Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Makanyo kwa wabwanga na wandele
Kumvika Zumbe Mnungu ni nk’hongelo ya umanyi, mna wahezi waubela mzungu una ubala.
Kumvika Zumbe Mnungu ni nk’hongelo yo umanyi, na kummanya yudya akukile, ni kupata ubala.
Kumvika Zumbe Mnungu kwamhiniza mnt’hu mizungu, naho uneva ukei kutunywa vaungwa unde mjalamu.
Ni vedi kunda na vint’hu vigeke na kumvika Zumbe Mnungu, kujink’ha kunda na ugoli mwingi hamwenga na makunt’ho.
Kumvika Zumbe Mnungu ni kuihiwa ni uwihi,
naihiwa na kitugu na kukeduvya na wikazi wiihile,
naho naihiwa na milosi ihile.
Kukeseleza na kumvika Zumbe Mnungu, kwegala ugoli, nt’hunyo no ugima.
Use kukeona mwenye kunda na mzungu kujink’ha ivo wili, weye mwogohe Zumbe Mnungu na kwikala hale no uwihi, uneva unatenda ivo, noupate ugima mwo mwili wako, na ludole mwa mavuha yako.
Kukehamba vileke want’hu wakuungise ni kukedant’ha, utana wasunguza komboka, mna mvele akumvika Zumbe Mnungu naatogolwe.
Uwazilo we zimbuli zose ni uno, mbuli zose zivika kale. Mwogohe Mnungu naho uzitimile zisigilizi zakwe kwaviya ayo nayo want’hu wakuungwa kuyatimila.
Kumvika Zumbe ni chotoko cha mzungu,
wose kutimila zisigilizi zakwe wabala.
Nt’hunyo zakwe ni za mazuwa yose.
Uvikilwa wa mnt’hu ywa Mnungu
Zumbe atogolwe!
Kavikilwa mnt’hu akumwogoha Zumbe,
mnt’hu akweleleswa kutimila sigilizi za Zumbe.
Geleko dya wakumvika Zumbe
Wana kinyemi wadya wakumvika Zumbe Mnungu,
awo wakutimila zisigilizi zakwe.
Zumbe Mnungu awakaula wadya wakutenda viya akuunga,
wadya wakuhuwila lukunde lwakwe lwa mazuwa yose.
Mnungu agendeela kukivikila,
want’hu wose wa isi zose wamogohe.
Icho akuunga Mnungu
"Haluse nyuwe want’hu wa Izilaili, icho Zumbe Mnungu akuunga kwenyu ni iki, aunga mmogohe, naho mwikale mkalongozwa naye mwe zimbuli zenyu zose, mmuunge na kumvika kwo moyo wenyu wose no unt’hu wenyu wose, naho mzive na kuzitimila zisigilizi zakwe zose. Nawenk’hani sigilizi izi dielo vileke muuone uwedi wakwe.
Mtimileni Zumbe Mnungu na kumwogoha, nuyo ywo kumwiva na kumtimila. Mvikeni yehe naho mnde wahuilwa kwakwe.
Kwaviya wadya wank’hunga nawakamwogoha Mnungu, ivo awenk’haga mp’huga zawe wenye.
Wandugu zangu, kikanda kink’higwa zindagano izi zose, kikesunt’he na chochose kikudaha kugela usavu imili ne mioyo yetu kinde want’hu wa Mnungu na kwikala kwa kumwogoha Mnungu.
Kwaivo mwink’heni kila yumwenga viya awagilwe, akungwa kuliha kodi alihe kodi, akungwa kuliha ushulu alihe ushulu, naho wakogohwa wogoheni.
Mnt’hu ananda mwe makunt’ho aunga wambwuya wakumwambiza,
hata uneva himleka Mnungu.