1 Alimwi mwakalifwide mukwiinda mukuleya amuzibi. 2 ✝ Oomo mumwakali kuponena, kamulokutobela misalo yanyika eeyi, kamulokutobela beendelezi banguzu yamumulengalenga, muuya lino ulikubeleka mubana bataswiilili. 3 Akati kazeezi toonse twakalikupona muzisusi zyamubili wesu, mukutobelezya ziyandisyo zyamubili amuzeezo, alimwi mbuboobo mubili twakali bana babukali, mbuli muntu woonse. 4 Pesi Leza, ooyo ujisi buvubi muluse, kuzwa kuluyando lwakwe lupati oolo nduwakatuyanda aalo, 5 nikuba kuti twakalifwide muzibi zyesu, wakatubusya aamwi aKkirisitu, aluzyalo lwaLeza mwakafutulwa. 6 Alimwi Leza wakatubusya aamwi anguwe, mpawo wakatuchita kuti tukakkale anguwe mumasena akujulu muli Kkirisitu Jesu, 7 kuti muzyiindi ziza azokonzye kutondeezya buvubi bugambya bwaluzyalo lwakwe mubuuya kulindiswe muliKkirisitu Jesu. 8 ✝ Nkaambo aluzyalo mwakafutulwa mukwiinda mulusyomo; alimwi eechi tachizwi kulindinywe pe, pesi eechi nchipo chizwa kuli Leza, 9 peepe nkaambo kamilimu, kuchitila kuti kutabi muntu ulikankayizya. 10 Nkaambo tuli mulimu wamaanza aakwe, twakalengwa muli Kkirisitu Jesu kuti tuchite milimu mibotu, eeyo Leza njakabaamba kale, kuti twiichite.

11 Nkikaako amuyeeye kuti muli chimwi chiindi chakayinda inywe mwakatali baJuda akuzyala, bayiitwa kuti batapalulwidwe abaabo baambwa kuti chilipalwidwe, eecho chichitwa mumubili amaboko, 12 ✝ amuyeeye kuti muchiindi eecho mwakalaanzene kuzwa kuli Kkirisitu, kamuli bazwakule kuchisi chaIzirayeli, alimwi kamuli beenzu kuzizuminano zyachisyomezyo, kamutakwe bulangilizi, alimwi kamutakwe Leza munyika. 13 Pesi lino muli Kkirisitu Jesu inywe nimwakali kule mwakeetwa afwiifwi abulowa bwaKkirisitu. 14 Nkaambo nguunguwe luumuno lwesu, ooyo wakatuchita aaba babili kuba uumwi, alimwi wakamweya bulambo bwakatupambukeniye bwakusulana, 15 akunyonyoona mumubili wakwe mulawu amalayilile aziyaanza, kuti akonzye kuchita mulinguwe muntu uumwi mupya abusena bwababili, kuti kube luumuno, 16 alimwi kuti ababweedezye aaba babili kuliLeza mumubili uumwi mukwiinda muchiingano, anchicho akweeta kumana kwansulano. 17 ✝ Mpawo wakaza alimwi wakambawuka luumuno kulibaabo bakali kule alumuuno kulibaabo bakali afwiifwi; 18 nkaambo kwiinda mulinguwe iswe babili twaba achelelo muMuuya uumwi kuli Taata.

19 Eelyo aboobo tamuchili beenzu pe abazwakule, pesi muli bamukowa uumwi abasalali alimwi zizo zyaŋanda yaLeza, 20 bayakidwe atala antalisyo yabatumwa abasinsimi, Kkirisitu Jesu mwini kali musemo waŋanda, 21 mulinguwe ŋanda yoonse mwiiswenene aamwi mpawo ilaba mpati mane ibe ŋanda yaLeza isalala muMwami; 22 oomo andinywe mumuyakidwe mube busena Leza mbwakkala muMuuya.