7 Askávaíki Josepa ãwẽ papa ewevaĩsho Faraó meramai kamaĩnõ, Jacopa vana roapa ivõ Faraó netãki. 8 Ãwẽ aská akatõsho, "mia vari awetíirá", iinã Jacó nĩkãki.
9 Ãwẽ askámaĩnõ, "nikonkoĩsho niáma ẽ iyakekarãi, 130 vari ea aya. Earo ichnái sheniyai, askái vari ãtsa tavái yomãnái ẽ niá. Ẽ shenirasĩ, atovo ipawatõ ikí, vari ãtsa tavái ea niakekarãma ea", akĩ revíki. 10 Askávai, Jacó Faraó vana roapa ivõ netãvai kaí.
11 Askávaíki Josepa ãwẽ papanĩ ãwẽ takevo Ramessés orakama, Egito mai kashke roapa ivo ato inãvaíki ato shokõki, Faraopa yonoa keská akĩ. 12 Askáki, ãwẽ papa, ãwẽ takevo, ãwẽ papã wetsamavorasĩ aatii piti ato inãvaĩvaĩki. Wetsa ãwẽ vake ãtsapa aya ivoro, ãtsapa inãi, wetsa ãwẽ vake ãtsama ivoro, ãtsamase inãi ato avavaĩki.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)