12 Kelima Mirikisi e man leyi nja sori anki. E mani shapi pi kowoni obalaba nsu baki bi, e ma laba leyi nja aworo, e ma laba gaba nki nja romo keshi; e pelesa tunani nsebeki nja guru mbode ma a siki dishiya.

1 Butu a pari kelima e ma, kelima ni e ma nja Mirikisi, kelima ni ma Mirikisi.

14 Kelima mu ma nki nsebeki, e zunwa yi a siki amu. Mu geni yiri dereja de e manshi, dereja ni Yaa ndandaa de zo dege anya Adaa, e sika ni aniyeri nja gaskye.

63 Mbode yaa beyi leyi e shi ma Aworo Mirikisi; sori nsebeki e mani moriya ba ko piri. Kelima de Ni gye ku e ma aworo la e kwa ma leyi adu.

3 Ku rigye ma sere wo sobon kelima de ni gye ku.

4 Yesu keleba nkye, <<E ma rubutu a siki takada Mirikisi: <Nsebeki yaa man leyi ba sobon mbosi na kede ba, se nsude yeda ni kelima beta Mirikisi.> >>

35 Bisi ni kisi sua bise sede beta na yaa taba bise ba.

15 Ki yi guru kokori ke de Mirikisi e yi peri siki nja ke, Ki ma kankye nsu ANKI kyakyawu de e ma zi kumnya ANKI e yi ba de e ma kokoyi beta ni gaskye kyakya.

2 Kuma kankye yaya dende de su yapu su sabuwa, de memeri asu ma de su sha kyakyawu nono ni amaa e yi, wato ku yi memeri zi kelima beta Mirikisi nde ku te sha yi e shiya yaa sa ku ku yi girima ari ku samu sila,