12 Bale, azü nɔ̂ ə̂në əndje yîndə əpʉ ye nə â zâ lɔsu əndje kə ətshə kɔ, tshə zâ äwä kə əndje ndə kə pa əndje do tə̂ əndje tə aneshe nə̂ Ndjapä.

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

6 Jezu pâ kə ətshə ə pa: «Əmə, mə də̂ äwä nə, djatra əpʉ nə gâ ndə sorô nə. Ə̈bə̈ əzü bale sə sə kə na gâ tə̂ Abä tə̂ ə̈bə̈ äwä kpî tə̂ əmə ne.

9 Kədə, də ama zə, də̂ bə pa lə ala azü ə pa Jezu sə tə Âgbɔ̂ Əyïngerə â kədə bə yində nə də lɔsu zə nɔ̂ ə pa Ndjapä shê ətshə lə takpa tə̂ akuzu gâ ye, bə sə kə she lə kuzu.

23 Mbrə ə̂në ərə tshemandâ nyaka nə kə də̂ kuzu; bale âkrâ nə̂ Ndjapä nə lə ə̂rɔ̂tə̂ ye kə də̂ sorô nə̂ alɔnɔ̂ lə Jezu Kristə, Âgbɔ̂ Əyïngerə nə̂ əzə̂ nə.

21 Bale, əzü nɔ̂ ə̂në tshə e ətshe də əɨrɨ Âgbɔ̂ Əyïngerə,

tshə sə kə tshɔ lə kuzu."*

38 Piarə nə pâ kə əndje ə pa: «E tshï äwä angbrɔ kə mbrə tə̂ e tʉ, əzü bale bale zä batamo də əɨrɨ Jezu Kristə ka tshelə anyaka nə̂ e gba, ka Ndjapä za Âgbɔ̂ Yîrə̂ kə e.

12 «Kə she lə kuzu sə kʉ tə̂ äwä ye, mbrə ə̂në pâ ashɔ nɔ̂, ə̈bə̈ əɨrɨ kpî ə̂në Ndjapä zâ lə takpa tə̂ azü ndə kə pa əzə̂ she lə kuzu tə̂ äwä nə kɔ guta gu bale ne.»

31 Əndje kîrə əpʉ ə pa: «Zä lɔsu zə kə Âgbɔ̂ Əyïngerə Jezu kanika ə she lə kuzu, əbə də azü tshelə anda nə̂ zə nɔ̂.»

9 Kədə a pa ndə anyaka nə̂ əzə̂ gashu kə Ndjapä nə, ətshə ə̂në tshə sə tə awombrə tshelə ndəma ye kɔ â sə tə awombrə ərə də äwänə kɔ, tshə sə kə gba tshelə anyaka lə kumu əzə̂ ə sə kə yutu aəmbrʉ aərə nɔ̂ tə̂ əzə̂.

20 Wü-a, mə ka gâ lə manda ə sə kə nge nə. Kədə ə̈bə̈ əzü kə dji tshema əmə â krɔ manda nə, mə sə kə li gâ ndə ye ə zɨ rəgo də ətshə â tshə sə kə zɨ rəgo də əmə ndje.