1 To, azhe boparisiye bo mai bo reze Nikodimu, e tuwaga e Yahudawa. 2 Nikodimu e kore wo Yesu na ageta nyange na Yesu, << Gab bo tusha, tudaki gab shi Umarumi one o shere bando onhon, zwam aza bone bo pwashi iyahyani ene e gab onshi, se onhon ne oraga panga boik mahonre.>> 3 Yesu e chane ek nyangya, << lelle tamahinda, na raga kabo zwammagaa, shi a matakano bot ba, bwa hya tugwama to onhon ba.>> 4 Nikodimu nyange na Yesu, << Inga Taaba mato bot kate bo ungo? wato, bo pwa kamarigya na mukaba mo yini amatakana boik?>> 5 Yesu e chane Nikodimu nyangya, << lelle tamahinda, na raga kabo zwammagaa shi a mato bot bando mani na uhunchi ba. Bwa pwa eshe tugwama to onhon ba. 6 Bot bone bo bot bo machie bushi bwa bo bot, bot bone bo uhunchi o machii bu shi bwa bo uhunchi. 7 Otasha iya hyani zwam gya nage na gab,< Dole a mai mataka.> 8 Uhunchi onhon ne o panga muhonda mopo, uhunchi oyo ta phar one o raga huraga bando ob o kudage. Bo pwa hoge phar ama henda bo daki bando ob o sherebe ko bando ob owa koro ba. 9 Pa Nikodimu e chane Yesu nyangya, << higa ta ob owashi?>> 10 Yesu e chane nukodimu nyange, << ashe gab ma na gab shi Umarumi o Isra'ila, bo daku iri niya ba? 11 Lelle tamahinda na raga kabo zwammagaa, ene gatu daki eba gatu raga zwammagaa, to on henda eshe ba ene e gatu hya, ama e wondo henda e yado na sheda nuti. 12 Shi na maishagi ba, higata gahya yado shi namai zwama taaje o turwana? 13 Aza bone bwatabo hyana wariya na turwana se bone bo kazhagi na turwana, wato bwa bo bot nbone bo yo na turwana. 14 Ta Musa o dande ahwa te na uzanga nani henda dole a dande bwa bo bot, 15 Zwam henda kuchi bone bo yada na bob, bo hi muhondo mo dududu. 16 Zwam e kudago e Onhon o kudage duniya dinya har o pa bwa boink bo ob, zwam kuchi bone bo yado na bwa bo, ob bo ta u, se de bo hi mohondo mo dududu. 17 zwam Onhon o tumana bwa bo oba zwam bo shirya hadoba ba, se de zwam duniya o hi e chago bando bob. 18 Kuchi ana a tanoso na bwa bo Onhon, a shereu yek hadoba ba ama ane henda a tanaso ba, arego a shereu yek hadoba, zwam a tanoso bando bwa boink bo Onhon ba. 19 Hadoba ani henda ab ne, tubanga to esowa duniya, Ama ato hyange kudaga tushi na tubanga, zwam enk a ba aza a bura̱̱ 20 Kuchi bone bo shagu iyi bura̱̱ ba bo kudage tubanga ba, bo karwago bando tubanga tuni ba, zwam enk ab a ta sabcha. 21 Bone bo shagu henda iyi bura̱̱, bo korago bando tubanga, zwam a chibano enk a bob, nezwama, ene e bob bonshi a yo honzhe wo Onhon.>>.

22 Na yesa o nani, Yesu na aswabo a bone eb a kore tonge to Yahudiya pate yek ishi muget chimu, a be shagi yek Baptisma. 23 Yohana henda ebe shagya ato Baptisma na ainon. Kusa na salima, zwam mani mayo dinya pate. Ato henda a raga ke karigyaga zwam a shagi yek Baptisma. 24 Na gagu oni atano Yohana na zharo ba katomo. 25 Pa a mai aswabo a Yohana a kumbe muhawara na Bayahude bo mai zwam taaje o eguzhagu. 26 Pa aswbo a Yohana a kore wo Yohana ange na eb, << Gab butusha, bone bo gahi yo taba na boba na zaat o hiro o rwaga o urdun bone henda gab na reto na rebe ma bo shedu boik, to a bona, bobe shaga Baptisma har koga na koga bo raga kuraga wo bob. 27 Pa Yohana e chane nyange, << A za bone bo pwa hi ko nya se de bone bo Onhon o pa boik. 28 Gahi ma hato nahi e daki nezwama gyamwange nashi Botʻbwakimga ba, ama ana tuma gyam zwam e kimga yena o eb nya swabo. 29 Bot bo bwaa bo ushiyana opo bushi bot bo ushiya opo. Bo chagiya bo bot bo ushiya opo henda bone bo yo yisane, bobe bake henda tage o bob, bo ragashi so chen dinya na e hogo e bigwaba be bot bo ushiyana opo. zwam nani so chen numi o shidu 30 Yesu henda e raga kisanga tuwaga, gyam henda Yohana naraga nagi tuwaga.

31 Yesu ene kore wari na turwana bo hyange koga tuwaga kuchi. Ama bone bo kore pani na tonge bushi bo tonge, na henda bo raga shaga taaje o ene ishi e tonge, ama bone bo kore wari na turwana bo hyan koga kuchi. 32 Yesu e zwama ene eb e hya na ene eb e hoge, henda aza bone bo yado na tutom to eb ba. 33 Kuchi bone bo yado na tutom to eb bo yado nezwama, Onhon ushi o tamahinda. 34 Zwam bone bo Onhon o tuma, taaje Onhon o bob bo raga zwammagaa, zwam Onhon o panga uhunchi ba na inhyaka ba. 35 Onhon Buchi bo kudage bwa buni, Onhon o tano henda ko nya na wa bob. 36 Bone bo tanoso wo bwa bob bo yo na muhondo mo dududu. Bone henda bo wondo eswabo bwa, bwa hi muhondo mo dududu ba, se de, so shiri o Onhon owa tabbatu wo bob dududu.>>.