10 Milagres de Jesus na Bíblia: Lista com versículos e explicação

Iro ri Gran ri Kana riwa Galili

1 Ri vi ri tra wan waka ti ro ri ri gran ri Kana riwa Galili iyi Yeso ka he ri bubu gran. 2 Wa yo Yeso nga mirindu wan ri bubu ro gran 3 Riwa iima raro ri ro ri gran a kre, iyi Yeso ka tre riwu ri,<<Iima raro kre.>>

4 Yeso ka tre riwu ri,<<Iya itre nyi ran he wa me ran, ai ivi won ran ti rina.>>

5 Iyi Yeso ka tre ri wa ndu wan ri,<<Ikya riwa Yeso tre ri no yi ti, bi ka ti wu.>>

6 Nji Yahuda wa he ri bibi tsri ngamba riwa wa ti ritu ngamba wa ri mbuwari tanren wawa wa me wa ri tita ki ri bubu wan, ko ritan rimi mba ri ri galo gbigba ri.

7 Imba Yeso ka tre ri wawa wa tindu ri,<<Fon ima sho ri mbuwari wanyi.>>Waka shu mbuwari wa-a ri ima,

8 Ngha Yeso ka la wa ri,<<To zizan vu hi no nji riwa a he nji ri ro gran.>>Wa ka vu ima-a ka no nji ri ro gran, 9 iima-a ka kɨma ti ima raro nji riwa a ran ya ro ri gran ka pireso tsawen. Wawu kana to bubu riwa iima raro-a zhu ye ran, ama wawa wa ti ndu-a wa to bubu riwa iima-a zhuu ye, imba ka yo ron wasa-a ri gran, 10 ran tre riwu ri,<<Ai ko ngan ri gbuchi de ima ri roo ri, kugon riwa nji wa so wari hua ko ari ngɨzhi riwa a ran bi tsra ri rigbuchi ran yi ama a wu wu rii ima ndindi-a tse zizan!>>

11 Rinyi nye a he kya ri de sisiri ri gbuchi riwa Yeso a ti-a ti kya nyi ri kana riwa Galili; bubu riwa wa tsro mkpen wan, imiri ndu wan waka kpa nyɨme riwu.

Yeso a den nji riwa wa ngɨzhi-u ri mfyen

1 Riwa Yeso a ran zren, ka to nji ri wa ngɨzhi-u ri mfyen. 2 Imiri ndu wan waka miyen ri,<<Inji ri tsro, meme ti ngaa nye no wa ngɨzhi nji nyi ri mfyen? A he meme ti wan nye ka iwa wa tiwan?>> 3 Yeso ka nyɨme ri wa ri,<<Aran he ritu nji nyi, ka wa ti wan wa ti meme ti nye no ti nfyen ran, ama wa ngɨzhi-u ri nfyen ritu no wa tsro gbengbren Izhi ritu wan. 4 A he nganyi ki sondu ran ti ndu nji riwa a ti ta ndu ka nji ran ku rina, ichu he ri nkon ri ye riwa njo ran to ti ndu ngaran. 5 Riwa me he ri mgbugblume nyi, ame mi he kpan wulu mgbumgblume.>>

6 Kugon riwa Yeso a tre nganyi, ran zhu nten sro ri meme ran san meme riwu ka fon meme riwa a san-a ran ka gban ri nji-a ri si, 7 ran la-u ri,<<Hi wuri ngla si wen ri juju ima ri siluwam.>>Itu nde-a he,<<Indu.>>Imba nji-a ka hi ran ka ngla si wan ka bru ye ko isi wan ka ran kpan ka ran to tsu.

