1 Yesu e zwama aswabo a bone eb , << Eta madamaga. Etane so na Onhon, etane so na gyamu henda. 2 Wo buchi na bumi azhe rihuga dinya. Shi ba nani ba, shika me zwama, zwam na kore e me kimga rihuga. 3 Shi henda na karigeu na me kimga rihuga, se emaringe na me zhangi wo gyamu yo, zwam wo gyam yo, gahi ma e nya pate. 4 Wo gyamwa karige e daki yena.>>.

5 Pa Toma nyange na Yesu, << Gab Botʻbutuwaga, gatu daki wo gabwa karige ba, inga ta gatwa daku yena uniya?>> 6 Pa Yesu nyange na Toma,<< Gyamushi yena, gyamushi mahinda, gyamushi henda bone bo panga muhondo. Aza bone bo pwa eso yo Buchi se bando numi. 7 Yesu nyange na aswabo a bone eb, Yanzu shi ena daki gyamu, yek daku Buchi na bumi. Ama nare e daki boik, henda e hya boik.>>.

8 Pa Pilibus nyange na Yesu, << Gab Botʻbutuwaga, tu bisani Buchi buni, ene e gatu kudage binu.>> 9 Pa Yesu nyange na Toma, << Na warago na gahi dinya har nare bona daki gyamu ba Pilibus, ai kuchi bone bona hya gyamu ai bo hya Buchi buni. Inga ta gabwa zwame tu bini Buchi buni>? 10 Wato boyado nezwama nayo na so Buchi ba, Buchi henda na so numiya? Taje o gyam on kame zwammagaa ba na mahonre na mami gyam on kame zwammagaa ba Buchi ne bone bo yo na so numi bobe shagu enk a bob. 11 Etane mahinda na gyam zwame nayo naso Buchi, Buchi henda na so numi, ko henda e yaje nagyamu zwam enk a gyamu onshi. 12 Lelle tamahinda, naraga ke zwammagaa, kuchi bone bo on tanagamahinda na gyamu enk a gyamu raga shagu bob ma bwashi nani. Har hyange na ane a gyamu shagu, zwam na karige wo Buchi. 13 Na me shagiu kuchi ene e gahi kaba na reze rinimi, zwam a dande Buchi bando o Bwa. 14 Ko nya gahi kaba na reze rinimi name shagiu.

15 Yesu nyange na aswabo a bone eb, << Shi ena kudage, nya swabo esapo nimi. 16 Zwamanani, gyam ma na kaba Buchi, bwa henda bo me pa bomai bo ebanga̱ bo nya taba na gahi dududu. 17 O ebanga̱ ete ne uhunchi one o raga chibaga mahinda ma Onhon. One o ato duniya o pwa hi oik ba, zwam o hyanagu oik ba, o daki henda oik ba. Gahi henda, e daki oik, zwam oyo shani taba na gahi, owanya henda na so nahi.

18 Yesu nyange, << Shi na karegeu, na me ge marayu ba, na maringyaka wo gahi. 19 Mugeta mo sa yo chimu ato duniya a na hyanaka ba, ama gahi nya hyanaka. Zwam gyamu yo na muhondo, gahi ma nya, nya na muhondo. 20 Shi oho uni o kurwa, nya daku gyam yo na so Buchi, gahi henda na so numi gyamu henda na so nuhi. 21 Kuchi bone bo yado na esapo nimi, bo on henda swabe oik boba ne bo na kudage. Bone bo na kudage henda Buchi na bumi bwa kudaga boik, gyamu henda na kudaga boik, echibane reto rinimi wo bob.>>.

22 Pa Yahuza Ba yahuza Iskariyoti ba Nyange, << Gab Botʻbutuwaga, zwam nya gabwa chibano reto renebe wo gatu, ba wo ato duniya ba?>> 23 Pa Yesu e chane Yahuza nyange, << Ko ga bona kudage, bwa geto taaje numi,Buchi na bumi henda bwa kudaga boik, twakore wo Buchi tu shani taba. 24 Bone bo na kudagewa, bo getagiwa taaje numiya. Taje one o gahi raga hogaga ushi numi ba, ushi o Buchi bone bona tumane .

25 Yesu nyange naba, << Kuchi uni name zwama ne tun gatu sayo taba. 26 Ama boi banga uhunchi o bura̱̱ one o Buchi bwatuma na reze nimi, obane owame chibaga ko nya, oi butare henda ko nya e gyame zwama.

27 Name ge na ashinya a bura̱̱, ashinya a bura̱̱ nami a gyamu on kame panga, ba ta ato duniya oraga ke panga gyamu on ke panga ba. Eta ma damaga, henda eta huga ryansa. 28 E hogo de gyamu zwam na karige, na maringe henda wo gahi. Shi na on tukudago na tumi ekashiu makuda zwam na koro wo Buchi, zwam Buchi bona hyange gyamu. 29 Na me zwama nani tun e kashiu ba, zwam gagu o gahi hya e shiu e tane mahinda. 30 Na me shagyaka taaje o udubu ba, zwam bot bo tugwama to ato duniya uni bo on kore, boza henda mahonre wo gyamu. 31 Ama zwam ato duniya a daki nezwama na kudage Buchi, na on henda shagu ta Buchi bo na tuma, mashinge tu karege pani.>>.