Lahi li buviha na nzuhisini li bunyanga
21 Leelaani ati me, benu baa litondi uba hu tsina lituma li Mikele, benu a lili mu uyuha ma Mikele mili mu uleele ve? 22 Mu tooni ati, mu mabuuku ma Moose baasonehe ti Abrahami abahi baana boole ba babahala. Mumosi wu a na mukaasu wu muviha, wuna na mukaasu wu bunyanga. 23 Ka wu nde habuti na mukaasu wu muviha, baabuti nde mu litondo li musunya. Wu nde habuti na mukaasu wu bunyanga, baabuti nde mu nzila ya nzuhisini la Nzambi. 24 Kuma mo yiniiyi, yili na mbindulili yi yasweme: bakaasu baboole bali mu umweese manzuhisini moole. Lahi limosi mu mamoole, li baasiidi ŋa yulu isyelo hya Sinayi. Ni mu lo baabuti baana babali baviha, mu nzila ya Agali. 25 Buuna Agali ni isyelo hya Sinayi hu tsi a Arabiya. Nde li mu ufwanina na Yeruselemi la loloyiniyi. Mu tooni ati, nde li mu buviha na baana ba nde. 26 Ka Yeruselemi ya hu yulu, yili bunyanga. Yo ni ngu a bisu.