Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
बिधाते डरा हेठै रही एछा अक्ल,
कबुधी मणछ निं अक्लीओ अदर करदै
अर नां तिंयां शिखल़दै।
बिधाते डरा हेठै रहणअ आसा अक्लीओ मूल़,
परम पबित्र परमेशरे बारै थोघ करनअ आसा समझ़।
बिधातो अदर करी एछा अक्ल ई,
ज़ै तम्हां अदर लोल़ी, तै लागा शरीफ हणअ।
सेठ हई आफ़ता दी पल़णै का आसा,
बिधाते डरा हेठै दुखी रहणअ भलअ।
बिधाते डरा हेठै रहणअ हआ
बूराई संघै ज़ीद डाहणीं।
शरेरी गल्ला, घमंड कदुष्ट गल्ला अर उंबल़ी गल्ला का आसा मुंह नफरत।
मानदारी दी रहणअ बिधाते डरा हेठै,
बिधाता दैणीं तम्हां लै लाम्मी अमर, माया अर अदर पुआज़अ।
आप्पू लै निं तम्हैं इहअ समझ़ी कि तम्हैं आसा खास्सै अक्ली आल़ै,
तम्हैं रहै सिधै बिधाते डरा हेठै अर बूरअ करनै का रहै दूर।
ज़ै तम्हैं इहअ करे, सह हणअ तम्हां लै मल्हमा ज़िहअ
तेता करै रहणीं थारी देही अर हाड-मास्स नरोगै।
शोभा हआ झ़ुठी अर हेरनी बित्ती बी निं सदा रहंदी,
पर ज़ुंण बेटल़ी बिधाते डरा हेठे रहा, तेसे हणीं सर्राफी।
ज़ुंण बी मंऐं तम्हां लै खोज़अ, तेतो नचोल़ आसा एचल़ी कि तम्हैं रहणअ बिधाते डरा हेठै अर तेऊओ शुणनअ ज़िहअ बोलअ तिहअ हुकम, किल्हैकि हाम्हैं मणछ आसा तेऊ एते ई तैणीं बणाऐं दै अर अह आसा म्हारअ फर्ज़।
बिधाते डरा हेठै रहणअ आसा अक्लीओ मूल़,
ज़ुंण तेऊए हुकम मना, तिन्नां एछा सुंबल़ी सोर।
बिधाते हणीं सदा ज़ै-ज़ैकार।
बिधाते करा ज़ै-ज़ैकार।
बिधाता हआ तेऊ मणछा लै खुश ज़ुंण तेऊओ अदर करा अर
ज़ुंण तेऊए हुकम मना।
बिधाता दैआ तिन्नां लै बर्गत ज़ुंण तेऊए हुकम मना अर
तेते साबै आपणीं ज़िन्दगी ज़िऊआ।
पर बिधाता रहा तिन्नां भाल़अ लागी ज़ुंण तेऊओ अदर करा,
अर ज़ुंण तेऊए झींण करने आशा डाहा।
आजू बी भेटणीं हाम्हां बिधाता का बर्गत ई,
संसारे सोभी लोगै लोल़ी बिधातो अदर किअ।
"पर ज़ुंण मेरअ अदर करा, तिन्नां लै निं इहअ हणअ। तम्हां बच़ाऊंणे मेरी शगती निखल़णीं तम्हां लै सुरज़ा ज़ेही अर तेते धुप्पै करै हणैं तम्हैं नरोगै। तम्हैं हणैं आज़ाद अर खुश ज़िहअ खुढे गल़ैऊंडी का खोल्हअ द बाछ़ू पटिक्कल़ै दैआ।
"इज़राईलीओ, थारअ परमेशर बिधाता निं तम्हां का एता सुआई होर किछ़ै मांग करदअ कि तम्हैं आपणैं परमेशर बिधातो अदर करे अर तम्हैं तेही ज़िन्दगी ज़िऊए, ज़िहअ सह बोला। सह च़ाहा इहअ कि तम्हैं लोल़ी आपणअ सारअ मन्न, प्राण अर आपणअ सारअ ज़ोर लाई तेऊ लै झ़ूरै। ज़ुंण बिधाते बधान अर बिधी आझ़ मंऐं तम्हां का लाऐ खोज़ी ईंयां लोल़ी तम्हैं मनै अर एता करै हणअ थारअ भलअ ई।
तम्हैं रहै आपणैं परमेशर बिधाता लै पठी शुचै-पाक्कै। तम्हैं मनै सिधै बिधाते हुकम अर तम्हैं करनी सिधी तेऊए ई च़ाकरी अर एता पूरै करना लै लोल़ी तम्हां सदा हैल़अ-फिकर हुअ।
परमेशरै किअ तिन्नां दूई सुआऊई संघै भलअ किल्हैकि तिन्नैं किअ परमेशरो अदर अर तिन्नां लै दैनी परमेशरै एही बर्गत कि तिन्नें हुई आजू आपणीं आद-लुआद।
इज़राईली मणछ रहै खास्सै हंदै लागी।
परमेशरै आसा ईंयां करारा हाम्हां लै दैनी दी। मेरै पैरै भाईओ, तै ऐबै छ़ाडणैं हाम्हां सोभ पाप करनै अर बूरी गल्ला करने सोठ निं डाहणीं ज़ेता करै म्हारी देही अर आत्मां छ़ोत लागा। परमेशरे डरा हेठै ज़िन्दगी ज़िऊई करै हणअ हाम्हां सोभी गल्ला दी पबित्र।
इहअ करै करनअ हरेकी मणछो हक दैई, ज़हा कारअ लोल़ी, तेऊ लै दैआ कारअ, ज़ै कहा च़ंदअ लोल़ी तेऊ लै दैआ च़ंदअ। ज़सरी डरा हेठै लागा रहणअ तेते रहणअ डरा हेठै, ज़सरअ अदर लागा करनअ तेऊओ करा अदर।
"मेरै साथीओ, मेरै च़ाल्लअ मर्हुई,
ऐहा खरी लोल़ी ती तम्हैं मेरी मज़त किई,
तेतो निं तम्हां किछ़ै मतलब आथी कि
हुंह महान परमेशरो ज़हा का सारअ बल आसा, तेऊओ अदर करा कि नांईं।