Xa̱bo̱ Róma̱ 12

Gu̱xna̱xí-mijnálóꞌ mbá jayu ná ñawúun Ana̱ꞌlóꞌ

1 Ikhaa jngó, a̱ngui̱nꞌ, ga̱jma̱á numuu rí phú nañáwíin a̱kui̱in Ana̱ꞌlóꞌ jaꞌyalóꞌ, na̱tha̱n-jáñalaꞌ rí gu̱xna̱xílaꞌ mbá xúgíí rí ñajwanlaꞌ ná inuu Ana̱ꞌlóꞌ. Ga̱nindxu̱u̱ xuyalaꞌ xómá mbá tsi̱gi̱jña̱ꞌ rí ndaꞌya jamí rí jaꞌwu, xómá rí phú na̱ni̱gu̱u̱ꞌ Ana̱ꞌlóꞌ, numuu rí xkuaꞌnii phú jaꞌyoo rí mu̱ne̱-mba̱a̱laꞌ ikhaa̱. 2 Ma̱xájuwalaꞌ xómá júwa̱ꞌ xa̱bo̱ ná numbaa ríge̱ꞌ, rí ga̱xtiꞌkhu̱u xó rí juwalaꞌ ga̱jma̱á numuu rí na̱gu̱ma-nuxi̱iꞌ rí na̱ju̱ma̱ꞌlaꞌ. A̱ꞌkhue̱n rí ma̱goo mu̱ne̱-nuwiinlaꞌ jamí mu̱ra̱ꞌwíí mu̱ne̱laꞌ rí nandoo Ana̱ꞌlóꞌ, ikhaa máꞌ rí máján, rí mitsaan jamí rí káxe̱ mbá jayu.