Mateus 15

3 I’see manbışik’le eyhen:

– Nya’a şu manke baba-dideeşin ədatbı ha’ava, Allahee uvhiyn hidya’a? 4 Nya’a Allahee dişde uvhu: «Dekkısiy yedis hı’rmat gyuvxhe», «Şavaayiy dekkıqayiy yediqa hoku, məxrına gik’e»*15:4 İnəxüd Mısa peyğambarne q’öd’esde kitabee otk’un (Qığeepç’iy 20:12, 21:17).? 5 Şume eyhen: sa insanee «Dekkiy yed, zı şos helesın Allahıs huvuva» uvhee, 6 məxrıng’vee dekkısiy yedis hı’rmat givdiyxheeyib vooxhe. Şu məxüd hı’iyka Allahne cuvabıle heepxı, baba-dideeşin ədatbı ha’a. 7 Ay q’öbvalla haa’anbı! Nimee yugda dişee Rəbbine mizele yuşan ha’ane Yeşaya peyğambaree şuna xhinnenbışde hək’ee otk’un:

8 «İne milletın Zas ghalikacab hı’rmat giviyxhe,

manbışin yik’bımee Zake əq’əna vod.

9 Manbışin Zas ha’an ı’bəədat q’əran kar vodun,

co xət qa’anıd, insanaaşe cokecad qığavhuyn karbı vod»*15:9 Manva Yeşaya peyğambarne kitabee otk’un (29:13)..