رَفبِلٍن ﭑ مَ، عَ قَشَمَ نّ عَ شَ يُنُبِ كُي، كْنْ عَ لِمَ نّ عِ تَن نِي بَرَ رَكِسِ.»

20 «شَ تِنشِنتْي ندٍ سَ فبِلٍن تِنشِنيِ قْشْ رَ، عَ كِرَ فبّتّ سُشُ، ﭑ عَ تْورْ مَ نّ نَ كِرَ شْن، عَلَكٌ عَ نَشَ قَ قَشَ. شَ عِ مُ عَ رَ سِ، عَ قَشَمَ نّ عَ شَ يُنُبِ كُي. عَ شَ وَلِ قَنيِيٍ بِرِن لُمَ نّ قُ. نَ كُي ﭑ عَ نِي سَرٍ مَشْرِنمَ عِ تَن نَن مَ. 21 كْنْ شَ عِ بَرَ عَ رَ سِ عَلَكٌ عَ نَشَ يُنُبِ رَبَ، عَ قَ عَ تُلِ مَتِ عِ رَ، عَ كِسِمَ عِ تَن نَن سَابُي رَ. نَ كُي عِ بَرَ عِ يّتّ قَن نَكِسِ.»

22 عَلَتَلَ شْنيّ نُ نَ ﭑ مَ مّننِ، عَ قَ عَ مَسٍن ﭑ بّ، «كٍلِ، مِنِ قِيلِ مَ. ﭑ سَ وْيّنمَ عِ بّ مّننِ نّ.» 23 ﭑ نَشَ كٍلِ، ﭑ سِفَ قِيلِ مَ. مّننِ ﭑ نَشَ عَلَتَلَ شَ نْرّ تٌ، عَلْ ﭑ عَ تٌشِ كٍبَرَ شُرٍ دّ رَ كِ نَشّ. ﭑ نَشَ ﭑ يَتَفِ رَقٍلٍن بْشِ مَ. 24 عَلَتَلَ شَشِلِ نَشَ سٌ ﭑ بْحّ كُي، عَ نَشَ ﭑ نَكٍلِ. عَ نَشَ عَ مَسٍن ﭑ بّ، «سِفَ عِ شْنيِ، عِ سٌ بَنشِ، عِ نَادّ بَلَن عِ يّتّ شُن نَ. 25 عِ تَن عَدَ مَدِ، عٍ عِ شِرِ مَ نّ لُوتِ رَ عَلَكٌ عِ نَشَ سٌ حَمَ يَ مَ. 26 ﭑ عِ نّنيِ شِرِ مَ نّ، عَلَكٌ عِ نَشَ نْ سٍسٍ قَلَدٍ نَ بْنسْي مُرُتَشِ بّ. 27 كْنْ ﭑ نّ وْيّنمَ عِ بّ، ﭑ عِ نّنيِ قُلُنمَ نّ، عَلَكٌ عِ شَ عَ قَلَ عٍ بّ، ‹وٌ مَرِفِ عَلَتَلَ يِ نَن مَسٍنشِ وٌ بّ.› شَ عَ نَشَن كّنّن، عَ شَ نَ رَ مّ. شَ عَ مُ نَشَن كّنّن، عَ شَ نَ لُ نَ. بْنسْي مُرُتَشِ نَن عٍ رَ.»