1 Kugon rinyi me wo gro ka ikabrutu jibu nji ri shu, ran tre ri, <<Gbre Izhi! ikpachuwo, inkpen, nga gbengbren wa he wa Izhi mbu! 2 Ibla tre wan he kpunji! A no waa ri ntɨran-a yaa riwa a kpa gbungblume ran time ri ntɨran wan. Izhi a no ya ritu a wuu wa ndu wan.>> 3 Wa bru kpagro nganga ri, <<Gbre Izhi! Intsen ri nzan wulu riwa a gon nchon gbu ka hon hi ri shu hi riwa a ran kre ran!>> 4 Wa rinkon se hari don nza nga kyawa riwa Izhi a ti wa waka ku susi wari gbre Zhi, riwa a son ri kpanchi. Wa tre ri, <<No he ngamba! Gbre Izhi!>>

5 Imba iraan ka zhu ri kpanchi ye ri, <<Ki gbre Izhi mbu, wa ndu wan nga wa nji wan, wa rinkon nga wa tsitsa, wawa wa he ri sisiri wan ri sron!>> 6 Imba me wo ran riwa a he ka ijibu nji, ka iran gmo ima, ka iyira nzan. Me wo wa ran tre ri, Ki gbre Izhi! ritu Bachi mbu, Izhi riwa a he ri gbengbren, a he Chu! 7 Ki ti kiklan sron ki ri ngiri; No ta ki gbre gbengbren wan! Ritu ivi gran riwa vren ntɨma-a ye, nga iwaa wan milan son ritu wan. 8 Izhi a no tsro lilin riwa a wansi ri no kpa su.>>(Itsro lilin a he ndu ndidndi riwa wa nji wa ti.) 9 Imba ivren ko Izhi ka tre ri mo ri,<<Ngha ri nyi: Ingiri ri he wa wawa wa yo wa hi ri bubu riri ri ro riwa vren ntɨma>> Nga ivren ko Izhi tre nga ri, <<Wanyi nye wa he tre Izhi ri Kpunji.>> 10 Me kɨbu ngbazhu ri kusi wan me ri gbre wu, ama a tre ri mo ri,<<Ran ti ngamba ran! Me he vren ri ndu kita mbuu nga wa ngbron wa hu Izhi, wawa wa kri rimi kpunji riwa Yeso nghiran yo raa. Ki gbre Izhi!>> Ritu kpunji riwa Yeso nghiran wawu nye de gbengbren ri la tre ri kusi.

11 Imba me to shu wulu ka bu, nga me to nghima kinklan. Wa yonde nji riwa ari hon nghima ri nji riwa wa nghime wu nga kpunji; Rimi kpunji nye ari bla tre nga ran ti kuu riwu 12 Isi wan ka he ka nzan wulu, nga ka son wa ntan tu riwa chu kigbu ri tu wan. Wa ngha nde ri kpa wan riwa wawu nkshiwan nye a to nde ko a he ngye nye. 13 Itsro riwa a sua he kpikpa yii. Ndeh wan a he<<Itre Izhi.>> 14 Wa klukpa wa shu waka hu, wa hon wa nghima nga wari su tsro dindi lilin ri kinklan. 15 Nji ngban ri ka zhu ri nyu wan ye, riwa riwu nye ari han gbengbren wa gbu. ari son ri kpanchi ritu mba ri wo ri krefi, nga ari chan wa wɨlo inabi ri bubu shibi ritu fu Izhi. 16 Ri tsro wan nga ri ngban wan, wa ngan nde riwa a tre ri: <<Ichu wa chu nga Bachi wa Bachi.>> 17 Imba me ka to vren ko Izhi riwa son Izhi. A kpagro ri raan gbangban ri wa chenchen wawa wa kan ri shi ri: <<Ye bi ri ye kabru ritu nchon ro riwa Izhi! 18 Ye tan nɨma wa chu, wa rinko wa klukpa anga wa klukpa, inɨma wa nghima nga nji wawa wa hon wa, inɨma wa nji wawu, wawa wa he gran nga wawa wa ren he gran ran, wa rinkon nga wa tsitsa!!!>> 19 Imba me ka to meme nɨma ri nga wa chu gbungblume nga wa klukpa mba wa kabru wa ri ti ku ri ri nji riwa a ran hon nghima-a nga wa klukpa wan. 20 Waka vu meme nɨma, wawu nga nji ri la tre ri kusi ri che riwa a ti kya ri de sisiri ri kusi wan. (A he ri kya ri de sisir nye riwa a gyuru wawa wa he ri inkpan riwa meme nɨma-a nga wawa wa kɨbu ngbazhu ri wu meme nɨma.) Meme nɨma nga nji ri la tre ri kusi ri che Izhi a vu wa haha mba ta sro ri wulu waka gon ri hwi wulu. 21 Izhi a wuu wa lokpa mba ri nji ngban riwa a zhu ri nyu wawu riwa a ran hon nghima; nga wa chenchen wa tan nɨma mba.