1 Imba iri rimi ivren ko Izhi ri tangba riw a he ri vangho tangban ka ye ran tre mo ri,<<Ye, nga me la wu bibi riwa wu no intɨran yaa, nchon gbu riwa wa me ri kusan yibo kigbu. 2 Wa chu wa gbungblume wa ti ntɨran ri wu, nga wa nji gbungblume wawu wa huwa ri ima ri ro wan ri ntitranchi.>> 3 Iyu Izhi ka ti ndu ri me, nga imiri ko Izhi waka ban wen hi ri tsutsu ji riwa konkron ko ima ran he ri bubu wan ran. Ri bubu wan meka to waa ri a son ri tu meme nɨma rimi nne-a riwa wa nga nde riwa a he kra Izhi tu kagon wan; meme nɨma a he ri tu tangban nga nju wuru. 4 Iwa a su tsro ri ima klo gbada nga ima ri sren, nga ran ka ngawan ri nghima tsro ri zinariya, ri tita ri kpan riri, nga wa kpi wa nkren. A ngɨzhi vangho ri wo riwa rimi wan wa kpi wa zuu nye wa sho rimi wan ritu ndu ntɨran wan. 5 Ri chi wan wa ngha nde riwa itu wan ri yayɨbi a he ri:<<Nchon gbu Babila, iyi wa ntɨran wawu nga kyawa wa shan ri gbungblume.>> 6 Nga me to iwa-a a ran hwa ri yii wa nji Izhi nga yii wawa wa wuu wa ritu wa hu tre Yeso. Riwa me to-u, a no wen mamaki. 7 <<Ritu ngye nye wu ti mamaki?>>Ivren ko Izhi a miyen wen. <<Me la-u tu tre ri nde wa-a ri yayibi-a nga riwa meme nɨma rimi nne-a riwa a ban wu, meme nɨma ri tu tangban nga nju wuru. 8 Meme nime he ri si ri sen, ama ran he ngaran;ari hun ri juju riwa kyenron ye ri bubu riwa wa wuu. Wa nji wawa wa ran son ri gbungblume wawa inde mba wa ran nga wa ri ko wa ti gbungblume ran rimi mbe wa vri, ari no wa mamaki riwa wa ya meme nɨma. Aran he ri si; a ran he ngaran, ama ari bru zhu. 9 <<Rinyi he riwa wiwiri nga to. Itu tangban he ngblu tangban, riwa ri tu wan nye iwa a kuson. Wa he chu tangban ngawen: 10 taton wa joku, iri ka kawan he ri kpanchi, nga iri wan ran ye rina; ka a ye, ari son ri kpanchi ri vi tsawen. 11 Nga meme nɨma riwa a ran he ri si, ama a ran he ri si ngaran, wawu kyuwan nye he chu ri tandra riwa a he ri rimi tangban nga a he ri nkon riwa wa wuu. 12 <<Nju wuru riwa wu to wa he wa chu wawa wa ran son ri kpanchi zari to rina, ama wa no wa gbengbren ri son ri kpanchi wari he chu ri vi tsawen ri meme nɨma. 13 Wa chu wuru wanyi wa he ri rimiren riri, nga wa ka senkpa mba nga gbengbren mba no meme nɨma. 14 Wa tiku ri vren ntɨma, ama ivren ntɨma, ri wawa a zhu na yo wa, imba wawa wa hu ri kpunji wa han gbengbren mba, ritu a he Bachi riwa wa Bachi nga Ichu riwa wa chu.>> 15 Ivren ko Izhi ka tre mo ri,<<Ima riwa wu to, riwa iwaa ntɨran a son ri tu wan, Wa he wa gbu, wa nji nga wa rɨme. 16 Wa nju wuru riwa wu to nga meme nɨma wa kamba ri waa ri ntran; wa vu kongye riwa a he ri wa nga wari si wu dzi ri gbengbren; wa tan nɨma wan wari gon ri wulu. 17 Ritu Izhi a ka dzi ri wa riwa wa ti kya riwa wawu kadzi riwa wa ran ti kyawa ri bubu ri nga wari no meme nɨma gbengbren riwa a ri ngɨzhi gbungblume tse itre Izhi a ye. 18 <<Iwaa riwa wu to ri nchon gbu riwa wa chu wa gbungblume wa he ri ndodza wan.>>