A última palavra vem do Senhor
A última palavra pertence ao Senhor. Os planos do homem estão sujeitos à soberania de Deus. Ele rege toda a história e nenhum de seus propósitos pode ser frustrado.
मनेरी योजना मैन्हेरे कैबू मां रहतीए,
पन आखरी मां जुवाब यहोवारे तरफां भोते।
यहोवा सब चीज़ां खास मकसदेरे लेई बनेवरिन,
बल्के दुष्ट भी मुसीबत भोगनेरे लेई बनेवरोए।
परमेशर मैन्हु नईं कि तै झूठ ज़ोए,
ते न तै मैन्हुए कि तै अपनि मर्ज़ी बदले।
कुन ज़ैन किछ तैनी ज़ोवरूए तैस न केरे?
कुन तै वचन देइतां तैस पूरे न केरे?
यहोवाए मूसे जुवाब दित्तो, "कुन मेरो हथ छोट्टो भोवरोए? हुनी तू हेरेलो कि मेरू वचन ज़ैन मीं तीं सेइं ज़ोवरू थियूं, तैन पूरू भोते कि नन्ना।"
तेन्च़रे मेरू वचन भी भोल्हु ज़ैन मेरे ज़बाना, तैन बेकार भोइतां मीं कां वापस न एज्जेलू; पन मेरी मर्ज़ी पूरी केरेलू, ते तैस मकसदे मां कामयाब भोल्हो ज़ेसेरे लेई मीं तैन भेज़ोरू थियूं।
"अवं त सेभी इन्सानां केरो परमेशर यहोवा आईं; कुन मेरे लेई कोई भी कम मुश्किले?
"हे यहोवा अवं ज़ानताईं कि तू सब किछ केरि सकतस,
ते तेरी योजनान मरां कोई रुकी न सके।
यहोवा ज़ैन भी चाऊ,
तैन तैनी अम्बरे ते ज़मीनी ते समुन्दरे
ते सब डुग्घी ठैरन मां कियोरूए।
ते मसीह सेब्भी चीज़ां बनाने करां पेइलो थियो, ते सब चीज़ां तैस मां बनोरी रैतिन।
अम्बर ते धरती टेली गाली पन मेरी गल्लां कधे न टेलेली।"
एन्च़रे भोनेबालूए, ते भोइ गालू, परमेशर यहोवा एन ज़ोते। ऐह तैए दिहाड़ीए ज़ेसेरे बारे मां मीं ज़ोवरू थियूं।
ते इन न ज़ानथ कि कालां कुन भोल्हु, शुना, तुश्शी ज़िन्दगी आहे कुन? तुस त भाखेरे ज़ेरेथ, ज़ै थोड़े च़िरे लेइहोते, ते फिरी गैइब भोते। एल्हेरेलेइ तुसेईं इन ज़ोवरू लोड़े, "अगर प्रभु चाए, त अस ज़ींते रहमेले, ते इन या तैन कम भी केरमेले।"