8 Wa kukpan wan nga wawa wa sasi to-u ari si bre ri sen waka tre ri,<<Rinyi ran he nji riwa ari si son ran bre ran?>>

9 Wari waka tre ri,<<A he wawu ama imgbron mba waka tre ri onhon a ran he wawu ran, a zhu wawu nye.>>Imba nji-a kyuwan ka tre ri,<<A he ame nye.>>

10 Waka miyen-u ri,<<A he ri se ko wu to tsu zizan?>>

11 Ka nyɨme ri wa ri,<<Inji riwa inde wan he Yeso nye a san meme ran ka gban mo ri si ran la wen ri me hi ngla si ri ima Siluwam, imba me ka hi me ri ngla si-a nga isi won ka bu me ran to tsu.>>

12 Waka miyen-u ri<<A he ri minyi?>> ka nyɨme ri wa ri, <<Me ran to ran,>>

Yeso a Ho nji Ngo Ton.

13 Riwa Yeso a wo kamba, ka wurunde ri bubu wan, a gra rimi nvu ima ran hi bubu riwa ba njo ri bubu wan. Riwa wa wo ngamba, ikpanji-a waka wulunde wa ri huu ri za. 14 Riwa Yeso a zhu rimi nvuima ran to kpanji wa ki. Ka ya wa ri sii losron ran no wawa wana he ri si ran no wa si.

15 Iwa yawulu a ti, imiri ko wan waka wawu ye wa ri tre,<<Bubu nyi njo ran he ri bubu wan ran, ga yawulu ti. No kpanji nyi nowa hi ko wari wa kya ri ri.>>

16 Yeso ka la wa, << Aran he riwa wa hi kamba ran, bi wa kya nowa ri.>>

17 Waka lawu ri,<<ki he ri ngbɨre jujuyɨmo ton ri lambe hari.

18 Ka tre ri,<<Ngɨzhi wa ye no wen.>> 19 Imba ka la wa ri no wa nji-a nowa kuki ritu giga. Riwa a ban jujuyimo mgbɨre ton ri lambe hari-a, ran ndzu wa ban shu, ran ngiri ri Izhi, ran chu wa jujuyimo, ran si no miriko wan, Imiriko wan wa si no wanji. 20 Wawumba waka ri wari hushi, nga miriko wan waka vu susu wan shu rimi sisen wuru don hari riwa wa kadon. 21 Ikpa ronron riwa wa ri wa he ngo ton ama wa ran bla mba ri miri.

Yeso a yira Wowulu ngaa ka Kukri

35 Ri chachu vi mba riwa yawulu a ti Yeso ka tre ri miri ndu wan ri,<<No wa ru gran hi ri ku gran nne kumu.>> 36 Imba wa miri ndu wan waka ka jɨbu nji-a don, wari hi gra ri nvuma riwa Yeso a gra son rimi wan-e, nga waka ban wu hi ri wawa rimi wan ngbron mvu ima ka gbuchi ran sho ri ima. 37 Ri bubu wan inchon gungu ka fu, nga ishi ima ka gbuchi ran kɨbu mvu mam-a, ka gbuchi ran sho ri ima. 38 Yeso a he ri kugon mvu ima-a a ran kru nna ran ka tu wan yo ri tsro ri yo tu, imiri ndu wan waka shɨme-u ran tre ri,<<Inji ri tsro, a ran dren sron riwa ki wa kiri kuu ran?>> 39 Yeso ka wulunde kri nde ran tre ri ngungu ri,<<Kukri kpen!>>Imba ngungu-a ka kukri nga ko kutan ka he yoon.

40 Imba Yeso ka tre ri miri ndu wan ri,<<Ritu ngye ko bi ti sisiri? Bi kambi ran he ri Yosron ran?>>

41 Ama wa ti sisri bran wari ran tre ri ngamba ri,<<Inji nyi he ngaa nye? Kau ri ngungu nga shi ima wa wo tre wan?>>

25 Iwa ri a he ri bubu wan riwa a ran zhu yii ri se wurudon hari. 26 Iwa-a a so yaa bran ri wo wawa wa de gbugblu nga ran wuu kongye riwa a he ri wu kre ritu riwa no fe si ama lilo-a ka sondu ran sro nga. 27 Riwa iwa-a a wo tre Yeso ka dzu rimi jɨbu nji-a ran ye zhu kugon Yeso nga ran bre wo ri nyun tsro Yeso, 28 ritu a ran rimɨren rimi kpa wan ri,<<Ko wawu bre wo ri tsro wan kakre wawu ri fe sii.>> 29 Ri bubu wan izhu yii-a ka kukri nga ka wo rimi kpa wan iri wa den wawu.

