Isalu hya Timoteho na Epafodite
19 Me ndi na hiitu mu Pfumu Yisu ti, me utsindahala benu Timoteho mawasa-mawasa, me ukwada bu me unzaka matsangu ma benu. 20 Ŋa yulu a Timoteho, muutu mukima ndeve wu apfuuta matsimi na me, na wu li na nzala ukumbasa benu bu hwafwana. 21 Mu tooni ati, boosi ubaavangimasa ndulu kaluha a bo mwakulu, hwavele uvangimasa ma Yisu Kristo ali mu utondo ti bo bavangimasa. 22 Benu liyabi benu mwakulu, bu Timoteho hamweesi buni nde haba na tsongo mu isalu, we mwana ŋa pedu a taata a nde. Nde asali itwadi na me we ngamba, mu ulongese Musamu wu Mubwe.