25 Ni mu buuna, timbaani mapfuta! Nyaha pasi muutu abaaleele imbuli huli munande✝4.25 Zak 8.16 , mu tooni ati, bisu boosi lili binama bya nyutu ndulu mosi. 26 Tso benu libahi kesi, a lisumaha ve✝4.26 Mkg 4.5 . Ka nyaha kesi a benu yivudamana teehele nyangu adyama. 27 A liva Saatana nzila yi unangimana benu ve. 28 Nyaha muyibi abweveleyiba, ka nde afwana umono pasi mu usala mu myoho mya nde mwakulu, mu abaha bi nde huukumbasa ba baakeehele. 29 Nyaha dyambu tso limosi lilibi livelepala mu minywa mya benu. Ka, baaleelaani mambu ma mabwe, ma muutuunga hyenze huli ba bali mu uyuha benu. 30 A linyongese Livupu la Ngidi✝4.30 Esa 63.10 la Nzambi ve. Lo ni iliimbu hi baakuma benu, mu tooni ilumbu hi liyobolo. 31 Bingaani matsimi moosi ma kali, ma bunyama, ma kesi, ma mibabu na bituhi. Kukaani nyutu mu mbiili yi bukanyi. 32 Baani baatu ba babwe na ba baaluula mu litondo la bana mu bana. Baasaani bana kolo-kolo, we bu Nzambi ubaasa benu kolo-kolo mu nzila a Kristo.