Gálatas 2

Pahuli li mu usyembe Peetelo hu Antyokya

11 Ka taangu yi Peetelo hayidi hu musyenge a Antyokya, me atsyembi nde ŋa misu ma baatu, mu tooni ati nde avangi ma mabi. Mono ma nde havangi. 12 Tswamina baatu ba kabu la Yaki mu uya, nde aba mu udya itwadi na baana ba ngu ba bavele Bayudaayo. Ka, humbisa hu bo baayato, nde avyasuhi na nde ayatsahala ŋa muvanga, mu tooni ati, nde aba na boomo bwa kabu la baatu mo baana, ba baakete. 13 Bayudaayo bakima baa musyenge mo wuuna, baasiidi we Peetelo. Baranabasi nde mwakulu kaka, akoti hutso a ndyatili a bo yi muwala. 14 Me amoni ti ndyatili a bo a yaaba yi yasungama we bu Musamu wu Mubwe ali mu uvondo ve. Buuna, me anzabisi Peetelo ŋa busu bwa baatu boosi ti: «Mbiili a we wu li Muyudaayo, yili we mbiili bangoyi, ka a we bu hwafwana na mikele mi Bayudaayo ve. Uba ti ni buuna, buni we ukwamisa ba bavele Bayudaayo, mu udyata we bu hwafwana huli Bayudaayo?»