1 Yesu nyange na aswabo a bone eb: << Gyamshi eʻo e inabi e mahinda, Buchi nabumi henda bushi bot bo tuma. 2 Ko a na abob ana a panga awo ba, se Buchi na bumi bo sher aik, Ko ana agogo henda ana a panga awo boraga guzaga aik zwam a pa awo dinya. 3 Ko yanzu gahishi ana aza turiya zwam taaje one o gyam me zwama. 4 E shani na so numi, gyam henda na so nuhi. Ta agogo a inabi a pwa panga awo ab ba ba, se henda ayo taba na ripitu, nani ma gahi ya pwa ba, se e shanu na so numi. 5 Yesu nyange gyamshi eʻo inabi ini, gahi henda shebobwa shini. Bone bo shanu na so numi, gyam henda na so bob, boba ne bo panga awo dinya. Zwam shi ba taba na gyam ba, e pwashi konya ba. 6 Kuchi bone bo shana na so numi ba, a taga boik pate, bo yo ta agogo, bu hwae, a zuranga iri ab tane na so ora. 7 Shi shanu na so numi, taaje numi henda o shanu na so nuhi, nya kaba kuchi ene e gahi kudage, a me pa henda. 8 Nani ab dandaga buchi na bumi ba un, shi e on awo dinya, nanani henda gahishi aswabo nami a mahinda. 9 Na me kudage Ta buchi bona kudage, e shani bando tukudago tone to gyam on kame shagya. 10 Shi swabo esapo nimi, nyashana na so tukudago tone to gyam on kame shagi, ta gyam swabe esapo e buchi na bumi na shanu henda bando tukudago tone to bob bo raga kana shagya.

11 Na me zwama nani zwama so chen numi o yo na so nuhi, so chen nuhi henda ushinji. 12 Uni ubushi esapo nimi, nezwama e ma kudage hato nahi, ta gyame kudage. 13 Aza tukudago tone to hyange naniya bando achagiya, wato bot pa muhonda mo boba zwam ana ashi achagiya a bob. 14 Gahishi achagiya nami a gyam yaje naba shi on shaga ene e gyame sape 15 Name ogagaka agyam ba, zwam bugyam bo daki ene e buchi bo yaba e bob bo on shi ba, se e zwame na gahi achagiya, zwam na me zwama kuchi ene e gyam hoge wo buchi na bumi. 16 Ba gahi ena yinga gyam ba, gyamu ne me yinga, na me sa e kore e matage awo dinya ta eʻo awo ana ayo dududu, zwam uni konya kahi kaba buchi na reze nimi Buchi na bumi bwa bo me pa. 17 Uni oboshi sapo nimi e upo e kudaga hato nahi.

18 Yesu e kisane zwammagaa, <<Shi ato duniya a me wondo, e daki se naba nawonje gyam katumo ab me wonje gahi. 19 Shi gahishi ato duniya o ka kudago ato ob, ama zwam gahishi ato duniya ba, name yinga bando ato duniya, obo sa ato duniya a me wonje. 20 Emakimga butare na taaje o gyame zwama ne zwama, < Bugyam bo hyange Buchi bo yaba e bob ba.> Shi yek ana panga maduru, gahi ma a me pa maduru. Shi yek ana get taaje numi, yekaka get taaje nuhi taba. 21 Ama kuchi a me shagiu konya zwam gahishi nami, zwam yek a daki bone bona tuma ba. 22 Shi naka kore zwam e shagi yek taaje Onhon ba, yek kaza turiya. Ama nare kam, yeka kaza tugyabo-gyabo tomaya twaba pa, zwam turiya twaba. 23 Bone bu na wondo gyam bu wondo Buchi na bumi taba. 24 Shi naka shiu iyi maya ba bando ab, ene e bot maya bo tabo shi ba, da yeka kaza turiya. Ama yanzu yek a hya, yek henda atu wondo, gyam na buchi nabumi kuchi. 25 Ashi iri ni kuchi zwam a shinji ene eyo herange na so atak a hadoba ab ne zwama, < Ana woje suba.> 26 Ama gagu o bot boi banga bo korwa bone bo gyame tumage bando Buchi, wato uhunchi o mahinda, one o raga sheraga bando Buchi, oba owashi taaje zwam gyamu. 27 Gahi ma nyashi taaje zwam gyam, zwam tun na Jigu eyo taba na gyamu.