10 versículos sobre esperar o tempo de Deus

Ihe niile nwere oge

1 Ihe ọbụla nwere oge;

mgbe dịkwara ihe ọbụla a na-eme eme nʼeluigwe.

14 Chere Onyenwe anyị;

dịrị ike, nwekwaa ume,

ma chere Onyenwe anyị.

31 ma ndị niile olileanya ha dị na Onyenwe anyị,

ga-agbanwe ike ha, nweta ike ọhụrụ.

Ha ga-eji nku felie elu dịka ugo.

Ha ga-agba ọsọ, ma ike agaghị agwụ ha;

ha ga-aga ije ma ha agaghị ada mba.

7 Dere duu nʼihu Onyenwe anyị,

were ndidi chere ya;

echegbula onwe gị mgbe ndị ọzọ na-enwe ọganihu,

mgbe ha na-emezu atụmatụ ọjọọ ha niile.

25 Onyenwe anyị dị mma nʼebe ndị olileanya ha dị nʼime ya,

e, nʼebe obi ahụ dị, nke na-achọsi ya ike.

26 Ọ bụ ihe dị mma iji nwayọọ

chere nzọpụta nke Onyenwe anyị.

3 Nʼihi na e nwere ọhụ nke ga-adị ruo oge a kara aka,

ọ na-ekwu banyere oge ọgwụgwụ,

Ọ gaghị abụkwa ụgha.

Ọ bụrụ na ọ dịka mmezu ya adịghị abịaru ọsịịsọ, chere mmezu ya,

nʼihi na ọ ga-emesịa mezuo,

ọ gaghị anọ tee aka.

5 Ana m echere Onyenwe anyị, mkpụrụobi m na-echekwa ya,

ọ bụ nʼokwu ya ka olileanya m dị.

25 Ma ọ bụrụ na olileanya anyị dabeere nʼihe ahụ anyị na-enwetabeghị, anyị ga-eji ndidi chere tutu ihe ahụ erute anyị aka.

7 Ma mụ onwe m, ana m ele Onyenwe anyị anya nʼihi inyeaka ya.

Eji m olileanya na-echere Chineke Onye nzọpụta m.

Chineke m ga-anụ olu m.

9 Ya mere, ka ike ghara ịgwụ anyị ime ihe ọma. Nʼihi na mgbe e mesiri, mgbe oge ya ruru, anyị ga-eweta ngọzị dị ukwuu dị ka ihe ubi, ma ọ bụrụ na anyị adaghị mba.