1 Riwa ivren ntɨma a nghɨren mbe Izhi ri tamgban riwa wa nye, ishu wulu ka he yoon ri minti setra. 2 Imba me ka to miri ko Izhi tamgban riwa wa ki kusan Izhi, nga wa no wa rangan tamgban. 3 Inga ivren ko Izhi ri ka ye ri nvangho ri zinariya riwa wa gon ntsen ima ri mihwi raro ri wu ran ye kri ri kusi bubu ti ban. Wa noon ima ri mɨwi raro-a kigbu no sro ngha ri bre Izhi riwa wa tsitsri wa hu Izhi nga ran ka de ri kusi bubu tiban ri zinariya riwa a kri ri kusi Kpanchison. 4 Intsen ima ri mɨwi raro-a ka chu ban shi ri bre riwa wa hu Izhi-a ri wo vren ko Izhi riwa a kri kusi Izhi. 5 Imba ivren ko Izhi-a ka ban vangho ri gon ntsen, ran sro wulu sho ri mi wan ri kusi bubu bre Izhi, ran ka ta yo ri mgbumgblume. Inga inzan ka ran yira nga ran ran shan wulu inga dzi tsu.

6 Imba imiri ko Izhi tamgban ri rangan tangban waka milan ki riwa wa nviri rangan-a. 7 Ivren ko Izhi ri mimilan ka nviri rangan wan. Nzan wulu, kabru ri yii ka ran bwa ri ngbumgblume. Ishu ri tra ka gon wulu, nga wa konkron ri shu ri tra-a ri giga shushu waka gon wulu. 8 Ivren ko Izhi ri hari ka nviri rangan wan. Ikya ri riwa a he ka inchon ngblu riwa a ran ri wulu wa ka-u ta yo ri nne. Inne ri tra ka kɨma ti yii, 9 ri tra rimi kyawa riwa Izhi ti riwa wa vri rimi nne ka kuu, nga nvu ima ri tra rimi mba ka time. 10 Imba ivren ko Izhi ri tra ka nvri nkpuzhu wan. Igon wulu waka ran gon riwa a ran kpan ka inzan wulu ka zhu ri shu wulu ran ye ku ritu rimi nne ri tra-a nga ritu ndzi ima-a. 11 Nde ntsen hwa a he<Ri>Nne ri tra ka kma ri, nga ikpa nji wawa wa so ima-a waka hwa ritu ri wan. 12 Imba ivren ko Izhi ri nza-a ka nvri rangan wan. Wa wuru zhi ri tra, nga huwa ri tra nga ntsen huwa ri tra, ritu no kpan mba no ran bran ran; ikpan wulu ri vi ri tra nga chu ri tra ngawen. 13 Imba me ka ya, me wo cheche riwa a ran kan ri shushu mu ran tre ri,<< Iya mbi! Iya mbi! Ari he ri se ri yi wawa bi son ri gbungblume ka iraan zhu ri rangan riwa ngbron miriko Izhi wa nvɨri!>>