1 Imba me ka to nɨma ji rimi nne ka zhu rimi nne ran ye. a he ri nju wuru nga tu tangban; ko nju ritan a he ri ntantu chu nga ri tu mba wan nga nde riwa a he kra Izhi tu. 2 Inɨma a he ka ichen ri waa, nga idza wan ka zhu fu ka nɨma riwa a he ka yawu ri ji nga nyu wan ka he ka ichen roron. Manzɨrama ka ka gbengbren wan ka no nɨma rimi nne-a, kpanchison wan nga gbengbren wan. 3 Itu ri rimi mba a he ka a ti nchon njon riwa a wiri. Ka ndzu gbungblume wawu waka ran hu nɨma. 4 Ko ngha ka kɨbu ngbazhu ri manzɨrama ritu a ka gbengbren wan ka no nɨma rimi nne-a. Waka kɨbu ngbazhu ri nɨma rimi nne-a ngawen, wari ran tre ri, <<Inga he ka nɨma rimi nne-a? Ngha ri to kri ran wanyu ri wu?>>

5 Waka noo nkon riwa a kpo ngawan ran kra Izhi tu, nga wa no kpanchison ri huwa senza don hari. 6 A gra ri kra Izhi tu, inde wan, bubu riwa a ran son, nga wawa wa he ri shu wawu. 7 Wa noo no wanyu ri wa hu Izhi nga ran han gbengbren mba, nga wa no kpanchison ko meme ritan, rɨme nga ko wa ngha. 8 Ko nga riwa a ri son ri gbungblume wa kɨbu ngbazhu ri wu, ara wawa nde mba wa ngha wa ri ko wa ti gbungblume rimi mbe riwa wa vri riwa wa he wa vren ntɨma riwa wa wuu.

9 <<Wo mba, i bi he ri ton! 10 Inji riwa wa kadzi ri wa no yaa, wa no ya, nga nji riwa wa kadzi ri wa wuu ri nji ngba, ri nji ngban wa wuu, rinyi he riwa ki vu sron ri yosron ri ngbron wa hu Izhi.>>

11 Imba me ka to meme nɨma ri nne ri, riwa a zhu ri gbungblume ye. A he ri nju tɨari ka riwa nren ntɨma, nga ran tre ka manzɨrama. 12 A tindu ri gbengbren meme nɨma rimi nne ri mimilan ri zizan. A vu gbungblume nga wawa wa he ri mi wan no wa kɨbu ngbazhu ri meme nɨma rimi nne, riwa njon wan a wiri-a. 13 Meme nɨma ri mi nne ri hari a ti kyawa wa de sisiri; a no wulu zhu ri shu ye ri meme ri kusi ko ngha. 14 Nga ka gyuru wa nji wawa wa son ri gbungblume ri kyawa wa de sisiri riwa wa no ti ri kusi meme nɨma ri ma ri mimilan. A la wa ri no wa mme kponkpon ri ri nkpen riwa meme manzɨrama ri wa tibuu ri nji ngban ama ka ran kuu ran. 15 Meme nɨma ji ri hari wan Izhi a noo fu vri sro kponkpon riwa meme nɨma ji ri mimilan, bibi riwa kponkpon ri tre nga ran wuu wawa wa kamba ri kɨbu ngbazhu ri wu. 16 Meme nɨma ji ri hari ka no wa nji wawu, ri tsitsa ri wa rinko, wawa wa he ri wo nga wawa wa ran he ri wo ran, wa gran ri wawa wa ran he gran ran, no wa he ri nkpan ri kuwori mba ko ri chi mba. 17 Injo ran ri re kya ko ran ka re ran i a ran he ri nkpan ran, ari miyen nde meme nɨma rimi nne ko ka ibla riwa ari tre ritu nde wan.

18 Ikya nyi ri wa wiwiri. Inji riwa a he ri tu a ri to wa tu tre ri bla riwa meme nɨma ri nne nyi, ritu nde ri tre ritu nde njo nye. ahe ibla 666.