30 Ri bubu wan Yeso ka wo ri kpa wan ri gbengbren ri zhu rimi kpa wan. Ka kɨma ya jɨbu nji ran miyen ri, <<ingha ri bre wo ri tsro won?>>

31 Imiri ndu wan waka tre ri,<<Wu to bibi riwa ijɨbu nji wa kagon wen ki, wu ri ri mɨyen ri ingaa bre wu wo?>> 32 Ama Yeso ka sondu ran ya kagon ritu ran to ko ingaa nye bre wu wo. 33 Imba iwa-a riwa a to kya riwa wa ti ri wu ka ye kɨbu mgbazhu kusi Yeso raa ran wiri kpa ritu sisiri, nga ran la Yeso kpunji tre iri wawu nye bre wu wo. 34 Yeso ka tre wu ri,<<Ivra won ikpanyɨme wen kpa-u chuwo. Hi ngawen ri sii kpa wa den kpa chuwo rimi lilo wen.>>

Inji ri La tre Izhi ran he ri mkpen ri gbu wan ran

1 Yeso nga miri ndu wan wa ka ruu gran nne ri Galili hi ri gbu Garasina. 2 Ri gɨzhi Yeso rimi mvu ima, nji ri lilo meme bɨzhi riwa a zhu ri bubu no nji yɨbi ka ye ri Yeso. 3 Inji-a a ran kru ri bubu riwa wa no nji yɨbi, injo a ran to lo-u ri che ran. 4 Ritu riwa wa sondu ran lo-u wo nga dza ka suu che ran rega. Injo ka ran to vu lo ri che nga ran. 5 Bla vi ri chu nga ri ji a ran zren rimi bubu riwa wa ban nji ri no yɨbi-a, nga ritu gashi ka ran kpagro ran ran dru ngawan kpa ri tita.

6 Riwa nji-a a to Yeso ri kpata, ka wulunde ri tsu ran ye kɨbu mgbazhu ri kusi wan. 7 Inji-a ka Kpagro mgbamgban ran tre ri< Yeso, Ivren Izhi riwa a he ri mkpen bran ingye nye wu wa ri me? Me bre rimi nde Izhi ran no wen Yaa ran!>> 8 Inji-a ka tre ngamba ritu Yeso a tre ri wu ri,<<A wu Yuu meme mba zhu zho ri kpa nji nyɨn!>>

9 Imba Yeso ka miyen-u ri,<<Inde wen he ngaa?>>

Ka tre ri,<<Nde won he ijɨbu, ritu ki kigbu ri kpa nji nyi.>> 10 Ngha ka sondu ran bre Yeso ri no ran dzu wawa zho ri bubu nyi ran.

11 Ijɨbu dushu wa ko wari wa ran ri ri ri kpa mgblu hwɨreri bubu wan. 12 Iyu meme-a ka bre Yeso ri,<<No ta ki hi gra ri kpa dushu wa ko wamu wuri no ta ki kii ri mi mba.>> 13 Yeso ka nyɨme, imba Iyu meme-a waka hi gra rimi kpa dushu wa ko-a. Ijɨbu dushu wa ko-a wa he ngo hari nye, imba waka wulunde gbagbla wari gre hi wari ka ku rimi nne wari kuu.

