1 Oho o muget mo tato pabashi ushiyana na kana o tunge to Galili. Yinu Yesu ayo paba, 2 Paba gimbake Yesu na aswabo a bune eb wo ushiyana uni. 3 Na mani ma inabi ma hwagi, pa yini Yesu nyange na Yesu, << Yeka zakana mani ma inabi.>> 4 Yesu nyange na yini << yini nami, taaje uni ushi na obe ba zwam nya gab kore wo gyam. Gagu numi ushiu ba>>.

5 Pa yini Yesu nyange na agyam, << Kuchi ene eb nyange yishi gahishi.>>.

6 Paba henda azhe mukimbu mutunihi mo hate iragi, bando al'ada a Yahudawa ai guzagu, ko nyama e ragare bando mukimbu mute mani ma mubobo buini.

7 Pa Yesu nyange na agyam ani, << E shindagi mukembu mote na mani.>> pa yek shindagi moik pal. 8 Katomo henda Yesu nyange naba, << To, yanzu tugagenji, e shibkane buchi bo beganje.>> Paba shibke boik mani mane. 9 Na buchi begenje bo harpa mani mane maba ringya tamo maik manima inabi, bo daki henda bando ab hi maik ba ama agyam ane a toge mani mane ab a daki, e ogage bot bo ushiyana upo, 10 Nyange na bob, <<Ko ga mani ma inabi ma bura̱̱ maba rwago panga, kata ato swago, katomo henda ab shibke mane ma wutagewa ma Jigu bizagi. Ama gab swen mani ma inabi ma bizagi se yanzu!>> 11 Uni oboshi iyahyani a Yesu e Jigu na kana o tunge to galili, e chibano e dan edanduwa e eb. aswabo a bone eb henda a yado na eb. 12 Katomo nani pa Yesu e kore kaparnahum, Yesu na yini eb, na ahuwa eb, na henda aswabo a bone eb, pa yekashani pate muget murya.

13 Na gagu Begenje be ekacheu be Yahudawa be wutagwa, pa Yesu e kore urushalima. 14 Na so Egenga Yesu e hi ato esango e naa, na tami, na mutattapura, na henda ato ebarika̱gu e kurubi shani bando riuga ryasange a bob. 15 Pa Yesu e pyache shiduga she karya na kare ka hada, e uzangu yek kuchi na Egenga taba na tami niya na naa, Yesu e kwagu henda kurubi ni e ato ebarika̱gu, e gatago henda mutaburu mwaba kuchi. 16 Yesu nyange na ana a sango mutantapuru, << E saga kuchi ete pani! Eta ringyatuma Egenga e buchi na bumi rihuga retosa na sange.>> 17 Pa aswabo a bone eb amabutare oyo herange na atak a Onhon nezwama, << Tushibiya to Egenga nebe ereu mohondo na mumi dinya. 18 Pa ayahudawa a chane ek ange, << Emai iyahyani e gabwa tu chibano nezwama gab zhe mahonre ma e sha e nani?>>.

19 Yesu e chane yek nyange, << E huzhagi Egenga ete, gyamu henda nashigatume yek na muget mutato.>> 20 Yahudawa ange na Yesu, << Se naba hi hashekara akwape nashi na utunihi a be shi rema re Egenga ini, gab henda na so muget mutato gabwa mashigatomo yek?>> 21 Ama Egenga ene e Yesu e on taaje kingi ka eb ne. 22 Zwamnani, ka Taaba anshigatumo ek bando ana a owagi, aswabo a bone eb ama butariya nezwama e zwamo nani, pa yeka yaje henda na nassi na taaje o Yesu e tabo zwame.

23 To, gagu o Yesu e yo na Urushalima bando bigenje be ekacheu, ato dinya a yaje na reze reb, zwam e hyanu iyahyani a eb ishi. 24 Ama Yesu e yado na yek ba zwam eb e daki yek honzhe kuchi, 25 Eza ekudage nezwama ko ga bo zwama yek zwama ab, zwam eb reto reb e daki ene eyo na hakoko haba.