1 Imba me ka to vrenko Izhi ka zhu ri shu ran ye ri meme, ka ngɨzhi wɨlo nkon ri nchon juju nga nchon sraka ri wo. 2 Ka vu manzrama, manzɨrama risen riwa wawu nye he meme nji ko shetan ran loo ri sraka ri se ngo ri. 3 Ivren ko Izhi ka taa yo rimi nchon juju ran tren-u, ran ka juju bibi riwa a ran gyuru wa gbu ngaran tse ise ngo ri-a vu yɨba. kugon rinba wa si-u chuwo ri vi tsawen. 4 imba me ka to wa kpanchison, nga wawa wa son ri tuwan wa no wa gbengbren riwa wa bla tre. nga me ka to ivri wawa wa ran wu wa ngawen ritu wa la kpunji riwa Yeso a nghran nga tre Izhi. Wa ran kɨbu ngbazhu ri meme nɨma-a ko iyu wa ran, ko ka no wa kpa nkpan riwa meme nɨma ri chi mba ko ri wo mba. W ye ri si wari son ri kpanchi ri se ngo. 5 (Wa ngbron wawa wa ku wa ran ye ri si ngaran tse riwa ise ngo-a ka vuyɨba.) Rinyi nye a he itashime ri mimilan. 6 Kinklan sron ri ri he wa wawa wa he rimi tashima ri mimilan nyi. Iku ri hari ran ri he ri gbengbren ritu mba ran; wa he wa ndu Izhi nga riwa Kristo, nga wa son ri kpanchi ri wu ri se ngo.

7 Kugon se ngo ri ri vu yɨba, wa si shetan chuwo ri tra tren, 8 nga ari hi ran gyuru wa gbu wawa wa shan kagon gbungblume, Gog nga Magog. Shetan ri ngɨzhi wa ye wawu ritu no wa wanyi ri wa, wa kigbu ka wulo meme ri nyu nne. 9 Wa shan kagon gbungblume nga wari kagon wa gbu wa nji wawa Izhi nyɨme wa. Ama iwulu a zhu ri shu ye gon wa. 10 Imba shetan riwa a gyuru wa, wa ka wu ta yo rimi nchon wulu riwa a ran rinzan, ri bubu riwa meme nɨma nga wa la tre Izhi ri kusi ri che wa gbuchi ta wa sro rimi wan; nga wa no wa yaa bla vi bla tre hi ri vi riwa a ran kre ran.

11 Imba me to ncho kpanchison ri kinklan nga nji riwa a son ri tu wan. Ishu nga meme wa tsutsu kaa don nga wa ran to wa ngaran. 12 Nga me to wawa wa ku, chanchon wa tsitsa nga wa rinko, wa kukri ri kusi kpanchi. Wa bu wa mbe, nga waka bu mbe ri nga, imbe wawa wa vri. Wa bla tre ri wawa wa ku ritu bibi kya riwa wa ti, nga wa ri ngha wa dzi rimi wa mbe. 13 Nga nne ka de wawa wa ku rimi wan. i ku nga gbungblume riwa wawa wa ku ka de kyawa riwa wa ti ngawen. Nga wawa mba waka bla tre wa ri bibi kya riwa wa ti. 14 Imba waka ka wawa wa he ri gbungblume wawa wa ku ta sro rimi ncho wulu. (Nchon wulu nyi he ku ri hari.) 15 Wawa wa ran nga nde mba ri mbe riwa wa vri ran waka ta wa sro rimi ncho wulu.