14 Inji wawa wa ran kɨshu dushu wa ko-a waka tsutsu hi ri gbu ri bran nga gbu wa tsitsa, wari kasi bla tre kya riwa a ti wa kusan mba nga ikpa nji waka gre ye wari ye to kya riwa a ti. 15 Riwa wa ye ri Yeso waka to nji riwa a he ri ijɨbu meme bɨzhi ka kuson ri tsro ri kpa wan ri tu wan riri, waka ti sisiri. 16 Wawa wa to kya riwa a ti ri nji ri lilo meme bɨzhi nga wa dushu wa ko-a, waka ran la wawa wa ye ri bubu wan. 17 Imba nji-a wa gra bre Yeso ri no ka meme mba don ri wa.

18 Riwa Yeso a ran gra rimi mvu ima-a, nji ri meme bɨzhi ka bre Yeso ri no wawu hu hi ngawan. 19 Ama Yeso a ran nyɨme ri wu ran, ama ran tre ri,<<Bru hi ko wuri la miri vayi wen bibi kya riwa Bachi ti ri wu nga bibi rereriwa a ti ri wu.>> 20 Imba nji-a ka hi ngawan ran hi gra rimi gbu wuru ran gra ri la wa kya riwa Yeso ti ri wawu. Ngha nji waka ran ti sisiri.

Yeso a ta Vra Riwa a Kuu Shɨme ran Den Waa ri Lilo

21 Riwa Yeso a kɨma hi ri gran nne ri kuri wan, ijɨbu nji waka kagon wan ri nyu nne-a. 22 Inji ri rimi wa rinkon ri tra bubu kabru nji Yahuda ri riwa wa yo nde wa ri Yayirus, ka ye ri bubu riwa a to Yeso ran kɨbu mgbazhu ri kusi wan. 23 Ka sondu ran bre Yeso ri,<<Ivra won tsitsa a ran he si ran me bre wu ritu wu ri ye bre wu wo no fe si ran son ri sii.>> 24 Imba Yeso ka hu wa hi ri ko-a. Ijɨbu nji waka hu wari ran ima-u. 25 Iwa ri a he ri bubu wan riwa a ran zhu yii ri se wurudon hari. 26 Iwa-a a so yaa bran ri wo wawa wa de gbugblu nga ran wuu kongye riwa a he ri wu kre ritu riwa no fe si ama lilo-a ka sondu ran sro nga. 27 Riwa iwa-a a wo tre Yeso ka dzu rimi jɨbu nji-a ran ye zhu kugon Yeso nga ran bre wo ri nyun tsro Yeso, 28 ritu a ran rimɨren rimi kpa wan ri,<<Ko wawu bre wo ri tsro wan kakre wawu ri fe sii.>> 29 Ri bubu wan izhu yii-a ka kukri nga ka wo rimi kpa wan iri wa den wawu.

30 Ri bubu wan Yeso ka wo ri kpa wan ri gbengbren ri zhu rimi kpa wan. Ka kɨma ya jɨbu nji ran miyen ri, <<ingha ri bre wo ri tsro won?>>

31 Imiri ndu wan waka tre ri,<<Wu to bibi riwa ijɨbu nji wa kagon wen ki, wu ri ri mɨyen ri ingaa bre wu wo?>> 32 Ama Yeso ka sondu ran ya kagon ritu ran to ko ingaa nye bre wu wo. 33 Imba iwa-a riwa a to kya riwa wa ti ri wu ka ye kɨbu mgbazhu kusi Yeso raa ran wiri kpa ritu sisiri, nga ran la Yeso kpunji tre iri wawu nye bre wu wo. 34 Yeso ka tre wu ri,<<Ivra won ikpanyɨme wen kpa-u chuwo. Hi ngawen ri sii kpa wa den kpa chuwo rimi lilo wen.>>

35 Riwa Yeso a ran tre nganyi, nji wari wa zhu ri ko Yayirus rinkon ri tra kabrutu riwa nji Yahuda wa ye wari tre ri,<<Ivra wen kuu ko ngye ti wu kawen ri wa tre ri nji ri tsro?>>

