Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
ଡ଼ାଆ ଦାଂଗ୍ଣାଣି ଜା଼ପ୍ନାୟି
ପ୍ରବୁ କାତାତି ଆଜିନାୟି ବୁଦିତି ମା଼ଟ୍ନାୟି; ସାମା ବୁଦି ହିଲାଆ ଲ଼କୁ ବୁଦି ଅ଼ଡ଼େ ଜା଼ପ୍ନାଣି ହୀଣି କିନେସି।
ପ୍ରବୁ କାତାତି ଆଜିନାୟି ବୁଦିତି ମା଼ଟ୍ନାୟି, ଇଞ୍ଜାଁ ଦାର୍ମୁଗାଟାଣି ବୁଦିଏ ନେହିଁ ଅଣ୍ପୁ ଆ଼ନେ।
ପ୍ରବୁଇଁ ଆଜିନାୟି ବୁଦିଗାଟି ଜା଼ପିନାୟି; ଇଞ୍ଜାଁ କ଼ପା ହିଲାଆଗାଟାୟି ଗା଼ୱୁରମି ନ଼କିତା ଡ଼ୟିନେ।
ଗଡ଼୍ହା ତଲେ ହା଼ରେକା ବାତ୍କୁ କିହାଁ ମାହାପୂରୁଇଁ ଆଜାହାଁ ଇଚାଣି ବେଟାଆ଼ନାୟି ନେହେଁ।
ପ୍ରବୁତି ଆଜି, ଲାଗେଏତାଣି ଅ଼ପଅଁ;
ଡା଼ହାରା, ବଡପଣ ଅ଼ଡ଼େ ଏଟ୍କା ଜିରୁ
ଇଞ୍ଜାଁ କୁଟୁଗାଟି ଗୂତି ନା଼ନୁ ଅ଼ପଅଁ।
ସ଼ଜେତି ଅ଼ଡ଼େ ପ୍ରବୁତି ଆଜିନି କାତାତି ଦା଼ନା, ଦ଼ନ, ମା଼ନି, ଅ଼ଡ଼େ ଜୀୱୁ।
ମୀରୁ ଜାହାରା ନ଼କିତା ବୁଦିଗାଟାତେରି ଆ଼ଆଦୁ; ପ୍ରବୁଇଁ ଆଜାଦୁ ଅ଼ଡ଼େ ଲାଗେଏ ତା଼ଣାଟି ଏଟ୍କା ଆ଼ଦୁ। ମୀରୁ ଏଲେ କିତିସାରେ, ମୀ ଆଙ୍ଗା ନେହିଁ ଆ଼ନେ ଅ଼ଡ଼େ ମୀ ଡୁମ୍କାତି ନେଜେଡ଼ି ଆ଼ନେ।
ତାନି ଅ଼ଜୁତା ମ଼ହ ଆ଼ନାୟି ନା଼ଡ଼ି ଆ଼ନାୟି ଅ଼ଡ଼େ ଅ଼ଜୁ ଉଜେଏତାୟି; ସାମା ଏମିନି ଆୟା ପ୍ରବୁଇଁ ଆଜିନେ, ଏ଼ଦି ଗା଼ୱୁରମି ବେଟାଆ଼ନେ।
ବାରେତି କାତା ଈଦି; ବାରେ ୱେଣ୍ମ୍ବି ଆ଼ହାମାନେ; ମାହାପୂରୁଇଁ ଆଜାଦୁ ଅ଼ଡ଼େ ଏ଼ୱାଣି ବାରେ ହୁକୁମି ମା଼ନୱି ଆ଼ଦୁ; ଏ଼ନିଇଚିହିଁ ଈଦିଏ ମାଣ୍ସିତି ବାରେ କିନି କାମା।
ଏ଼ ସେ଼ବାକିନି ଇୟାସିକା ମାହାପୂରୁଇଁ ଆଜାଲିଏ ଏ଼ୱାସି ଏ଼ୱାସିକା କୂଡ଼ାତି ଏ଼ପା କିତେସି।
ଇଚିହିଁ, ଏ଼ ତାୟିୟାଁ ଅ଼ଡ଼େ ତାଙ୍ଗିସ୍କାତେରି, ଈ ବାରେ ଆ଼ଞ୍ଜାମାଚାଣି ମେ଼ଡ଼ା ଆ଼ହାମାନାକି ୱା଼ଦୁ, ମା଼ର ମା଼ ଆଙ୍ଗା ଅ଼ଡ଼େ ଜୀୱୁତି ଲାଗେଏ ତା଼ଣାଟି ଆଟ୍ହା କଡିନ, ଇଞ୍ଜାଁ ମାହାପୂରୁଇଁ ଆଜାନା ସୁଦୁ ମାଣ୍କିତା ନେହିଁ ଆ଼ନ ।
ଏ଼ଦାଆଁତାକି ଏ଼ୱାରି ଏ଼ନାଆଁ ବେଟାଆ଼ନାୟି ମାନେ, ଏ଼ଦାଆଁ ହୀଦୁ; ଆମ୍ବାଆରାକି ସିସ୍ତୁ ହୀନାୟି ମାନେ ଏ଼ୱାଣାକି ସିସ୍ତୁ ହୀଦୁ; ଆମ୍ବାଆରାକି ଆସ୍ଲି ହୀନାୟି ମାନେ ଏ଼ୱାଣାକି ଆସ୍ଲି ହୀଦୁ; ଆମ୍ବାଆରାଇଁ ଆଜିନାୟି ମାନେ ଏ଼ୱାଣାଇଁ ଆଜାଦୁ; ଆମ୍ବାଆରାଇଁ ମା଼ନି କିନାୟିମାନେ ଏ଼ୱାଣାଇଁ ମା଼ନି କିଦୁ ।