1 Yesu henda e kore Urushalima gagu o begenje be Yahudawa 2 Na Urushalima, kusa na eso e tami, azhe mani ma mai mane maba ogo mek betasda na kare ka Yahudawa, aringaci ek na shiraye she ta. 3 Na shiraye shite henda ana arumagagi amayawa rabtaga pab, aruba, na agunu, na anaswagi kingi. A absaga nezwama a bunjiga mani. 4 Zwam gagu butom bo hagamba bu raga kurage bo bunjiga mani. zwam henda kuchi bone bwarago esh a ta rwago bunjiga mani, bwaregi rumigya bando iri hone ne e bob buzhe. 5 pate henda azhe bot mai bone bo zhe hashekara akwape tato na tutato na hono. 6 Na Yesu e hya ek rabche, e daki henda e warago na hono ni, pa Yesu nyange na eb, << Bo kudage abo rumigya tumi?>> 7 Bo ne bo rumagi bo chane Yesu bwangye, << Gab butusha, ai, naza bone bwana tazhikiwa na so mani gagu ab bunjiga maik. Gagu gyam wutu wo mani maniya se bot mai bo rwage na gyam eso.>> 8 Pa Yesu nyange na eb, << mashinge, o zubchi tubaro na tube, o karige!>> 9 Kapaba bot bone bo rumigi, e zubuchi tubaro eshe tuhano to bob.

Oho irini e pare oho muget mo tandare ne. 10 Zwam nani, Yahudawa ange na bone bwaba rumigyatumi, << ai, nare oho muget motandare ne, o shiu henda zhangi tubarna tobe ba.>> 11 pa bone bo rumagi da bo chane yek bwangya, << ai, bone bo na rumigya tumi, bob bwangya ezhangi tubaro natumi e karige>> 12 pa yek a kaba bone bu ka rumagi, << Bot bwana bwange na gab o zhangi tubaro na tobe o karige?>>.

13 Bone bwaba rumigyatumi boik henda bo daki koga bo rumigi boik ba, zwam Yesu e rego e mashinge zwam udubu one oyo paba. 14 Na Yesu onani Yesu e bangi ek na egenga nyange na bob, << Hyanow, bo rumigeu! To, geshi turiya, zwam irine e hyange ete tuzuma e bu hi.>> 15 pa bot bote bo kore zwama Yahudawa, Yesu ena rumigyatumi ek. 16 Zwamnani, Yahudawa arwage damaga Yesu, zwam eba e shagu iri ni e rumigyatumi oho muget mo tandare. 17 Yesu henda e chane yek nyangya << Buchi nabumi bo on enk har nare, gyam ma ushiu dole nashi enk.>> 18 zwamnani, Yahudawa a kisane gembo o yena o e hono Yesu, ba zwam e ba kachiya oho muget mo tandare suba ba, har ma zwam e be zwame nezwama onhon ushi buchi bo eb, wato, e raga kama gamaga na onhon.

19 Pa Yesu e chane yek nyange, << lelle tamahinda, bwa bo shagu ko nya bob boba ba, se ene e bob bo hya buchi bo onshi. Zwam kuchi ene e buchi bo ragashi, nani bwa bo onshi. 20 zwam buch bo kudage bwa bunni, bo on henda chibaga bwa kuchio ene e buchi na reto rebob bo onshi, har ma buchi bwa chibano bwa enk ana a hyange ane, henda nyashi ya hyani. 21 Ta buchi bo raga anshigyatumi ana a owagi henda ayo na muhondo, nani henda bwa bwashingatoma bone bo kudage. 22 Buch bo shagiu koga udubu ba, se de bu ge konya bando bwa. 23 zwam koga bo pa bwa tuwaga, ta ba panga buchi tuwaga. Bone bo pagano bwa tuwaga ba, bo panga Buchi bone bo tuma bwa tuwaga ba. 24 lelle tamahinda, na raga ke zwammagaa kuchi bone bwa hogo taaje numi, bo raga henda tanaga mahinda wo bone bo na tuma, bo zhe muhondo mo dududu, a shagiu boik hadoba ba, zwam bob bwarigo bwa koreu uʻu, bo wutago wo muhondo.

25 Lelle tamahinda, na raga ke kame zwama ga, gagu o on kore, har ushiu, na ana a owagi a hogo bigwaba be bwa bo onhon, ana a hogo henda anya na muhonda. 26 Ta Buchi nareto re bob bushi ripitu re muhondo, nani Bob bo tane bwa bushi ripitu re muhondo. 27 Buchi henda bo pa bwa iko e eshara hadoba, zwam bob bushi bwa bot. 28 Eta sha iye hyani o naniya, zwama gagu o on kore na kuchi ana ayo na so ha'uya a hogo bigwaba be bwa. 29 yek a sher henda, ato ana a shiu iyi bura̱ a mashinge, owashinga o muhondo, ana ashi ene e za e bura̱̱ a mashingeu, owashinga o hadoba.

30 << Na pwashi komiba na iko nimi suba ba. Ta gyam on hoge, nani gyam on shaga hadoba, hadoba nami gyam on swabi ba, se ene e bone bona tuma bo kudage. 31 Na on sheda o reto narimi, sheda numi ushi o mahinda ba. 32 Azhe bone bwana shadu zagu, na daki henda sheda one o eb e raga kana shagyaga ushi mahinda. 33 E tuma wo Yohana, Yohana henda e shedu mahinda. 34 Kuchi namini sheda one o gyam yinsa bando ob ushi o bot ba. Na zwame nani zwam e hi e chago. 35 Yohana ishi bechere bene bere, be tubanga henda, e yado henda ishi so chen dinya na tubanga to eb to gagu chimu. 36 Ama sheda one o gyam zhe o hyange o Yohana mahonre. zwam enk ana a Buchi bona pa e hwagi, kuchi enk ana a gyam raga shaga, ai, ab ne shedanumi nezwama, buchi ne bona tuma. 37 Buchi henda bone bona tumi, bob na reto rebob bona shedu, etabo hoge bigwaba be bob ba, ko e hya e shunu bob ba. 38 E enu tutom to onhon na so nuhi ba zwam e tano mahinda wo bone bo ob o tuma ba. 39 E raga hirangaga hatakarda, zwam e onshi na she so nashihi pate gahi nya hi muhondo mo dududu, alhali ab on sheda numi. 40 Kuchi nanami, e wondo kore wo gyam e hi muhondo. 41 << Na on gembago tuwaga wo ato ba. 42 Ama name daki, eza tukudago to onhon na so nuhi. 43 Gyam na kore ne na reze re Buchi na bumi, gahya buna ena cheu ba. Shi bot mai bwa kore na reze re bob, bob gahi nya cheu. 44 ingata gahi nyatana mahinda, gahi ana a gahi raga gembaga tuwaga wo hato nahi, tuwaga tune toyo bando onhon one oyo oba-oba henda, e on gembo tuba ba? 45 E ta aza na meshibkeu hadoba wo Buchi. Azhe bone bwa me shibkeu hadoba, boba ne musa, bone bo gahi yinsa wo bob. 46 kashi ta gahi yaje na Musa, kashi ka yado na gyam, zwam anabare nami Musa o herango. 47 Shi yado henda ne ene Musa o henange ba, inga ta gahya yado na taaje numiya?>>.