36 Yeso ka ran srenton ri kya riwa wa tre ran, ama ka la nji rinkon ri tra bubu kabrutu riwa nji Yahuda-a ri,<<Ran ti sisiri ran; kpanyɨme kakre.>> 37 Yeso a ran no njo no hu hi ri ko Yayirus ran ara Bitrus, ri Yakubu nga Yonana vayi Yakubu. 38 Riwa wa ke ri ko Yayirus Yeso ka to wa kpagro wari ri yii ko kutan. 39 Yeso ka gra rimi ko-a ran tre ri wa ri,<<Ritu ngye ko bi yii bi ri ri kpagra ko kutan? Ivra nyi ran kuu ran ari kru nna nye.>> 40 Imba waka nza-u ri tsri, ka dzu wa zhu raa wawu ran yo ti vra-a ri yi vra-a nga wa miri ndu wan wawa wa he ri wu ri bubu wan, nga wari gra rimi tra riwa ivra-a he rimi wan. 41 Yeso ka vu wo vra-a ran tre ri,<<Talita kumi!>>Riwa ari tre ri,<< Vi vra, walunde.>> 42 Ri bubu wan ivra-a ka wulunde ran zren. Ise wan a he wuru don hari riwa a ti ngamba a waka gra ti sisiri bran bran. 43 Yeso ka fen wa ton ri no wa ran la njo kya riwa a ti ran, ran la wa ri no wa wa kya no ri.

Yeso a Dzren ritu Nchon ima.

22 Ka no miriko wan waka gra rimi nvu ima wari rugran ri ko wawu ka no kpanji waka hi ngamba. 23 Kugon riwa a chu wa wo na ka hon ritu tita wawu nkankɨshi wan don ran bre Izhi. Hari yawulu ka he ri bubu wan nkankɨshi wan, 24 Ama nghɨma ka he ri tsutsu ima, ama kana shi ritu riwa ngungu a ran tru ran hi kusi wan.

25 Ri bu mbre Yeso ka wulunde zren ritu ima riwa ari fe miriko wan.

26 Riwa imiriko wan wa to a ran zɨren ritu ima, wa tre ri,<<A he bɨzhi nye>>Wari kpagɨro ritu sisiri.

27 Imba meron Yeso ka tre riwa,<<Ba kya! A he ame. Ran ti sisiri ran yi.>>

28 Imba Bitrus ka kpanyɨme ran tre ,<<Bachi, inde a he a wu nye, to wuka nowen me ye riwu ritu ima.

29 Ka tre , <<ye,<<Imba Bitrus ka zhu rimi nvu ima , ran zɨren ritu ima hi ri Yeso. 30 Ama riwa a to ka ngungu senkpa ran ti sisiri riwa a ran yibi tu ri ima ran kpagɨro, ran tre ,<<A wu Bachi, kpawenchuwo!>>

31 Ri bubu wan Yeso ka nɨme wo ran vu, ran lawu ri,<<A wu ri fifi yosron, ritu ngye ti wu ran nyime rɨme ran?>>

32 Riwa wa gra rimi nvuima-a, ngungu ka ran gbla kri. 33 Wawa wa he rimi nvu ima waka kɨbu ngbazhu ri wu, ran tre, A wu wu he vren Izhi kpunji.>>

Yeso a Den nji ri Klukpa

1 Kugon vi hari, riwa Yeso a bru hi ri kafarnaum, nji waka wo iri a ye ko. 2 Imba nji kigbu waka kabru sho kokutan, nkon ri hu ka ran he ran kau ri ran ngawen, nga Yeso ka ran bla tre Izhi ri wa. 3 Inji wari waka ye ri wu wa ngɨzhi nji ri lilo klukpa ye ri wu, wawa wa ban wu ye wa he nji nza. 4 Ritu nji wa kigbu ri wu wa ran fe nkon riwa wa hi hure ri wu ran, ri ngamba waka hon tu tra riwa Yeso a he rimi wan, wa ruu tu tra-a waka gra ri nji ri lilo klukpa wari ka-u yo ri tu blaa wan ri kru-a. 5 Riwa Yeso a to kpanyɨme mba, Yeso ka tre ri nji ri klukpa-a ri,<<Ivren won, wa ka meme ti wen rega ri wu,>>

