1 Imba me ka to kyari ri de sisiri ri shu wulu, a yikpa ran ran ndzu sron. Imiri ko Izhi tangban ri meme kyawa ngbɨre tangban, wawa wa he ri kre wan, ritu wa he tsro fu Izhi ri kremkpen. 2 Imba me ka to kya riwa a he ka nne ri glasi riwa wa san ri wulu. Nga me ta wawa wa ta ri ri meme nime ri ima nga wu wan nga wawa inde mba wa he wɨlo bla. Wa kuki ri nyu nne ri glasi, waka ka ngɨzhi ngungu riwa Izhi a no Wa 3 nga wa ran chuse Musa, nji ri ndu Izhi, nga riwa vren ntɨma: <<Nchon Bachi Izhi, ndu wen wa he wa rigra nga de sisiri! Ichu gbunji, nkon wen wa tsra wari he kpunji! 4 Ingha nye ran ri ti sisiri wen ran, a wu Bachi? Inga nyeri kawan ri la ri wu he ri gbengbren ran? A wu nkshiwen wu he ri tsitsri. Igbu wawu wa ye kɨbu ngbazhu ri hu, ritu ndu wen ri dindi ko ngha ri too wawu.<< 5 Kugon rinyi me to iko Izhi ri shu ka bu, ri bru ri tsitsri rimi wan. 6 Imiri ko Izhi tangban wawa wa he ri ya tangban waka zhu ri tra bubu bre Shi, waka su tsro ndindi riwa a ran kpan riri nga ntan ri lo wo ri azurfa nga ri gbobre mba. 7 Imba iri rimi ngbire nza ri kyawa riwa Izhi ti wa waka no wa miriko Izhi tangban ri vagho azurfa riwa a sho ri fu Izhi, riwa a ran ri kre ran. 8 Itra iko Izhi ka sho ri ntsen ri nkpen nga gbengbren riwa Izhi, nga injo ri ka ran to gra ri iko Izhi tse iya tangban riwa imiriko tangban ye ri kre wan.