12 Ladüga wínwantu Lererun Bungiu ani gabafu tuguya. Hamanatu sügǘ tau aban eféin to biánguati tamana, belú tuguya chülǘ tumoun wawani luma wani sífiri. Furangugüda tumuti sun waritagun luma sun le wabusenrubei, arufudatéi ka lan tídanbei wanigi.

11 Areida naali bererun tidan nanigi

lun mafigounhan nan bigibugiñe.

130 Harugoungadagüdati lanichigu bererun,

arufudaha ligía houn gürigia ha lóuguati hanichigu.

1 Dan le lagumeserunbei sun katei, aniheinhali meha Dimurei, ani lúmañein Bungiu le Dimureibei, ani Búngiumeme Dimurei.

14 Leti Dimureibei, saliguati wügürime, aba labagaridun waganagua. Ariha wamaali luéirigun, uéiriguni le leresibirubei lúmagiñe Bungiu Úguchili, ladüga ligía lan Liraübei le ábanrügüti, le buinbei lau ínsiñeni luma inarüni.

63 Ruti sífiri ibagari, anhein ǘgürügü mebegiti ni kata. Ani sun burí katei le nariñagubei hun, lánina sífiri luma ibagari.

3 Huguya, harumaadün lárigi narufudahan hun.

4 Aba lóunabun Hesusu: Tariñahare Lererun Bungiu: "Mámarügübei tau fein habagarida gürigia; habagariduba giñe lau sun dimurei le lariñagubei Bungiu".

35 Lásügürüba sielu luma ubóu, anhein nererun, meredebei magunfulirunga.

15 Houchabéi sun bubafu lun barufudagun bungua ligibugiñe Bungiu keisi aban nadagimeinti buiti, le úati kaba lan uagu labusigarida, le arufudahabalin uganu lánina inarüni kei lubudubu.

2 Ítara kei habusenruni irahüñü figigiña míligi harumati lun gayaraabei lan haweinamudun, ítarala giñe habusenrun haturiahani Lererun Bungiu buidu lun gayaraabei lan lederebugudun hafiñen luagu Kristu ani salba huguyame,