5 Mbá tikhuun na̱ju̱mu̱ú rí i̱tha̱án gíꞌdoo numuu mbá tikhu mbiꞌi, xómáꞌ i̱ꞌwíin na̱ju̱mu̱ú rí mbéꞌtháán mbá xúgíí mbiꞌi. Mbámbáa gáwe̱je̱ gúkúu ga̱jma̱á rí na̱ju̱mu̱u̱. 6 Tsí na̱ju̱mu̱u̱ rí mbá tikhu mbiꞌi i̱wa̱á gíꞌdoo numuu, Táta̱ máꞌ eꞌne-mba̱a̱. Jamí tsí na̱ju̱mu̱u̱ rí mbéꞌtháán mbá xúgíí mbiꞌi rá, Táta̱ máꞌ eꞌne-mba̱a̱ mangaa̱. Xúꞌkhue̱n máꞌ tsí naꞌkho̱ mbá xúgíí inii ganitsu, Táta̱ máꞌ eꞌne-mba̱a̱, numuu rí naríguu̱ gamaku inuu Ana̱ꞌlóꞌ. Xkuaꞌnii máꞌ tsí tsíꞌkho̱ mbá xúgíí inii ganitsu mangaa, Táta̱ máꞌ eꞌne-mba̱a̱, jamí naríguu̱ gamaku inuu Ana̱ꞌlóꞌ mangaa̱.