1 <<Ingan hi ri vren ko Izhi ri tra Izhi ri gbu Sardis ri:>>Itre nyi zhu ri wawu riwa a he ri wa wu tamgban riwa Izhi nga ntsen hwa tamgban. Me to kya riwa wu ti; Inji wa yonga wu he ri si yosron wen, ama wu kuu! 2 Ri ngamba shime, nga wuri no kya riwa wu he ri wu senkpa ri ko no kuu wawu. Ritu me to ri ikya riwa wu ti a ran tsra kusi Izhi won ran. 3 Taka kya riwa wa tsro nga kya riwa wu wo; wuka hu wuri ka meme ti wen chuwo. I wu ran shime ran, me ye ri wu ka nji ri yibi, nga wu ran to vi riwa me ye ran. 4 Ama wari mbi tsawen ri gbu Sardis wa ka wa tsro mbi milan ki. Bi dzren ri me ri tsro kinklan, ritu bi tsra riwa no yi ti ngamba. 5 Wawa wa ta ri, wa suu bibi tsro kinklan nyi, nga me ran chu nde mba zho rimi mbe ri vri ran. Ri kusi Ti won nga miri ko wan Me la ri ra ri wa he wa mo. 6 <<I wu he ri ton, wuka srenton ri kya riwa Iyu ri la wa hu Izhi!

7 <<Ingan mbe nyi ri hi ri vren ko Izhi ri tra Izhi ri gbu Filadelfiya: Imbe nyi zhu ri wawu riwa a he tsitsri nga ran he kpunji. A he ri wɨlo nkon ri kpanchison riwa Doda, nga ka a bu nkon, injo ran to ka ran, nga ka a ka injo ran to bu wu ran. 8 Me to kya riwa wu ti, me to ri wu he ri senkpa tsawen; wu hu tsro won nga wuri ran rii kya ri mo ran. Me bu nkon ri kusi wen, riwa injo ran to ka-u ran. 9 Womba! Wawa wa he wa shetan, wa tiche wamba wawa wa tre ri wawa wa he nji Yahuda ama wa tiche, me no wa ye kɨbu mgbazhu ri kusi wen. Wawu mba wa to ri me nyime wu.

10 Ritu wu hu tre won nga vu sron riwa wu ti, me milan wu ya ri vi riwa iyaa riwa ari ye ri mgbumgblume ran tsra wa nji wawu. 11 Aran ban vi ran me ye. milan kya riwa bi he ri wu dzi, ritu no njo no ran vu-u kya riwa wu ta ri ra ran. 12 Me no wawa wa ta ri no wa he nju tra ri tra bre Izhi, nga wa ran ka-u chuwo ran. Me ngan nde Izhi won nga nde gbu riwa Izhi won, Urushelima ri sa, riwa ari zhu ri Izhi won. Nga me ngan inde won ri sa ri wa. 13 <<I wu he ri ton, wu ka sren ton ri kya riwa Iyu la wa hu Izhi!

14 Nghan hi ri vren ko Izhi ri Lawudikya:

<<Ingye ngha indu riwa a zhu ri wawu riwa inde wan he Ami, wawu riwa a he ri ndindi ti nga la nyu ri kpunji, riwa a he kya ri kpunji riwa Izhi ti. 15 Me to kya riwa wu ti; Me to ri wu ran sii ran nga wu ran ti wulu ran. Wa ri tre ri wu he ri rimi mba! 16 Ama ritu wu ran he wulu ran wu ran he sii ran, me ju rega ri nyu won! 17 Wu tre ri, <Me he ri wo; Me he ri ko ngye riwa me wa.>Ama wu ran to bibi yaa nga ilosron riwa a he ran! Wu he nji ri yaa, ri gbangbren, nga nfyen. 18 Me nghɨron, wuri ri re zinariya ri me, zinariya riwa wa sen-u ri wulu, ritu wu ri he ri wo. Ama ri tsro kinklan riwa wu suu ka gbre wen ri shan. Reh nye si yo ri si, ritu wu ri to tsu. 19 Me nghɨron nga no wawa me nyime wa yaa. son rimi kpunji, nga wu ri ka meme ti wen chuwo. 20 Srenton! Me kri ri nyu nkontra meri wuru nkon; i njo wo wen ran bu nkon, me gra rimi ko mba me ri ri ri ri wa, nga wawa wa ri ri ri me. 21 Wawa wa ta ri me no wa gbengbren no wa son kusan won ri kpanchi won, bibi riwa me ta ri nga zizan me kuson ri kusan A ti won ri kpanchi wan. 22 <<I wu he ri ton, wuka sren ton ri kya riwa Iyu la wa hu Izhi!>>