Pular para o conteúdo
Publicidade

1 Samuel 31

Şaulıy cun dixbı habat’anbı

1 Mane gahıl Filiştinariy İzrailybı siviyxənbı. İzrailybı, mane Filiştinaaşika siviyxəne cigeençe heepxı avayk’ananbı. İzrailybışin xəppananbı eyhene suval gyapt’ıynbı. 2 Filiştinar Şaulneyiy mang’une dixbışde qihna gyapk’ı, mang’un dixbı Yonatan, Avinadav, Malki-Şua gyabat’anbı. 3 Şaulne hiqiy-alla əlyhəəna dəv’ə yı’q' qooxhe. Vuk ayhenbı mang’ulqa k’yophur, mana qik’asde yiğıl araççe. 4 Şaulee cun silah haqqang’uk’le eyhen:

– Gılınc qığavhu zı gik’e, deşxheene, mane sunnat deşde karbışe con gılıncbı zak eta’a, zı demalqa gixhxhes.

Mang’una silah haqqana geer qəyq’ən ıxhayke, mang’usse man ha’as əxə deş. Manke Şaulee cun gılınc alyaat’u, vuc çilqa hı’ğəkkar ha’a. 5 Şaul qik’u g’acumee, mang’une silah haqqang’veeyir vuceecar-vuc gılıncılqa hı’ğəkkar hı’ı, Şauluka sacigee qek’ana. 6 Mane yiğıl Şaul vucur, mang’una xhebiyre dixır, cuna silah haqqanar, cun gırgın insanarıb habat’anbı.

7 Q’adaalyne şene aq’valyneyiy İordanne damayne şenesa sural vooxhene İzrailybışik’le İzrailyna g’oşun hooxa, Şaulıy cun dixbıb hapt’ı g’avcumee, con şaharbı g’ali’ı, heebaxa giviyğal. Filiştinar qabı, manbışde cigabışee aaxva.

8 Qinne yiğıl Filiştinar hapt’ıynbışilin karbı g’ayşesva abıyng’a, manbışik’le eyhene suval Şauluniy cune xhebne dixen mayitbı iveeke. 9 Manbışe Şaulna vuk’ul g’ats’apk’ın, silahbıd alyaat’anbı. Manbışe byutbışis ı’bəədat ha’ane xaybışeeqayiy milletılqa mana xabar hivxhar haa’asdemee, manbışe Filiştinne ölkayne gırgıne surabışilqa insanar g’uxoole. 10 Şaulun silahbı manbışe alyaat’u, cone byutne Aştoretne31:10 Aştoret: man dəv’əyniy şagavın byut ıxha. Kana’anaaşe, yiv hoots’u, man byut zəiyfayk akara qa’a ıxha. xaaqa giyxhe, Şaulun mayitıd Bet-Şean eyhene şaharne cabırbışis g’adaxbışika ı’xiyxə.

11 Gileadeene Yaveş eyhene şahareene milletık’le Filiştinaaşe Şauluk hı’iyn g’iyxhe. 12 Man g’ayxhımee şaharın gırgın cehilyar g’elil qepxha, xəmvolle yəq apk’ın, Şauluniy mang’une dixbışin mayitbı Bet-Şeanne cabırbışile g’eşşenbı. Yaveşeeqa qabı, manbışe man mayitbı gyoxhxhan ha’a. 13 Qiyğale xhinne manbışe, mane mayitbışike axuyn bark’vbı sı’ı, Yaveşeene tamarisk yivek avud k’eyxha. Coyud yighılle yiğna sivar aqqaqqa.

Lugar Bíblico
Monte / Elevação
Monte Gilboa
Hoje: Monte Gilboa, Israel
גִּלְבֹּעַgilboa
Monte Gilboa é o monte onde Saul e três de seus filhos morreram em combate contra os filisteus, depois que os israelitas fugiram e muitos caíram ali (1 Samuel 31:8).
32,43° N, 35,41° L
Citado em 8 versículosTb.: Gilboa
Ver página completa
Lugar Bíblico
Monte / Elevação
Monte Gilboa
Hoje: Monte Gilboa, Israel
גִּלְבֹּעַgilboa
Monte Gilboa é o monte onde Saul e três de seus filhos morreram em combate contra os filisteus, depois que os israelitas fugiram e muitos caíram ali (1 Samuel 31:8).
32,43° N, 35,41° L
Citado em 8 versículosTb.: Gilboa
Ver página completa
Todos os capítulos de 1 Samuel 31
  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31

Estes versículos te tocaram? Ore agora!

+581 estão orando agora.

Junte-se à corrente de oração.