Adoração

24 Mirikisi e ma Aworo la, dole na worede sua bowuta yi su bowuta yi a siki Aworo nja gaskye.>>

23 Sede kwanki yaa zo kuzukam e rigye zo wo de nsu bowuta ni gaskye sua bowuta Adaa a siki Aworo nja gaskye, da mu na e ma yiri bowuta de Adaa yaa bila. 24 Mirikisi e ma Aworo la, dole na worede sua bowuta yi su bowuta yi a siki Aworo nja gaskye.>>

21 Yesu gye nkye, <<Yeda ni, mase, kwanki yaa zo de ntani sua bowuta Adaa ogbo mu ko Wurishelima ba. 22 Oku ntani Samariya kwa bowuta mbode ku shina ba; Sede omu Yawudawa bowuta mbode mu shina, sila butu anya ntani Yawudawa la. 23 Sede kwanki yaa zo kuzukam e rigye zo wo de nsu bowuta ni gaskye sua bowuta Adaa a siki Aworo nja gaskye, da mu na e ma yiri bowuta de Adaa yaa bila.

38 Anya ni nseminji ni nkye, <<Obagizi, Ni beigaskye,>> Se e dure guyam a kisi e bowuta yi.

10 Yesu gye yi nkye, <<Dege anya naa, obiri! E ma rubuta a siki takada Mirikisi: <Dure ba Obagizi Mirikisi ake, de ki bowuta e shi dandaa e yi.> >>

8 Yesu keleba, <<E ma rubuta a siki takada Mirikisi, ki bowuta Obagizi Mirikisi e ke de ki bowuta yi eshi ndandaa.>>

Zunwa A siki Bowuta Mirikisi

1 Nkayomu, yayuwa na, Mma yi ologba ku, sobon yowa ni aniyeri Mirikisi ku munka nki ku kankye sedeka nsu leyi, nsuseki nja mbo keleba anya Mirikisi, da mu na e ma kyakyawu turiki de kwa bowuta Mirikisi ngaskye.

Zunwa A siki Bowuta Mirikisi

1 Nkayomu, yayuwa na, Mma yi ologba ku, sobon yowa ni aniyeri Mirikisi ku munka nki ku kankye sedeka nsu leyi, nsuseki nja mbo keleba anya Mirikisi, da mu na e ma kyakyawu turiki de kwa bowuta Mirikisi ngaskye. 2 Kede ku yi zunwa yiri ni ntani durinya mu, sede ku bila de Mirikisi e shenja ku de kuma sabuwa a siki dishiya ku. Yomuna kwa shina mbode Mirikisi yaa bila de ku yi, de ma kyakyawu, nja mbode jima yi, nja mbode ema dedeta nupi yi.

36 Sobon Mirikisi na ki la guru mbo yomuna guru mbo su ma sobon ni Mirikisi la.

Bila de yobo nja girima su te nja Mirikisi ari gbogbogbo! Ema yomu.

11 Sobon takada Mirikisi nkye,

<<Nde E ni na ni ma Mirikisi nsu leyi, nzi Obagizi,

konwawa yaa nya nguyam a geba na,

konwawa yaa pala nkye E ni la ni ma Mirikisi.>>

11 Su nkye, <<Obagizi nja Mirikisi mu! ki deta de mua yobo ke la

girima, yobo, nja sori,

Sobon ki ki yi guru mbo,

ni nupi ke su ma sukwa man leyi.>>

7 E yi beta nja ntani ni totolo murinya e pala nkye, <<Ku yobo Mirikisi ku yobo girima e yi! Sobon kwanki ni yi de yaa poro ntani yi, ku bowuta yi e shi de yi bisi, nja kisi, nja totolo riki nja nda miya.>>

4 Obagizi Waana yaa zi womba ake ba?

waana yaa ki yobo girima seni ake?

sobon e ke dandaa na ki man lepi ba ki man nsuseki.

guru kesa sua zo

a geba ake de su yobo ke,

Sobon kyawu ANKI ke guru ntani geni.>>

8 Eni, Yaaya na, Ni zi nja ni geni guru mbo woromu. De Ni gama zi nja geni mbo woromu, Ni puari a kisi de ni yii bowuta meleku de nana Ni mbo woromu. 9 Sede e gye Ni nkye, <<Kede ki yi ni bowuta! Eni mma bunwa ni Mirikisi la nja ke nja yayuwa ke de su ma nsu anebi nja guru worede su keyi kelima de ma a takada mu. Yi Mirikisi bowuta!>>

9 Sobon yomu Mirikisi ba yi girima pi guru

nja e ba yi seni de pi guru seni,

10 nkye a siki seni ni Yesu guru guyam sua dure

a siki bisi nja a kisi nja a siki siki kisi,

11 nja guru arishiya yaa beyi sheeda nkye Yesu Kiristi ma Obagizi,

te anya beyi girima ni Mirikisi Adaa.

