Mateus 17

I’sa Masih Mısa peyğambarıkayiy İlyas peyğambarıka yuşan ha’a

1 Ooğançe yixhılle yiğ ılğeç’uyle qiyğa, I’see Pyoturiy Yaaq’ubiy mang’una çoc Yəhyer qort’ul, sa axtıne insanar deşde suvalqa ılqeebaç’e. 2 Manbışde ulene ögil Mana sayangara badalexhena. Mang’un aq’va verığ xhinne hits’ayghar giyğal, tanalqa ali’ıyn karbıd işix xhinne capmee-cagvara qeedaxhe. 3 Mane gahıl manbışik’le Mısayiy İlyas I’sayka gaf haa’a g’ooce. 4 Pyoturee eyhen:

– Yizda Xərna, yişin inyaa vuxhay nimeecad yugda ıxhayn! Vas ıkkanxhee, zı inyaa xhebılle paga alya’as, sa Vas, sa Mısays, sayid İlyasıs.

5 Pyotur yuşan ha’ane gahıl, manbışilqa sa hits’aagharna bulud qabı, əq haa’a. Qiyğa mançeençe ses qadayle:

– İna Zas geer ıkkanna Dix vorna, Mang’vee Yizde yik’es şadvalla hoole! Mang’ul k’ırı alixhxhe!