Agradecimento a Deus

6 Kə bii mə kə́ lə̀ŋnə ndə nubɛʼkə təmiyɔŋ fɛ. Bɔŋ ndə nubə inchəŋ b̈ii kə́ gháaNyii bíʼtə fɔkə tʉ ɔŋ ndə bii byúu, bɔŋleʼ kə́ bíʼtə tʉ ɔŋ nə ndɔ mu fyiihə-ii.

Bɔɔ kɔ́ ndɔ tʉ Nyii bɔŋleʼ gháaNyii

3 Mɔ nɔ tʉʼ kɔ́ ndɔ Nyii təvɛʼtəvɛʼ ndə mɔ kwɛ́nə bii.

17 Nukə təmiyɔŋ ndə bii tʉʼ fɔ̀ʼ byuunɔ kə́ gìe, bii nɔ kie ndə məfɔ̀ʼ yie-Jiso Tiekətʉ, ndə bii tʉʼ kɔ́ ndɔ tʉ Nyii mbʉ Tie tíŋ hə bɔ̌ŋ ɔŋ.

Ntɛ ndə bʉə-Tɛsalonika ndə bɔ̂ŋ nɔʼ bɛ́ŋ Nyii mɔ̀ʼfyiihə-ʉə ndəŋ Nyii

2 B̃aʼa nɔ chʉʼ kɔ́ ndɔ tʉ Nyii yie-bii bənchəŋ bɔŋleʼ kwɛ́nə bii təvɛʼtəvɛʼ ndʉʉ ndə baʼa tʉʼ gháaNyii. 3 Baʼa kə́ kwɛ́nə bii bəshʉ-Nyii mbʉ Tie-yʉʼʉ, te ntɛ-fɔʼɔ-yii ndə i gwè hə ndəŋ məmɔʼfyiihə-ii ndəŋ Nyii, ntɛ-fɔʼɔ ndə bii kə fɔ̀ʼ tʉ bəbɛʼbʉə bʉʼka ŋkʉ̂ʉ ndə bii kie tʉ bɔŋ leʼnə ntɛ ndə bii kə lyʉ̀ʉtə́nə ndə məyʉ́əʼnə ndəŋ Jiso Klai Tiekətʉ-yʉʼʉ.

Bɔɔ kɔ́ ndɔ tʉ Nyii

4 M̃ɔ nɔ kɔ́ ndɔ tʉ Nyii-ɔŋ təvɛʼtəvɛʼ te bii bʉʼka buuŋjyu-Nyii ndə ɔ dʉ̀ʼ tʉ bii tíŋ hə bɔ̌ŋ Klai Jiso.

57 Bɔŋ ndɔ tʉ Nyii ndə ɔ̃ kɔ́ ghʉəʼkə tʉ bʉʼʉ ndə məyú chɔ̂ tíŋ hə bɔ̌ŋ Jiso Klai Tiekətʉ-yʉʼʉ.

Məyú chɔ̂ tíŋ hə bɔ̌ŋ Jiso Klai

14 Bɔŋ ndɔ nɔ bɛ tʉ Nyii, bʉʼka ɔ nɔ bɛ ntəŋbəshʉ-yʉʼʉ ndə bʉʼʉ fúu ŋwɔŋ bʉʼʉbə Klai ndə məgɛ̀ sɛ́ʼ ŋgʉʼʉ. Nyii nɔ tʉʼ wɔ̀ʼhə bəsɔʼka te Klai bəyəŋbəyəŋ tíŋ hə bɔ̌ŋ bʉʼʉ, i kə́ bɛ nə ŋgwo-lamənda-mə ndə yɔ̂ʼkə-i bʉ̀ʉ daa.

10 Nduɔ, Ñyii ndə ɔ kɔ́ ŋgwie tʉ bʉə shùɔ ŋgwie, ghɔŋbə baakə ndə məyú, bu kɔ́ ŋgwie tʉ bii tə bìʼ kɔ́ ndə məshùɔ, ndə məchìi bii kʉ́ʉnə ntɔŋ-fɔ̀ʼ-jyujyu-mə i bìʼ yɔ́ŋ gɛ̀ nə shʉbə.

11 Bii bu fʉ̀ʼ ndə fiatə inchəŋ mbɔ bəkɔ bii kɔ́ yɔ̀ʼ ghɔkə-ii yɔ́ŋyɔ́ŋ. Ndʉʉ ndə baʼa bu lʉ̀ kɔkə-ii gɛ̀ nə yɔŋ tʉ bʉə ndə bɔ̂ŋ byúu nɔ, bʉə buŋmbi bu kə́ kɔ́ ndɔ tʉ Nyii.

19 B̈ii yùɔ ntɛ-təlyuu-Nyii-hə ndə Dɛbi kə yùɔ tʉ bəbɛʼbʉə bɔŋleʼ kə́ yùɔ ibɛʼ-yə ntɛ-təlyuu-hə ndə i gwè hə kəghɔ-LyʉʉhəNyiikə bɔŋleʼ bʉ̂ʼtə fɔbə ndə mələ̀ʼtə Tiekətʉ nə fyiihə-ii inchəŋ, 20 kə́ kɔ́ ndɔ ndə nubə inchəŋ təvɛʼtəvɛʼ tʉ Nyii mbʉ Tie yie-Tiekətʉ-yʉʼʉ Jiso Klai.

Bəke ghɔŋbə bələŋ

21 B̈ii kə́ ké ŋwɔŋtə-ii tʉ bəbɛʼbʉə, kə́ fàa bə Klai.

41 Ɔ kʉ̂ʉ lʉ̀ mbʉ mbyu-bele-hə itaa ghɔŋbə mbʉ mbyu-mbɔʼ-hə ibûu, lɛ́nə yuo, kɔ́ ndɔ, bə́ʼtə, kɔ́ tʉ vâafɔʼɔ-bi mbɔ bɔ̂ŋ gyʉ̀ətə tʉ mbʉ bʉə. Bɔŋleʼ gyʉ̀əhə mbʉ mbyu-mbɔʼ-hə ibûu kətʉ-bɔŋ bənchəŋ. 42 Bɔ̂ŋ bənchəŋ yú tə yúotə. 43 Bɔ̂ŋ lɛ̀ʼtə shyiibə njuɔ bûu nə wuŋ i lə́ŋtə nə kwuʼkwuʼ-bele ghɔŋbə mbʉ mbɔʼ.