6 Wa tsro doka Musa wari wawa wa ki ri bubu wan waka ran rimɨren ri sron mba ri, 7 <<Ritu ngye ko nji nyi ri tre meme ritu Izhi? Ari tsri Izhi nye nji ri tsitsri riwa ari to ka meme nji rega?>>

8 Ri bubu wan Yeso ka to kya riwa wa rimɨren ritu wan ri sron mba nga ran tre wa ri,<<Ritu ngye ko bi rimɨren bibi mba? 9 A he hwɨri riwa wa tre ri nji ri lilo klulpa-a ri,<Wa ka meme ti wan rega ri wu > Ka wa tre<Wulu kri nde ban kpala wen wuri zren?>> 10 Yeso ka tre ri nji ri lilo klukpa ri me no yi to ri ivren nji he ri gbengbren ri ka meme ti rega ri mgbumgblume.>> 11 Me la-u wulu kri nde ban blaa wen wuri hi ko! 12 Riwa wa ki ran ya nji-a ka wulu kri nde, ran ban blaa wan ran hi ngawan a nzu wa sron wawu mba waka gbre Izhi, ran tre ri<<Ki ran to bibi kya nyi zari ran!>>

Ikuu lazaru

1 Inji ri nye a ran lo, nde wan a he lazaru riwa a zhu ri Batani igbu wa meremu ri vayi wan vru wa marta. 2 Meremu nye riwa vayi wan lazaru riwa a lo wawu nye a gban dza Bachi ri nye ri ro ran se za wan ri nfutu wan. 3 Ri mba ka ti miri vayi wan mirimba ndu no wa la Yeso,<Bachi > Ikpan wen riwa wu nyɨme ri wu ri lo.

4 Riwa Yeso a wo nganyi ran tre, lilo nyi a ran ri wuu Lazaru ran, onhon a he ri nkpen Izhi riwa ivren Izhi ri fe nkpen rimi wan.>>

5 Yeso ri nyɨme ri marta nga vayi wan vruwa ri lazaru. 6 Rwa Yeso a wo ri lazaru a ran he ri si kpa ran ka bru son ri bubu riwa a he ti vi hari. 7 Ngha ran la miri ndu wan ri ki bru hi ri gbu Yudiya.

8 Miri ndu wa ka tre ri wu,<<A wu nji riko ivi-ri nyi nye Yaudiwa wa wa nkon wa ri ta-u ri tita wu bru hi gbu nga ri!>>

9 Yeso ka tre riwa ri, <<A ran he awa wurudon hari nye ri vii riri ran? Ko ngaa ri zren ri kpan Izhi a ran kɨbu dza ran ritu ari to kpan mgbumgbulu me nye. 10 Ama ko ngaan ri zren ri chu a ri kɨbu dza ritu ikpan tsu a ran he ri wu ran!>> 11 Kugon riwa a tre nganyi ran bru la wa miri ndu wan ikpan mbu lazaru a kru naa ama me hi miri shɨme-u.

12 Imiri ndu wan wa ka tre ri,<Bachi a he kruna nye, ari fe si kpa.>

13 Yeso a ran tre ritu kuu wan, ama imiri ndu wan wa yonga a ri tre ritu kruna ri son vri. 14 Imba Yeso ka la wa a he njanji,<Lazaru a kuu, 15 nga ritu mbi me ngiri, me ran he bubu wan ran ritu bi ri kpa nyɨme ama ki hi ri wu.>>

16 Mba Toma riwa wa yo-u ivren ri ngareka tre ri mgbron miri ndu ri,<Ki hi ngawan, ki ri kuu ri wu.>

Itashɨme Yeso Ngha Vɨri

17 Riwa Yeso ka zhu bubu wan, ka to Lazaru a ti vi nza ri bubu gru. 18 Batani a he hyure-hyureri Urushalima a ri he ka mile hari, 19 nji Yahuda branbran wa ka ye ritu wa ri no Marta nga Maryamu isi stron ritu kuu vayi mba.

