Mateus 21

Yesu Esh Urshalima

1 Gagu Yesu na aswabo a bune eb a esh Betapaji ringu Urshalima, bando mushama mo eʻo Zaitun, na eb e tuma aswabo a bune eb barage, 2 Nyange naba,<< Ishanji moyaba mo ri mo yo na bishina̱ bihi. Eso nuhi nya hya azhanke a mai a ura̱ na bwa bo ab. pashige ek e na jhangya. 3 Shi bot mai bo shagiu taja nyangya, <Botʻbutuwaga bo kudage yek.> A maringyatome yek yanzu >>.

4 Ashi nani zwam a shinji ene e hatuma a zwame,

5 << E zwama na shepo o Sihiyona,

<Yingyana bugwam a bot kore wo gahi!

Bu za edande reto

Zaat na bwa bo azhanke e be on shi tuhano > >>.

6 Pa aswabo a bune eb a kore, ashi ta eb nyange ashi 7 Pa ba shibkane azhanke na bwa bo ab, a baragyage shapo shaba eb henda e hyane e shani. 8 Ato dinya a barage shapo shaba, nayina, ato mai henda a gundagagi, huma neʻo a barage na yina. 9 Ato ne ayo na bishina̱ be eb na ane ayo nensa a dande be gwabo a be zwamage

<<Hosanna buyu bo dauda!

Iyibura̱ eyo

Bone bo yo kore na rezhe re Bot-butuwaga!

<<Husana pa bone bo hange a dande >>.

10 Ta Yesu e esh urshalima, sarai shep uwa̱zhinya̱ a be zwammagaa,<<Ga buni >>.

11 Pa ane a swabe Yesu ange,<<Ai ene esh boink bando hatuma reze re eb Yesu e sher nazarat o Galili >>.