1 Imba waka to kyari ri de sisiri ka zhu ri kpa wulu. Iwaa ri ka su itsro wan a he zhi nga manzɨrama ka he ri ndodza wan nga ntan tu riwa chu wuru don hari ri ntsen hua ri tu wan. 2 A gon ran ngɨzhi, ilo nga yaa ri wa waa ri ngɨzhi ka noo yi zhu ngbangban. 3 Ikya ri de sisiri ka ran bru zhu ri kpa wulu. inchon manzɨrama ri ri sren ri tu tangban nga nju wuru nga ko tu ritan ka he ri ntan tu riwa chu. 4 Wa ka jindo mba gbi ntsen huwa ri tra rega ri ma. Ka kri ri kusi wa, ritu ran tan vren wa-a ka a ngzhu yo ra. 5 Imba ka ngɨzhi vren ron, riwa ari ngɨzhi kpanchison ri gbungblume wawu ri kpala krefi. Ama wa ban vren-a kado ngbzhi hi ri Izhi ri kpanchi wan. 6 Iwa ka tsutsu hi ri tsutsu ji, ri bubu riwa Izhi a milan ti dzi ri wu, ri bubu riwa wa ran ya ri vi ngo ri ri gbigba hari ri setanren(1,260.) 7 Imba iku ka wulunde ri shu. Mikayel nga wa ngbɨron miri ko Izhi wawa wa he ri ndodza wan waka tiku ri manzɨrama, riwa wawu nga miri ko wan waka kɨma ti ku ri wa ngawen; 8 ama waka ta ri ri manzɨrama, nga wawu ri miri ko wan wa ran no wa son ri shu ngaran. 9 Waka dzu nchon manzɨrama ri sen-a zho, nde wan a he meme nji, ko shetan, riwa a gyuru gbungblume wawu. Waka ta yo ri gbungblume, nga wa miri ko wan ngawen. 10 Imba ka wo ran gbangban ri shu ri, <<Zizan ikpachuwo wan Izhi a ye! Zizan nji ri kpachuwo a tsro gbengbren wan! Wawu riwa ari ngɨzhi tre wa hu Izhi he ri kusi Izhi bla vi bla mbre wa tru taga ri gbungblume. 11 Wa tari ri tu wan ri yii vren ntɨma nga ri kpunji riwa wa la; nga wa ran wa wari ka ngamba de ritu wari kuu. 12 Bi ti kinklan sron, biyi shu wulu, nga ko ngha riwa ari son rimi wan! Ama iyaa mbi gbungblume nga nne! Ritu ye ri yi ri meme, nga a sho ri fu ritu a to ri wawu he ri vi tsa wen riwa a ri son.>> 13 I manzɨrama to ri wa wa tru dzu wawu ye ri meme, ari gra dzu waa riwa a ngɨzhi vren. 14 Wa noo piri ngban riwa ari kan hi ngawan ri tsutsu ji bubu riwa wa ran ya ri se tra ri ngbron, ritu kpaa chuwo ri wo manzɨrama no ran noon yaa ran. 15 Manzrama ka ju ima hu nyu wan bwa hu gon wa ritu no ban wu hi ngawan. 16 Ama meme ka dzon wa; ka miyen ima riwa a zhu ri nyu manzɨrama. 17 Manzrama ka ran ti fu ri wa-a ran hi ngawan ran wanyu ri wa ngbron gɨzhi wa-a, wawa wa hu tre Izhi nga wari ran ti ndindi ti ri kpunji riwa Yeso a nghɨran. 18 Nga Manzrama ka kri ri nyu nne.