20 Riwa Marta a wo Yeso ri ye a zhu raa ran dzon wu ri nkon ama Meremu ka son rimi ko. 21 <Bachi,>Marta ka tre ri Yeso he ri nyi vayi won ran ran kuu ran. 22 Ama me to ri zizan Izhi ri no-u kya riwa wu miyen:>>

23 Yeso ka tre ri wu vayi wen ri wulunde.

24 Marta ka tre ri Yeso,<<Me to a ri wulunde ri wa kuu ri vi riwa ari kre.>>

25 Yeso ka tre riwu ri, <<Ame nye me he tashɨme wawa wa kuu, nji riwa a kpanyɨme ri me, ko a kuu a ri son vri, 26 nga nji riwa a kpanyɨme ri me a ran kuu ran. Wu kpanyɨme ri rinyi?>>

27 Marta ka tre ri Yeso ri,<< Bachi me kpa nyɨme ri a wu wu he Kristo ivren Izhi wa wu nye riwa a ri ye ri mgbumgbulu me.>>

Yeso a Yii

28 Riwa a tre nganyi Marta ka bru ye ran yo vayi wan vruwa Meremu ri gran nji ri tsro a he ri nyi ka yonga ari mɨyen wu. 29 Riwa Meremu a wo nga mba ka wulunde gbagbla ran hi ri wu. 30 Yeso a ran hi ri gbu ri ran a he ri bubu riwa Marta a fe wu. 31 Riwa nji Yahuda wa he ri Marta ri ko wa ran no si sron wa ka to Meremu a wulunde gbagbla zhu ko wa ka hu ran yonga a ri hi bubu gru nye riwa a ri yi kuu wan.

32 Riwa Meremu a zhu bubu riwa Yeso he, ka to-u ran joku ri kusi wan ran tre ri wu,<<A wu Bachi, riwa wu ri he, vayi won ran ran kuu ran.>>

33 Riwa Yeso a to-u a ran yii nji Yahuda riwa wa ye riwa ngawen wa ran yii, ka lo stron. 34 Yeso ka tre riwa,<<Bi ka-u yo ri menyi?>>Wa ka tre ri wu,<<A wu Bachi ye wu ri to.>>

35 Imba Yeso ka yii ima si. 36 Ri mba nji Yahuda wa ka tre,<<To bibi riwa a nyɨme ri Lazaru.>>

37 Ama wa ri rimi mba waka tre, <<A ran he wa wu riwa a bu si nji riwa a ti nfyen ran? ritu ngye ko a ran kpa Lazaru chuwo ri kuu ran?>>

Yeso a ta Lazaru Shɨme ri Kuu

38 Rimba isron Yeso ka time, ka ye bubu gru, bubu gru a he tita nye wa ka nyun wan ri wu. 39 Yeso ka tre ri Marta vayi Lazaru riwa a kuu-a ri, <<Ban tita-a zho!>> Ka tre ri, <<Bachi, ari mɨwi gigla. A ti vi nza riwa wa no yɨbi!>>

40 Ri mba Yeso ka tre ri wu ri,<<Me ran la wu ran riwu kpa nyɨme wu to nkpen Izhi ran?>>

41 Mba wa ka tru tita yo gran Yeso ka zun si ban shu ran tre,<<A wu A ti me ngɨri riwu riwa wu wo wen. 42 Me to wu si wo wen chachu, ama me tre rinyi ritu nji wawa wa kri nde riwa no wa kpa nyɨme a wu nye wu ti wen ndu.>> 43 Riwa a tre nganyi Yeso ka kpagro yo-u ri,<<Lazaru shɨme ye!>> 44 Ngha Lazaru ka shɨme ye ri tsro kuu riwa wa nye-u, wa nye si wan ri tsro, Yeso ka tre,<<Si tsro mba zho ri wu nga bi ri no hi ngawan.>>