Adiyisɛm 19

Nnipakuo A Wɔwɔ Ɔsoro No Ani Gye

1 Yei akyi no, metee nne bi te sɛ nnipakuo a wɔwɔ ɔsoro reteam sɛ,

"Haleluia!

Nkwagyeɛ ne animuonyam ne tumi wɔ yɛn Onyankopɔn,

2 ɛfiri sɛ, nʼatemmuo yɛ nokorɛ

na ɛyɛ sɛ ɔbuu odwamanfoɔ kɛseɛ

a ɔde nʼadwamammɔ asɛe asase no atɛn.

Onyankopɔn atwe nʼaso ɛfiri sɛ, ɔkumm nʼasomfoɔ."

3 Na afei, wɔteaam bio sɛ,

"Haleluia!

Wisie bɛfiri kuro no mu akɔ ɔsoro daa daa."