12 "Pachia thingkua liate Obed-edom a innbyn hae te a inn um hae paw balyn tuh Bawipaw nynh hythua a pya hae," cite David Siapharan kha a hopya hae. Tukeiccuze David nynh cceih zah Pachia thingkua kha Obed-edom inn kyate David khua lang lungpawte a cciakhae; 13 Bawipaw thingkua a puihtu hae nynh kaw taruh he a kaw hae te, tangnuapaw sa kheit te sahiin athopaw sa kheit khate si a law. 14 David nynh Bawipaw malang khe a thawzung balynte a law; David tuh laaw te kuakuhpaw ranpibawi angki a kikuh. 15 Tuhcite David te Israel hae balyn nynh sia biate, mungkae tu biate Bawipaw thingkua kha a cciakhae hae.