Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Ala ka byotu ikweyi kojije lo, ipu ki inarigwu kala kpiri, ala do Owuso oka koza ni ala ba yimu ni, doka kpo otunehe ishi kpiri.
Nyya shotunehe do Owuso ishi kpiri ni nrela kala;
Kweyi oza ni ala ba ya kpiri, ipu kela koka kwe ipu ko za yoya, ala ya ipu ki iye ka Adole Oyesu, ba shotunehe do Owuso Ada iye bwebe nu.
Aba shotunehe do Owuso ikweyi kala kpiri, aba rela kala ipu ki inarigwu kaha. Aba rela kala obutu ko Owuso Ada ko oko ni ala ya kpo otuse kala ni, kpi imu kala ni yala yoko kotata ni, kpi iyitagye kala ipu ka Adole Oyesu Okristi ni loshu ni.
Nyya shotunehe do Owuso hin ishi kpiri dala ikweyi koneshi nu ni odala ipu ko Okristi Oyesu ni.
Aha ke shotunehe do Owuso ni yaha rogwa bwebe ka Adole kaha Oyesu Okristi ni!
Nke shotunehe do Owuso! Ikweyi koni ipu ko dudu kpo Okristi, Owuso yoko kpaha byase na shuwotu ni kweyi kpogwu kawo refu ipu ko Okristi. Owuso yoko kpaha ko koshu ko Okristi ebebenya byoza kpehe.
Kweyi Owuso ni ya do osheho edo kizire kpo ozarore ni, oya dala edo koza kpiri ni ala ba doka ni, kweyi yayo ya gye shini ala kyizire nwashika ikweyi koza neshi kala ni ala ya ni. Oya yala ba gbodu shini ala wawo zeshi ishi kpiri, kweyi ase nwashika ba shotunehe do Owuso ikweyi keshi kala ni anye ni.
Ala kela diyikala kpa awigye ko Odawuda, kpa awigye ashini, kpa awigye ko omaku; ala wigye kpa awigye ko Odawuda da Adole, ba shaniye ipu kotu kala. Ipu kiye ka Adole Oyesu Okristi, ala bi shotunehe ikweyi kojoji do Owuso Ada ishi kpiri.
Ala geyagye diyikala ikweyi koni ala ba mo Okristi gyiyi ni.
Ozo ikyoga eho kpe ebinyi epa kweyi otiyi mi iso, okeshi do Owuso kweyi oyiko da awogboso kweyi awogboso da ase. Kpiri wa ha yipu. Awogboso kpo shishini ko ikyoga kpe ebinyi nwo ogwugwu igwepa.