15 Nkayomu, bila de mu sigeba ni yobo Mirikisi de ma kankye sedeka mu te anya Yesu, de ma beiko de beyi te arishiya de pala nkye e ma Obagizi.

28 Nkayomu, mu gbede Mirikisi, sobon mu keleba solota de yaa taba zizika ba. Bila de mu gbede nja bowuta Mirikisi a turiki de a jima yi ni girima nja womba. 29 Sobon gaskye Mirikisi ma kankye wuta de yaa si kowoni mbo.

19 Ku yi beta nja nkyaku ni kelima wonka zabura, ni wonka yobo nja wonka aworo. Yi wonka yobo dege dishiya ku te nja Obagizi.

16 Bila de kelima Kiristi e zunwa a siki dishiya. Kuma kokoyi nkiya ku kuma ja nkiya ku kuni a siki guru simi. Ku meyi wonka a siki zabura, nja wonka yobo Mirikisi, nja wonka aworo; ku yi wonka ni gbede a siki dishiya ku te nja Mirikisi.

25 A sisika dederi Bulusu nja Selasi sua yi lepa nja wonka ni yobo Mirikisi, worede su ma jaru nja su sua zi mbode sua yi.

Mirikisi Nsu beyi Takuwa Ba Guru Ntani

3 Yobo te anya Mirikisi nja Adaa ni Obagizi mu Yesu Kiristi, Adaa mu nsu toseyi nja Mirikisi de beyi guru takuwa. 4 Mirikisi de e ma ba mu takuwa a siki guru Genbeki mu, sobon de mu ba worede su ma a siki Genbeki takuwa, ni yiri takuwa de mu samu anya Mirikisi.

3 Mua gye ku mbode mu geni nja mbode mu zi, de oku ma ku yi zumunshi nja mu. Zumunshi amu nja Adaa nja Yaa e yi, Yesu Kiristi.

42 Sede Mirikisi juyi su beyi e la su ba bowuta ni nana, wonta nja kem de su ma bisi, yiride e ma rubuta a siki takada nsu anebi nkye:

<<<Ntani Izireyila! E ni na ku keyi daba

de ku yanka ku munka sedeka ba

ari shekera aribeni de ku yi a siki denka.

43 Ku la rugwa boka ni Molek kuma yi kukyani nshi,

nja kem ni boka aku ni Repan,

boka de ku yi de ku bowuta su.

Nkayomu Na sa ku de ku ta a kesa bowuta de bise Babila.>

18 Kede ku bila nseda de yaa bwala kiya ni yaruwa nja bowuta meleku nja yaruwa nkye yaa geni Pelesa de nana ku samu mbo kyakyawu anya Mirikisi. yiri worosu mu su nya ku yaruwa a kiya mbode su geni, sede beta su man mbode butu dege dishiya nsebeki la. 19 Yiri ntani mu mala nja Kiristi ba, de ma kamkyiya ni nki. Kiristi yaa keyi guru nsu biya yi, de ma nki yi, de gomu te anya ganga nki nja ajijiya, de yaa yi girima yiride Mirikisi sa yi de yi girima.

3 Kede ku yeda de nseda e shirigye ku a kowoni turiki, sobon a nana ni Obagizi yaa zo ba se ntani su yi gabo tuku seleki gabo mere biya doka yaa pelesa, nseminji mu Mirikisi yaa alaka e yi 4 nsu gabo mu yaa yi geba nja Mirikisi yaa kuma ba kiya yi girima a kiya guru mbode sua sukwa Mirikisi ko bowuta e yi, ari yaa zunwa a laki lepa ni Mirikisi, yaa la kiya yi kankye e ma Mirikisi la.

8 Ku zo mala Mirikisi, e shi ma du yaa zo mala nku. Oku nsu lepi, ku bila yi lepi, de ku yi mbo kyakyawu, oku nsu dishiya bi.