A fé vem pelo ouvir

12 Ikweyi koni Ojije gogo ebe ko Ase ko Oyahuda kpase ni wo Ase ko Oyahuda lo ni lo Ananu pini wa Adole ni wa Adole kase kpiri ni dase odu ni yiye nu ogwu ni, 13 Byoni okpa kani, <<Ase ni shogwu yiye ka Adole kotabo, oya ngmanu.>>

14 Oke ya lemoji, ome, ni aba yiye nu ogwu ni akyogwu kpa nu lo ni? Okiya lemoji ni aba kyogwu kpase ni apwelanu lo ni? Aki ba pwo moji owoni akela ko Owuso dawa lo? 15 Aba kela ko Owuso moji, owoni otuwoleho lo? Byoni okpa ko Owuso kani, <<Ikpo kawase ni byoshu neshi wani shoshi moji!>> 16 kpiri ko Ase ki Izrayila pini ke zela neshi ko Okristi lalo. Koni Ishaya inobane kamo, <<Adole, anoho kyogwu kpela ka?>> 17 Mamani otuse bwebe kela pwopwo la, kweyi ela pwopwo bwebe kela ko Okristi la,

2 Na daloka koje oye kpokponu: ala pyo Omaku ko Owuso ikweyi koni ala ba ko Ono ni la, kwe ala pye bwebe ko pwoshu neshi kweyi kyogwu kpanu?

13 Ala ki wase ko Owuso ishini ala pwela ko okwokwoshi, Oshu Neshi ni wa ngmala ni. Ala kyogwu kpo Okristi, kweyi Owuso gwoyi nu ikpiye kala ni sayi mo ala wakaka nu bwebe ko Omaku ko Owuso ni oshokoyi dala ni. 14 Omaku sayi mo aha ba nyoza ni Owuso shokoyi dase nu ni, kweyi omani yaha gye mo Owuso ya ngmase ni wa akakanu. Ahan shi igyashi nu iye!

24 Nyya ka dala okwokwoshi, kpiri kase ni pwela hin kweyi okyogwu kpase ni tumoleho ni oya gbo olayi ko gbogbo-gbogbo kweyi aba kwepwo lo, osheyi kikwu gipu ko olayi.

25 Nyya ka dala okwokwoshi, ishi yawa ba kweyi okwobonu wa wa ni ase ni gekwu ba pwoko ko Oyi ko Owuso, kweyi awase ni pwoko nu aba pyo olayi.

44 Ashishe ya gege ya webe hin lo, owoni Ada ni tumo oleho ni pyo wa lalo, kweyi ami ya shiyi eno ko kweyi kese. 45 Ayitota ipu kokpa kawo bane mo, <Owuso ya fase kpiri oza.> Kpiri kase ni pwela ka Ada kweyi ki fu bwebe nu oya webe hin. 46 Ashishe ma Ada ebyibye lo, ase ni bwebe ko Owuso, anu kin pini ma Ada la. 47 Nyya ka dala okwokwoshi, ase ni kyogwu kpanu ogbo olayi ko gbogbo-gbogbo.

28 Oyesu kyogwu mo, <<Otunehe ke yo kpa awase ni pwela ko Owuso kweyi yo oko kpanu.>>

23 Ase ni gba akpaha ko pwo ona pwo.

15 Oka dawa mo, <<Ala gipu kese kweyi, ala ga tono ko oshu neshi dasuse kpiri.

14 Ikweyi wa obane ki Ishaya wa gyogye.

<<Ala ba zakpaha ala ke ba gye oza ni ala ba pwo ni lo,

ala ba yi iyi kwo oza kweyi ala ke ba gyo oza ni ala ba ma ni lo.

15 Olemani ikweyi koni ayo otu wa senu ni,

atawa ko pwela kpa akpaha wa

kweyi ayiyi wa gwu shini ana ka ma lo,

owoni obi lemani la lo abi yama kpi iyi wa

abi ya apwo kpa akpaha wa,

shini ana gye ipu ko otu wa,

shini ana pya shini ami na da awo gege ki ikpiye.

16 Otunehe waka la koni iyi kala ba ma, akpaha kala ki ba pwo ni.

Ozani yaya ase ya Gbinyi ni

10 Oyesu ye ewa kase gwu wo obutu nu kweyi kamo, <<Ala sha, sha ala pwo!

3 Ala tinarigwu daha mamani, Owuso na gwowe doshu kaha, shini an tono koza teba ko Okristi, ni nyyo oruduru ikweyi nu mani.