1 Ab pab kape begeje be kachiwa, na Yesu e hya gagu o shiu one eb nya mashingeu pani na duniya e maringe wo Buchi, kuchi nezwama e kudago ato eb a duniya uni, e kudago yek dinya har koro akundaga. 2 Ab na so ere e kuryago ko rembe, Ibilis henda erego etano na so yahuza iskariyati bwa bo saminu e tuta Yesu. 3 Yesu henda, shi eb e daki Buchi bo tano mahonre ma ko nya na wa eb Yesu e daki henda e sher wo Onhon eb e sher Wo Onhon henda eb nya maringeu. 4 Pa Yesu e mashinge bando ere e kurya kuni, pa eb e iri a po a eb hasa, na eb e zhagi ezane ishi damura na eb. 5 katomo eb e zuta mani na so ugyabu, eb e rwage guzaga bone aswabo a bone eb, eb susuganga na matana mane ma eb ishi damura na mab. 6 Na Yesu e eshe bando Bitrus, Bitrus henda byange na Yesu,<<Gab Bot-butuwaga,ashe, gab ne bwana guza bona nimi?>>. 7 Pa Yesu e chane nyange, <<Nare kam bo daki ene e gyam onshiba, ama pani tusha bwa daku.>> 8 Bitrus byange na Yesu, <<Gyam ga! Ai, bwa na kuza buna har dududu!>> Pa Yesu echane bek nyange, <<Shi nabo kuzagu ba, boza ketope wo gyamu.>> 9 Bitrus byange na Yesu, <<Gab Botʻbutuwaga, bama bona nimi suba ba har na wa nimi na reto nimi taba!>> 10 Pa Yesu nyange na Bitrus, <<Kuchi bone bo shiu zhiya boza rihuga rebob bwa kudago eguzhagu, se bone e bob suba, zwam bo rego bu ma guzagu kuchi, gahi ma eyo guzagi, ama ba kuchi nuhi ba.>> 11 Zwam Yesu e daki bone bwa tuta ek obo sa eb e zwame, <<Ba kuchi nuhi eyo guzagi ba.>>. 12 Na Yesu e guzagi bone aswabo a eb, pa eb e buda a po a hasa a eb, pa Yesu e ma banbyaka, nyange na aswabo a bone eb, e daki ene e gyame shagiya? 13 E raga kana ogaga Umarumi, na henda Botʻbutuwaga, oyo honzhe henda, zwam nani gyam yo. 14 Shi oboshi gyam Botʻbutuwaga na buhi na Umarumi nuhi, name guzagi bona, ashe, gahi ma oyo honzhe e guzagi bone e hato nahi. 15 Name shegi iyi egagau zwama gahi ma e kore e shagi ato mai ta gyame shagi. 16 Lelle tamahinda, na ragake zwammagaa, bugyam bo hyange Buchi bo yaba e bob ba, butuma henda bo hyange bone bo tuma boik ba. 17 Shi henda e daki mahinda, gahi henda shaga mahinda gahishi ato so chen.

18 Ba kuchi nuhi gyam on ba. Na daki ane a gyam yinga. uni henda kuchi zwama ashin nasinezwama, <Bone bo on re kuryago taba na gyamu bushi bone bo na wunje.> 19 Tun nare name zwama iyi tun e shiu ba, zwam gagu eb e shiu etane mahinda gyamshi bob ta gyam yo. 20 Lelle tamhinda, naraga ke zwammagaa, bone boshiu eyado kuchi na bone bo gyam tuma boshiu eyado na gyam ba unu. Bone bo shiu eyado na gyam henda boshiu eyado na bone bona tumane.>>.

21 Yesa o Yesu e zwame nani, e hoge tuchara na so eb, ishi sheda nyange, <<Lelle tamahinda na on kame zwammagaa, boink bando nuhi bwana tuta.>> 22 Pa aswabo ani ama yingyaga hato haba, ana nagi bone bo Yesu e on na bob. 23 Boik bando aswabo a bone eb henda, bone bo Yesu e hyange kudaga, bob banbigiya kusa na Yesu. 24 Pa Bitrus byange na bone bo yo kusa na Yesu byange,<<Tuzwama e on na gamba nai?>> 25 Bob henda bone bo bob bo boyo banbigiya kusa na Yesu bo ma barki, bwange na Yesu, <<Gab Botʻbutuwaga ga nai?>> 26 Pa Yesu e chane boik nyange, <<Bob ne bone bo gyamwa tana byasana umepa boik>> Na Yesu e tana byasana uni henda, pa eb e pa yahuza, bwa bo saminu iskariyoti. 27 Na e che e byasana uni henda pa bugwam bo muphar bo eshe so rekoko re eb. pa Yesu nyange na eb, <<Mahima ushi ene gabwa shi.>> 28 Ama bando aswabo a bone eb ana a on re kuryago, aza bone bo daki ene e sa Yesu e zwama Yahuda naniya. 29 Har ato mai a on nezwama Yesu e zwamma ek ishi muyinsa na begenje bini ne, ko henda e tuta munyare iyimaya, zwam yahuda eb ne eyo na ituwa e kurubi nyaba. 30 Yahuda henda na e cheu e byasana uni, pa e sher, gagu uni henda na ageta ne.

31 Yensa o yahuda e sher henda pa Yesu nyange,<<Yanzu henda ab dande bwa bot, ab handa a dande Onhon bando bwa. 32 Onhon henda owadande bwa wo e dan edanduwa ob, onhon owa chibano e dan edanduwa e ob bando bwa bot, kapaba henda ob owa dando boik. 33 Gahi awo nami a nuwa, gagu chimu o ryanta̱ gyam taba na gahi, Nyana yingyaga, ama ta gyam zwama yahudawa ne zwama, <Wo gyamwa karige e pwa koro ba, > Nani gyam on kame zwammagaa yanzu. 34 Esapo e upo gyam on kame tuta, ushiu dole e kudage hato nahi. Ta gyame kudage nani koga bwa daku gahishi aswabo a bona nami, shi e on kana kudaga hato nahi,>>.

35 Nanani ko ga bwa daku gahi shi aswabo a buna nimi ne shi de e yo na tukudago to hato nahi >>.

36 Ab pab pa Bitrus byange na Yesu,<<Gab Bot-butuwaga, bwa koro pa?>> pa Yesu e chane nyangya, <<wo gyamwa karege bo pwa koro nare ba ama na yensa bwa na swabya>> 37 Pa Bitrus byange na Yesu, <<Ga Botʻbutuwaga zwam nya, gyamwa pwa kabo swabo yenzu ba? Ai, na tuta muhondo namumi zwam gab.>> 38 Pa Yesu e chane nyange, <<Ashe, bwa tuta muhundo na mobe zwam gyamu? Lelle tamahinda, na raga kezwamagaa, kame oraguna oshi tudaro, bwashi o nagu edaku nimi katato.