1 Ivren ko Izhi ri ton ka nviri rangan wan. Me ka to ntsen huwa ka zhu ri shuwulu ran ye ku ri gbungblume, nga waka noo wɨlo nkon ri juju riwa a kyen ron. 2 Ntsen huwa ka bu juju riwa a kyenron, imba ntsen ka ka zhu kigbu ka a zhu rimi nchon kre; ntsen ka kma zhi nga ishu wulu ka kma ti bu. 3 Langblan waka zhu rimi ntsen-a ku ri gbungblume, nga waka no wa gbengbren bibi ri ri iran. 4 Waka la wa ri no wa ran no giga ri meme ko ka konkron ya ran; ara nji wawa wa ran he ri nkpan riwa Izhi ri chi mba ran. 5 Wa ran no langblan no wa wuu wa nji ran, ama wa no wa yaa ri huwa ton. Ilo ri yaa riwa wa no wa a he ka icho raan. 6 Rimi huwa ton nyi wa wa kuu ama nkon ran he ran; wa wa wari kuu, ama ikuu ri he kpata ri wa. 7 Langblan wa he ka nghima riwa ka wa ki riwa wa hi ku ri wa; wa son wa son wa kyawa ri tu riwa a he ka ntan tu Chu ri zinariya, nga isi mba ka he ka riwa nji. 8 Nfu tu mba ka he ka riwa mbaa, nghiri mba ka he ka riwa chen. 9 Wa ka gbobre mba ri tsro riwa a he ka krefi, Iglo ri ngban mba a he ka ijibu nghima wawa wa tsutsu ri kya ri hon mba ri hi ri bubu ti ku. 10 Wa he ri jindo nga wari ran cho ka iran, Inga a he ri jindo mba-a nye wa he ri gbengbren ri no wa nji-a yaa ri huwa to. 11 Wa he ri Chu riwa wa he ri ndodza wan, wawu nye a he rinkon riwa juju riwa a kyen ron. inde wan ri nyu Ibraniyawa a he Abadon; nga ri nyu nji Helene a he Afoliyon <<Inji ri kpa tsu time> >. 12 Iya ri mimilan ye vu yɨba; kugon rinyi iyaa hari wa he kusi ri. 13 Imba ivren ko Izhi ri tanren ka nvri rangan wan. Me ka wo raan a zhu ri ku ngo nza ri bubu kri bla tre Izhi ri zinariya ri kusi Izhi. 14 Iraan ka tre ri vrenko Izhi ri tanren-a ri,<<Si miri ko Izhi nza wawa wa lo wa ri ri ba Yufiretis!>> 15 Waka sii miri ko Izhi nza wawa wa ka wa ki ritu vi, ri huwa, ri se riwa wa ka wa ki riwa wa wuu ri rimi gbu tra riwa nji. 16 Wa la wen lamba wa klukpa: ri wa he miliyon gbigba heri. 17 Rimi ya kusi won me to nghima nga wa hon wa: wa su tsro wa krefi riwa a sren ka wulu, ri ima vunvu ka safaya nga ima nchenko. Itu wa nghɨma wa he tu chen, nga iwulu ri nten nga nzan wa ran zhu ri nyu mba. 18 Iri rimi tra riwa nji wa wuu wa ri wulu, ri ntsen nga nzan riwa a zhu ri nyu wa nghima. 19 Gbengbren wa nghima a he ri nyu nga jindo mba nye. Jindo mba wa he ka manzɨrama nga tu mba, wa tindu ri wu nye wari ran no nji yaa. 20 Igbron wa nji wawa wa ran wuu wa ran wa ran ka wa kyawa wawa wa ti ri tu mba chuwo ran. Wa ran ka gbresan nde meme bɨzhi chuwo ran ko wa zhi mba ri zinariya, ri azurfa ri meme nga konkron riwa wa ran ri to ran, wa ran ri wo ko ka wa ari dzren ran. 21 Wa ran ka wuu nji chuwo ran, nga ti kyawa wa de sisri nga kru wa mba ri wa yɨbi mba.